AtthaPali Vol.13

5. Jaravagga 1. Jaradhammasuttavannana [511] Pancamavaggassa pathame pacchatapeti pasadacchayaya puratthimadisam paticchannatta pasadassa pacchimadisabhage atapo hoti, tasmim thane pannattavara- buddhasane nisinnoti attho. Pitthim otapayamanoti yasma sammasambuddhassapi

--------------------------------------------------------------------------------------------- page320.

Upadinnakasarire unhakale unham hoti, sitakale sitam, ayam ca himapatasitasamayo, tasma mahacivaram otaretva suriyarasmihi pitthim otapayamano nisidi. Kim pana buddharasmiyo madditva suriyarasmi anto pavisitum sakkotiti. Na sakkoti. Evam sante kim tapetiti. Rasmitejam. Yatheva hi thitamajjhantike parimandalaya chayaya rukkhamule nisinnassa kincapi suriyarasmiyo sariram na phussanti, sabbadisasu pana tejo pharati, aggijalahi parikkhitto viya hoti, evam suriyarasmisu buddharasmiyo madditva anto pavisitum asakkunantisupi sattha tejam tapento nisinnoti veditabbo. Anomajjantoti pitthiparikammakaranavasena anumajjanto. Acchariyam bhanteti thero bhagavato pitthito mahacivaram otaretva nisinnassa dvinnam amsakutanam antare suvannavattam viya kesaggappamanam valiyavattam disva "evarupepi nama sarire jara pannayati"ti sanjatasamvego jaram garahanto evamaha. Garahanacchariyam nama kiretam. Na cevam dani bhante bhagavato tava parisuddhoti yathapakatiya chavivanno parisuddho, na evametarahiti dipento evamaha. Tathagatassa hi daharakale sankusatasamabbhahatausabhacammam viya vihatavaliko kayo hoti, tasmim thapito ^1- hattho bhassateva na santitthati, telapucchanakarappatto viya hoti. Mahallakakale pana sirajala milayanti, ^2- sandhipabbani sithilani ^3- honti, mamsam atthito muccitva sithilabhavam apajjitva tattha tattha olambati. Buddhanam pana evarupam na hoti. Annesam apakatam, santikava caratta anandattherasseva pakatam hoti, tasma evamaha. @Footnote: ¹ ka. tasmim patito ² ka. sirajalapi jayanti ³ ka. viralani

--------------------------------------------------------------------------------------------- page321.

Sithilani ca gattaniti annesam mukhe mamsakutantareti tesu tesu thanesu valiyo santitthanti, satthu paretam natthi, thero ca dvinnam amsakutanam antare valiyavattakam disva evamaha. Sabbani valiyajataniti idampi attano pakatavasenevaha, satthu pana annesam viya valiyo nama natthi. Purato pabbharo ca kayoti sattha brahmujugatto, devanagare samussitasuvannatoranam viyassa kayo ujukameva uggato. Mahallakakale pana kayo purato vanko hoti, svayam annesam apakato, santikava caratta pana therasseva pakato, tasma evamaha. Dissati ca indriyanam annathattanti indriyani nama na cakkhuvinneyyani. Yato pana pakatiya parisuddho chavivanno, idani na tatha parisuddho, amsakutantare vali pannayati, brahmujukayo purato vanko, iminava karanena cakkhadinam ca indriyanam annathattena bhavitabbanti nayaggahato evamaha. Dhi tam jammijare atthuti lamake jare dhi tam tuyham hotu, dhikkaro tam phusati. Bimbanti attabhavo.

The Pali Atthakatha in Roman Book 13 page 319-321. http://84000.org/tipitaka/atthapali/read_rm.php?B=13&A=6979&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=13&A=6979&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=18&i=443 เนื้อความพระไตรปิฎกฉบับหลวง :- http://84000.org/tipitaka/read/r.php?B=18&A=6215 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=18&A=5928 The Pali Tipitaka in Roman Character :- http://84000.org/tipitaka/read/roman_read.php?B=18&A=5928 Contents of The Tipitaka Volume 18 http://84000.org/tipitaka/read/?index_18