ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 13 : PALI ROMAN Sam.A. (sarattha.3)

                         2. Rajakaramavagga
                      1. Sahassabhikkhunisamghasuttavannana
    [1007] Dutiyassa pathame rajakarameti ranna karitatta evamladdhaname
arame, tam ranna pasenadikosalena katam. Pathamabodhiyam kira labhaggayasaggapattam
sattharam disva titthiya cintayimsu "samano gotamo labhaggayasaggapatto, na kho
panesa annam kinci silam va samadhim va nissaya evam labhaggayasaggapatto.
Bhumisisam pana tena gahitam, sace mayampi jetavanasamipe aramam karapetum
sakkuneyyama, labhaggappatta bhaveyyama"ti. Te attano attano upatthake
samadapetva satasahassamatte kahapane labhitva te adaya ranno santikam
agamamsu. Raja "kim etan"ti pucchi. Mayam jetavanasamipe titthiyaramam karoma, sace
samano gotamo va samanassa gotamassa savaka va agantva varessanti,
varetum ma adatthati lanjam adamsu. Raja lanjam gahetva "gacchatha karetha"ti
aha.
    Te gantva attano upatthakehi dabbasambhare aharapetva
thambhussapanadini karonta uccasadda mahasadda ekakolahalam akamsu. Sattha
gandhakutito nikkhamma pamukhe thatva "ke pana te ananda uccasadda
mahasadda kevatta manne macchavilope"ti pucchi. Titthiya bhante jetavanasamipe
titthiyaramam karontiti. Ananda ime sasanena 1- pativiruddha bhikkhusamghassa
aphasuviharam karissanti, ranno arocetva varapehiti.
    Thero bhikkhusamghena saddhim gantva rajadvare atthasi. Ranno "thera
deva agata"ti nivedayimsu, 2- raja lanjassa gahitatta na nikkhami. Thera
gantva satthu arocayimsu. Sattha sariputtamoggallane pesesi. Raja tesampi
dassanampi na adasi. Te agantva satthu arocayimsu "na bhante raja
nikkhanto"ti. Sattha tamkhanamyeva byakasi "attano rajje thatva kalam katum
na labhissati"ti.
    Dutiyadivase ca samamyeva bhikkhusamghaparivaro gantva rajadvare atthasi
raja "sattha agato"ti sutva nikkhamitva nivesanam pavesetva sarapallanke
nisidapetva yagukhajjakam adasi. Sattha paribhuttayagukhadaniyo "yava bhattam
nitthati, tava satthu santike nisidissami"ti agantva nisinnam rajanam "taya
maharaja idam nama katan"ti avatva "karaneneva nam sannapessami"ti idam
atitakaranam ahari:- maharaja pabbajite nama annamannam yujjhapetum na
vattati. Atitepi isayo annamannam yujjhapetva saha ratthena raja samuddam
pavitthoti. Kada bhagavati.
    Atite maharaja bhururatthe bhururaja 3- nama rajjam kareti. Pancasata
pancasata dve isigana pabbatapadato lonambilasevanatthaya bhurunagaram gantva
@Footnote: 1 Si. sasane      2 Si. arocayimsu
@3 Ma. kururatthe kururaja, cha. bharuratthe bharuraja, evamuparipi
Nagarassa avidure dve rukkha atthi, pathamam agato isigano ekassa rukkhassa
mule nisidi, pacchagatopi ekassati. Te yathabhirantam viharitva pabbatapadameva
agamamsu. Te puna agacchantapi attano rukkhamuleyeva nisidanti. Addhane
gacchante eko rukkho sukkhi, tasmim sukkhe agata tapasa "ayam rukkho maha,
amhakampi tesampi pahossati"ti itaresam rukkhamulassa ekapadese nisidimsu. Te
paccha agacchanta rukkhamulam apavisitva bahi thitava "kasma tumhe ettha
nisidatha"ti ahamsu. Acariya amhakam rukkho sukkho, ayam rukkho maha, tumhepi
pavisatha, tumhakampi amhakampi pahossatiti. Te "na mayam pavissama 1- nikkhamatha
tumhe"ti katham vaddhetva "na tumhe attanova manena nikkhamissatha"ti hatthadisu
gahetva nikkaddhimsu. Te "hotu sikkhapessama ne"ti iddhiya sovannamayani
dve cakkani rajatamayam ca akkham mapetva pavattenta rajadvaram agamamsu.
Ranno "evarupam deva tapasa pannakaram gahetva thita"ti nivedayimsu. Raja
tuttho "pakkosatha"ti te pakkosapetva "mahakammam tumhehi katam, atthi vo
kinci maya kattabban"ti aha. Ama maharaja amhakam nisinnatthanam ekarukkhamulam
atthi, tam annehi isihi gahitam, tam no dapehiti. Raja purise pesetva
tapase nikkaddhapesi.
    Te bahi thita "kim nu kho datva labhimsu"ti olokayamana "idam nama"ti
disva "mayampi lanjam datva puna ganhissama"ti iddhiya sovannamayam rathapanjaram
mapetva adaya agamamsu. Raja disva tuttho "kim bhante katabban"ti aha.
Maharaja amhakam rukkhamule anno isigano nisinno, tam no rukkhamulam
dapehi"ti. Raja purise pesetva te nikkaddhapesi. Tapasa annamannam kalaham
@Footnote: 1 Si. pavississama
Katva "ananucchavikam amhehi katan"ti vippatisarino hutva pabbatapadameva
agamamsu. Tato devata "ayam raja dvinnampi isigananam hatthato lanjam
gahetva annamannam kalaham karesi"ti kujjhitva mahasamuddam ubbattetva
tassa ranno vijitam yojanasahassamattatthanam samuddameva akamsu.
         Isinaantaram katva       bhururajati me sutam
         ucchinno saha ratthehi    sa raja vibhavam gatoti 1-
    evam bhagavata imasmim atite dassite 2- yasma buddhanam nama katha
okappaniya hoti, tasma raja attano kiriyam sallakkhetva "anupadharetva
maya akattabbam kammam katan"ti "gacchatha bhane titthiye nikkaddhapetva cintesi
"maya karito viharo nama natthi, tasmimyeva thane viharam karessami"ti tesam
dabbasambharehi adatva viharam karesi. Tam sandhayetam vuttam.



             The Pali Atthakatha in Roman Book 13 page 363-366. http://84000.org/tipitaka/atthapali/read_rm.php?B=13&A=7921&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=13&A=7921&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=18&i=              เนื้อความพระไตรปิฎกฉบับหลวง :- http://84000.org/tipitaka/read/r.php?B=18&A=              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=18&A=              The Pali Tipitaka in Roman Character :- http://84000.org/tipitaka/read/roman_read.php?B=18&A=              Contents of The Tipitaka Volume 18 http://84000.org/tipitaka/read/?index_18

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]