ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pageno pageNumbernext pagelast page chage to ENGLISH letter  
Atthakatha Book 15 : PALI ROMAN Aṅ.A. (manoratha.2)

page71.

15. 5. Samāpattivaggavaṇṇanā [164] Pañcamassa paṭhame samāpattikusalatāti āhārasappāyaṃ 1- pariggaṇhitvā samāpattisamāpajjane chekatā. Samāpattivuṭṭhānakusalatāti yathāparicchedena gate kā le viyatto 2- hutvā uṭṭhahanto vuṭṭhānakusalo nāma hoti evaṃ kusalatā. 3- [165] Dutiye ājjavanti ujubhāvo. Maddavanti mudubhāvo. [166] Tatiye khantīti adhivāsanakkhanti. Soraccanti susīlabhāvo 4- suratabhāvo. [167] Catutthe sākhalyanti saṇhavācāvasena sammodamānabhāvo. Paṭisanthāroti āmisena vā dhammena vā paṭisantharaṇaṃ. [168] Pañcame avihiṃsāti karuṇāpubbabhāgo. Soceyyanti sīlavasena sucibhāvo. Chaṭṭhasattamāni uttānatthāneva. [171] Aṭṭhame paṭisaṅkhānabalanti paccavekkhaṇabalaṃ. [172] Navame muṭṭhasacce akampanena satiyeva satibalaṃ. Uddhacce akampanena samādhiyeva samādhibalaṃ. [173] Dasame samathoti cittekaggatā. Vipassanāti saṅkhārapariggahañāṇaṃ. [174] Ekādasame sīlavipattīti dussīlyaṃ. Diṭṭhivipattīti micchādiṭṭhi. [175] Dvādasame sīlasampadāti paripuṇṇasīlatā. Diṭṭhisampadāti sammā- diṭṭhibhāvo. Tena kammassakatāsammādiṭṭhi jhānasammādiṭṭhi vipassanāsammādiṭṭhi maggasammādiṭṭhi phalasammādiṭṭhīti sabbāpi pañcavidhā sammādiṭṭhi saṅgahitā hoti. @Footnote: 1 cha.Ma.,i. āhārasappāyaṃ utusappāyaṃ 2 Sī.,i. visado @3 ka. hotīti esa cheko 4 cha.Ma.,i. susīlyabhāvena

--------------------------------------------------------------------------------------------- page72.

[176] Terasame sīlavisuddhīti visuddhisampāpakaṃ sīlaṃ. Diṭṭhivisuddhīti visuddhisampāpikā catumaggasammādiṭṭhi, pañcavidhāpi vā sammādiṭṭhi. [177] Cuddasame diṭṭhivisuddhīti visuddhisampāpikā sammādiṭṭhiyeva. Yathādiṭṭhissa ca padhānanti heṭṭhimamaggasampayuttaṃ viriyaṃ. Tañhi tassā diṭṭhiyā anurūpattā "yathādiṭṭhissa ca padhānan"ti vuttaṃ. [178] Paṇṇarasame asantuṭṭhitā ca kusalesu dhammesūti aññatra arahattamaggā kusalesu dhammesu asantuṭṭhibhāvo. [179] Soḷasame muṭṭhasaccanti muṭṭhasatibhāvo. Asampajaññanti aññāṇabhāvo. [180] Sattarasame apilāpanalakkhaṇā sati. Sammāpajānanalakkhaṇaṃ sampajaññanti. Samāpattivaggo pañcamo. Tatiyapaṇṇāsako niṭṭhito. -----------


             The Pali Atthakatha in Roman Book 15 page 71-72. http://84000.org/tipitaka/atthapali/read_rm.php?B=15&A=1570&pagebreak=1              อรรถกถาบาลีอักษรไทย :- http://84000.org/tipitaka/atthapali/read_th.php?B=15&A=1570&pagebreak=1              อ่านอรรถกถาแปลไทย :- http://84000.org/tipitaka/attha/attha.php?b=20&i=408              เนื้อความพระไตรปิฎกฉบับหลวง :- http://84000.org/tipitaka/read/r.php?B=20&A=2461              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=20&A=2424              The Pali Tipitaka in Roman Character :- http://84000.org/tipitaka/read/roman_read.php?B=20&A=2424              Contents of The Tipitaka Volume 20 http://84000.org/tipitaka/read/?index_20

first pageprevious pageno pageNumbernext pagelast page chage to ENGLISH letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]