Atthakatha Book 13 : PALI ROMAN
Saṃ.A. (sārattha.3)

page41.
                        4. Kāmaguṇasuttavaṇṇanā
    [117] Catutthe ye meti ye mama. Cetaso samphuṭṭhapubbāti cittena
anubhūtapubbā. Tatra me cittaṃ bahulaṃ gacchamānaṃ gaccheyyāti tesu pāsādattaya-
tividhanāṭakādibhedasampattivasena anubhūtapubbesu 1- pañcasu kāmaguṇesu bahūsu vāresu 2-
uppajjamānaṃ uppajjeyyāti dīpeti. Paccuppannesu vāti idha padhānacariyakāle
chabbassāni supupphitavanasaṇḍajātassaramigagaṇādīnaṃ 3- vasena diṭṭhasutādibhedaṃ
manoramārammaṇaṃ kāmaguṇaṃ katvā dassento "evarūpesu paccuppannesu vā bahulaṃ
uppajjeyyā"ti dasseti. Appaṃ vā anāgatesūti anāgate "metteyyo nāma
buddho bhavissati, saṅkho nāma rājā, ketumatī nāma rājadhānī"tiādivasena 4-
parittakameva anāgatesu kāmaguṇesu uppajjeyyāti dasseti. Tatra me attarūpenāti
tatra mayā attano hitakāmajātikena. Appamādoti sātaccakiriyā pañcasu
kāmaguṇesu cittassa avossaggo. Satīti ārammaṇapariggahitasati. Ārakkhoti ayaṃ
appamādo ca sati ca cetaso ārakkho karaṇīyo. Evaṃ me ahosīti dasseti,
ārakkhatthāya ime dve dhammā kattabbāti vuttaṃ hoti.
    Tasmātiha bhikkhave se āyatane veditabbeti yasmā cetaso ārakkhatthāya
appamādo ca sati ca kātabbā, yasmā tasmiṃ āyatane vidite appamādena vā
satiyā vā kātabbaṃ natthi, tasmā se āyatane veditabbe, taṃ kāraṇaṃ jānitabbanti
attho. Saḷāyatananirodhanti saḷāyatananirodho vuccati nibbānaṃ, taṃ sandhāya bhāsitanti
attho. Nibbānasmiṃ hi cakkhuādīhi ceva nirujjhanti rūpasaññādayo ca nirujjhantīti.
Sesaṃ vuttanayameva.
@Footnote: 1 Sī.,ka. anubhūtapubbo      2 Sī.,ka. bahutare
@3 cha.Ma...... vanasaṇḍajātānaṃ dijagaṇādīnaṃ    4 dī.pā. 11/106/64


             The Pali Atthakatha in Roman Book 13 page 41.
http://84000.org/tipitaka/atthapali/read_rm.php?B=13&A=870&pagebreak=1
             อรรถกถาบาลีอักษรไทย :-
http://84000.org/tipitaka/atthapali/read_th.php?B=13&A=870&pagebreak=1
             อ่านอรรถกถาแปลไทย :-
http://84000.org/tipitaka/attha/attha.php?b=18&i=173
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=18&A=2503
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=18&A=2456
             The Pali Tipitaka in Roman Character :-
http://84000.org/tipitaka/read/roman_read.php?B=18&A=2456
             Contents of The Tipitaka Volume 18
http://84000.org/tipitaka/read/?index_18