ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 15 : PALI ROMAN An.A. (manoratha.2)

                        3. Sankharasuttavannana
      [23] Tatiye sabyapajjhanti 1- sadukkham. Kayasankharanti kayadvare cetanarasim.
Abhisankharotiti ayuhati rasim karoti pindam karoti. Vacimanodvaresupi eseva nayo.
Sabyapajjham lokanti sadukkham lokam. Sabyapajjha phassa phusantiti sadukkha
vipakaphassa phusanti. Sabyapajjham vedanam vediyatiti sadukkham vipakavedanam vediyati,
gilanabadham 2- nirassadanti attho. Seyyathapi satta nerayikati yatha niraye
nibbattasatta ekantadukkham vedanam vediyanti, evam vediyatiti attho. Kim pana
tattha upekkha vedana natthiti? atthi, dukkhavedanaya pana balavabhavena sa
abboharikatthane thita. Iti nirayova nirayassa upamam katva ahato. 3- Tatra
patibhagaupama kira nama esa.
      Seyyathapi deva subhakinhati idhapi devalokova devalokassa upamam katva
ahato. Yasma pana hetthimesu brahmalokesu sappitikajjhanavipako vattati,
subhakinhesu nippitiko ekantasukhova, tasma te agahetva subhakinhava kathita.
Iti ayampi tatra patibhagaupamati 4- veditabba.
      Vokinnasukhadukkhanti missakasukhadukkham. 5- Seyyathapi manussati manussanam hi
kalena sukham hoti kalena dukkham. Ekacce ca devati kamavacaradeva. Tesampi
kalena sukham hoti kalena dukkham. Tesam hi hinataranam mahesakkhatara devata
disva asana vutthatabbam hoti, magga ukkamitabbam, parutavattham apanetabbam,
anjalikammam katabbam, 6- tam sabbampi dukkhannama hoti. Ekacce ca vinipatikati
vemanikapeta. Te hi kalena sampattim anubhavanti kalena kammanti
@Footnote: 1 cha.Ma. sabyabajjhanti. evamuparipi      2 cha.Ma.,i. sabadham
@3 Ma. agato. evamuparipi            4 cha.Ma.,i. patibhagaupama namati
@5 cha.Ma. vomissakasukhadukkham             6 cha.Ma.,i. katabbanti
Vokinnasukhadukkhava honti. Iti imasmim sutte tini sucaritani lokiyalokuttara-
missakani kathitaniti veditabbani.



             The Pali Atthakatha in Roman Book 15 page 101-102. http://84000.org/tipitaka/atthapali/read_rm.php?B=15&A=2254&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=15&A=2254&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=20&i=462              เนื้อความพระไตรปิฎกฉบับหลวง :- http://84000.org/tipitaka/read/r.php?B=20&A=3201              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=20&A=3159              The Pali Tipitaka in Roman Character :- http://84000.org/tipitaka/read/roman_read.php?B=20&A=3159              Contents of The Tipitaka Volume 20 http://84000.org/tipitaka/read/?index_20

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]