AtthaPali Vol.13

2. Bojjhangasamyutta 1. Pabbatavagga 1. Himavantasuttavannana [182] Bojjhangasamyuttassa pathame nagati imepi mahasamuddapitthe umiantaravasinova, na vimanatthakanaga. Tesam himavantam nissaya kayavaddhanadi sabbam hettha vuttanayeneva veditabbam. Bojjhangeti ettha bodhiya, bodhissa va angati bojjhanga. Kim vuttam hoti:- ya hi ayam dhammasamaggi, yaya lokiyalokuttaramaggakkhane uppajjamanaya linuddhaccapatitthanayuhana- kamasukhattakilamathanuyogaucchedasassatabhinivesanadinam anekesam upaddavanam patipakkhabhutaya satidhammavicayaviriyapitipassaddhisamadhiupekkhasankhataya dhammasamaggiya ariyasavako bujjhatiti katva bodhiti vuccati, bujjhatiti kilesasantananiddaya utthahati, cattara va ariyasaccani pativijjhati, nibbanameva va sacchikarotiti vuttam hoti. Yathaha "satta bojjhange bhavetva anuttaram sammasambodhim abhisambuddho"ti. ^1- Tassa dhammasamaggisankhataya bodhiya angati bojjhanga jhanangamaggangadayo viya, yopesa yathavuttappakaraya etaya dhammasamaggiya bujjhatiti katva ariyasavako bodhiti vuccati, tassa bodhissa angatipi bojjhanga senangarathangadayo viya. Tenahu atthakathacariya "bujjhanakassa puggalassa angati va bojjhanga"ti. Bodhaya samvattantiti bojjhanga, bujjhantiti bojjhanga, anubjjhantiti bojjhanga, patibujjhantiti bojjhanga, sambujjhantiti bojjhanga "iccadina ^2- patisambhidanayenapi bojjhangattho veditabbo. @Footnote: ¹ di.pa. 11/143/87, sam.maha. 19/378/140 ² khu.pati. 31/17/327 Satisambojjhangantiadisu pana pasattho sundaro ca bojjhangoti sambojjhango, satiyeva sambojjhango satisambojjhango, tam satisambojjhanganti evam sabbattha attho veditabbo. Bhavetiti vaddheti, attano cittasantane punappunam janeti, abhinibbattetiti attho. Vivekanissitantiadini kosalasamyutte "sammaditthim bhaveti vivekanissitan"ti ettha vuttanayeneva veditabbani. Ayam pana viseso:- tattha tadangavivekanissitam samucchedavivekanissitam nissaranavivekanissitanti vivekattayameva vuttam, bojjhangabhavanam patva pana pancavidhavivekanissitampi eke vannayanti. Te hi na kevalam balavavipassanamaggaphalakkhanesu eva bojjhange uddharanti, vipassanapadakakasinajjhanaanapanasubha- brahmaviharajjhanesupi uddharanti, na ca patisiddha atthakathacariyehi. Tasma tesam matena etesam jhananam pavattikkhane kiccato eva vikkhambhanavivekanissitam. Yatha ca vipassanakkhane "ajjhasayato nissaranavivekanissitan"ti vuttam, evam patipassaddhivivekanissitampi bhavetiti vattum vattati. Sesamettha hettha vuttanayameva.

The Pali Atthakatha in Roman Book 13 page 204-205. http://84000.org/tipitaka/atthapali/read_rm.php?B=13&A=4428&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=13&A=4428&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=18&i=128 เนื้อความพระไตรปิฎกฉบับหลวง :- http://84000.org/tipitaka/read/r.php?B=18&A=1745 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=18&A=1752 The Pali Tipitaka in Roman Character :- http://84000.org/tipitaka/read/roman_read.php?B=18&A=1752 Contents of The Tipitaka Volume 18 http://84000.org/tipitaka/read/?index_18