AtthaPali Vol.15

2. Dutiyapannasaka 6. 1. Puggalavaggavannana [53] Dutiyapannasakassa pathame cakkavattina saddhim gahitatta "lokanukampaya"ti na vuttam. Ettha ca cakkavattino uppattiya dve sampattiyo labhanti, buddhanam uppattiya tissopi sampattiyo. ^1- [54] Dutiye acchariyamanussati na acinna manussa abbhutamanussa. [55] Tatiye bahuno janassa anutappa hotiti mahajanassa anutapakari hoti. Tattha cakkavattino kalakiriya ekacakkavale devamanussanam anutapam karoti, tathagatassa kalakiriya dasasu cakkavalasahassesu. [56] Catutthe thuparahati thupassa araha ^1- yutta anucchavika. Cakkavattino hi cetiyam patijaggitva dve sampattiyo labhanti, buddhanam cetiyam patijaggitva tissopi. [57] Pancame buddhati attano anubhavena cattari saccani buddha. [58] Chatthe phalantiyati saddam karontiya. Na santasantiti ^2- sakkayaditthiya pahinatta ^2- na bhayanti. Tattha khinasavo attano sakkayaditthiya pahinatta na bhayati, hatthajaniyo ^3- sakkayaditthiya balavattati. Sattamatthamesupi eseva nayo. [61] Navame kimpurisati kinnaRa. Manusim vacam na bhasantiti manussassa katham na kathenti. Dhammasokassa kira ekam kinnaram anetva dassesum. So @Footnote: ¹ cha.Ma.,i. ayam patho na dissati ^2-2 cha.Ma. ime patha na dissanti ³ Ma. itaro "kathapetha nan"ti aha. Kinnaro kathetum na icchati. Eko puriso "ahametam kathapessami"ti hetthapasadam otaretva dve khanuke kottetva ukkhalim aropesi. Sa ubhatopassehi patati. Tam disva kinnaro "kim annam ekam khanukam kottetum na vattati"ti ettakameva aha. Puna aparabhage dve kinnare anetva dassesum. Raja "kathapetha ne"ti aha. Te kathetum na icchimsu. Eko puriso "ahamete kathapessami"ti te gahetva antarapanam agamasi. Tattheko ambapakkanca macche ca addasa, eko kapitthaphalanca ^1- ambilaphalanca. Tattha puriso "mahavisam manussa khadanti, katham te kilasino ^2- na honti"ti. Itaro "katham ime etam nissaya kutthino na honti"ti aha. Evam manusim vacam kathetum asakkontapi dve atthavase sampassamana kathentiti. [62] Dasame appativanoti anukkanthito apaccosakkito. [63] Ekadasame asantasannivasanti asappurisanam sannivasam. Na vadeyyati ovadena va anusasaniya va na vadeyya, ma vadatuti attho. Therampaham na vadeyyanti ahampi theram bhikkhum ovadanusasanivasena na vadeyyam. Ahitanukampiti ahitam icchamano. No hitanukampiti hitam anicchamano. Noti nam vadeyyanti "aham tava vacanam na karissan"ti nam vadeyyam. Viheseyyanti ^3- vacanassa karanena vihetheyyam. Passampissa na patikareyyanti passantopi janantopi aham tassa ^4- vacanam na kareyyam. Imina upayena sabbattha attho veditabbo. Sukkapakkhe pana sadhuti nam vadeyyanti "sadhu bhaddakam sukathitam taya"ti tassa katham abhinandanto nam vadeyyanti attho. @Footnote: ¹ cha.Ma. kabitthaphalanca ² Si. setakilasino ³ cha.Ma. vihetheyyanti ⁴ Si. tava [64] Dvadasame ubhato vacisamsaroti dvisupi pakkhesu annamannam akkosanapaccakkosanavasena samsaramana vaca vacisamsaro. Ditthipalasoti ditthim nissaya uppajjanako yugaggahalakkhano palaso ditthipalaso nama. Cetaso aghatoti kodho. ^1- So hi cittam aghatento uppajjati. Appaccayoti atutthakaro, domanassanti attho. Anabhiraddhiti kodhoyeva. ^2- So hi anabhiradhanavasena anabhiraddhiti vuccati. Ajjhattam avupasantam hotiti sabbametam niyakajjhattasankhate attano citte ca saddhiviharikaantevasikasankhataya attano parisaya ca avupasantam hoti. Tasmetanti tasmim etam. Sesam vuttanayeneva veditabbam. ^3- Puggalavaggo pathamo. -----------

The Pali Atthakatha in Roman Book 15 page 58-60. http://84000.org/tipitaka/atthapali/read_rm.php?B=15&A=1316&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=15&A=1316&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=20&i=297 เนื้อความพระไตรปิฎกฉบับหลวง :- http://84000.org/tipitaka/read/r.php?B=20&A=1991 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=20&A=1979 The Pali Tipitaka in Roman Character :- http://84000.org/tipitaka/read/roman_read.php?B=20&A=1979 Contents of The Tipitaka Volume 20 http://84000.org/tipitaka/read/?index_20