ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 13 : PALI ROMAN Sam.A. (sarattha.3)

                         11. Sotapattisamyutta
                          1. Veludvaravagga
                      1. Cakkavattirajasuttavannana
    [997] Sotapattisamyuttassa pathame kincapiti anuggahagarahanesu nipato.
Catunnam hi mahadipanam issariyadhipaccam rajjam anuggahanto catunnanca apayanam
appahinabhavam garahanto sattha "kincapi bhikkhave raja cakkavatti"tiadimaha.
Tattha catunnam dipananti dvisahassadipaparivaranam catunnam mahadipanam.
Issariyadhipaccanti issarabhavo issariyam, adhipatibhavo adhipaccam, issariyam
adhipaccam ekasmim rajje chedanabhedananti issariyadhipaccam. Karetvati evarupam
rajjam pavattapetva. Kincapi bhikkhave ariyasavakoti ettha anuggahapasamsasu nipato.
Pindiyalopena hi yapanam anuggahanto catunnanca apayanam pahinabhavam pasamsanto sattha
"kincapi bhikkhave ariyasavako"tiadimaha. Tattha nantakaniti anantakani.
Terasahatthopi hi vatthasatako dasacchedanato patthaya nantakanteva sankham gacchati.
    Aveccappasadenati acalappasadena. So panayam pasadoti kim eko,
anekoti? ekova, so maggena agatappasado. Yesu pana vatthusu apubbam acarimam
ruhati, tesam vasena "buddhe aveccappasadena"tiadina nayena tidha vutto.
Yasma ca eko, tasmava ninnanakarano hoti. Ariyasavakassa hi buddheyeva
pasado ca pemam ca garavam ca mahantam, na dhamme va samghe va, dhammeyeva va
mahantam, na buddhe va samghe va, samgheyeva va mahantam, na buddhe va dhamme
vati ekam natthi. Itipi so bhagavatiadini visuddhimagge vittharitaneva.
    Ariyakantehiti ariyanam kantehi piyehi manapehi. Panca hi silani bhavantaragata
ariya na kopenti, evam tesampi piyani. Tani sandhayeva vuttam.
Akhandehitiadi sadisavasena vuttam. Mukhavattiyamhi chinnekadesa patikhandati vuccati,
majjhe bhinna chiddati, ekasmim padese visabhagavanna gavi sabalati,
nanabinducitta 1- kammasati, evameva patipatiya adimhi va ante va bhinnam
silam khandam nama. Majjhe bhinnam chiddam, yattha katthaci dvinnam va tinnam va
patipatiya bhinnatta sabalam, ekantaram bhinnam kammasam. Tesam dosanam abhavena
akhandadita veditabba. Bhujissehiti bhujissabhavakarehi. Vinnupasatthehiti 2-
buddhadihi vinnuhi pasamsitehi. Aparamatthehiti "idam nama taya katam, idam
vitikkantan"ti evam paramasitum asakkuneyyehi. Samadhisamvattanikehiti
appanasamadhim upacarasamadhim va samvattetum samatthehi.



             The Pali Atthakatha in Roman Book 13 page 356-357. http://84000.org/tipitaka/atthapali/read_rm.php?B=13&A=7757&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=13&A=7757&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=18&i=              เนื้อความพระไตรปิฎกฉบับหลวง :- http://84000.org/tipitaka/read/r.php?B=18&A=              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=18&A=              The Pali Tipitaka in Roman Character :- http://84000.org/tipitaka/read/roman_read.php?B=18&A=              Contents of The Tipitaka Volume 18 http://84000.org/tipitaka/read/?index_18

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]