AtthaPali Vol.15

2. Rathakaravagga 1. Natasuttavannana [11] Dutiyassa pathame natoti pannato pakato. Ananulomiketi sasanassa na anulometiti ananulomikam, tasmim ananulomike. Kayakammeti panatipatadimhi kayaduccarite. Olarikam va etam. Evarupe ^1- samadapetum sakkotiti. Disa namassitum vattati, bhutabalim katum vattatiti evarupe samadapeti ganhapeti. Vacikammepi musavadadini olarikani, attano santakam parassa adatukamena "natthi"ti ayam balajanamusavado ^2- nama vattum vattatiti evarupe samadapeti. Manokammepi abhijjhadayo olarika, kammatthanam visamvadetva kathento pana anulomikesu dhammesu samadapeti nama dakkhinaviharavasitthero viya. Tam kira theram eko upatthako amaccaputto upasankamitva "mettayantena pathamam kidise puggale mettayitabban"ti pucchi. Thero sabhagavisabhagam anacikkhitva "piyapuggale"ti aha. Tassa ^3- bhariya piya hoti manapa, so tam arabbha mettayanto ummadam papuni. Katham panesa bahujanahitaya patipanno hotiti? evarupassa hi saddhiviharikadayo ceva upatthakadayo ca tesam arakkhadevata adim katva tasam tasam mittabhuta yava brahmaloka sesadevata ca "ayam bhikkhu na ajanitva karissati"ti tena katameva karonti, evamesa bahujanahitaya patipanno hoti. Sukkapakkhe panatipata veramaniadinamyeva vasena kayakammavacikammani veditabbani. Kammatthanam pana avisamvadetva kathento anulomikesu dhammesu samadapeti nama kolitaviharavasi catunikayikatissatthero viya. Tassa kira jetthabhata dattabhayatthero ^4- nama cetiyavihare ^5- vasanto ekasmim roge samutthite kanittham pakkosapetva aha "avuso mayham sallahukam katva ekam kammatthanam kathehi"ti. @Footnote: ¹ cha.Ma.,i. na evarupe ² cha.Ma. adatukamena "natthi"ti ayam vancanamusavado, @Si.,i. adatukamena "natthi"ti ayam valanjanamusavado ³ cha.Ma.,i. tassa ca @⁴ cha.Ma. nandabhayatthero ⁵ cha.Ma. potaliyavihare Kim bhante annena kammatthanena, kavalinkaraharam parigganhitum vattatiti. Kimatthiko esa avusoti. Bhante kavalinkaraharo upadarupam, ekasmim ca upadarupe ditthe tevisati upadarupani pakatani hontiti. So "vattissati avuso ettakan"ti tam uyyojetva kavalinkaraharam parigganhitva upadarupam sallakkhetva vivajjetva ^1- arahattam papuni. Atha nam theram bahivihara anikkhantameva pakkositva "avuso mahaavassayosi mayham jato"ti kanitthattherassa attana patiladdhagunam arocesi. Bahujanahitayati etassapi hi saddhiviharikadayo "nayam ajanitva karissati"ti tena katameva karonti, ^2- tatha upatthakadayo tesam arakkhadevata tasam mitta bhummatthaka devata tasam mitta akasatthakadevatati yava brahmaloke nibbattadevata tena katameva karontiti ^2- bahujanahitaya patipanno hoti.

The Pali Atthakatha in Roman Book 15 page 82-83. http://84000.org/tipitaka/atthapali/read_rm.php?B=15&A=1810&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=15&A=1810&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=20&i=450 เนื้อความพระไตรปิฎกฉบับหลวง :- http://84000.org/tipitaka/read/r.php?B=20&A=2777 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=20&A=2720 The Pali Tipitaka in Roman Character :- http://84000.org/tipitaka/read/roman_read.php?B=20&A=2720 Contents of The Tipitaka Volume 20 http://84000.org/tipitaka/read/?index_20