Atthakatha Book 13 : PALI ROMAN
Sam.A. (sarattha.3)

                         4. Jambukhadakasamyutta
                      1. Nibbanapanhasuttavannana
    [314] Jambukhadakasamyutte jambukhadako paribbajakoti evamnamo therassa
bhagineyyo channaparibbajako. Yo kho avuso ragakkhayoti nibbanam agamma
rago khiyati, tasma nibbanam ragakkhayoti vuccati. Dosamohakkhayesupi eseva nayo,
    yo pana iminava vuttena kilesakkhayamattam nibbananti vadeyya, so
vattabbo "kassa kilesanam khayo, kim attano, udahu paresan"ti addha
"attano"ti vakkhati. Tato pucchitabbo "gotrabhunanassa kim arammanan"ti.
Janamano "nibbanan"ti vakkhati. Kim pana gotrabhunanakkhane kilesa khina
khiyanti khiyissantiti. "khina"ti va "khiyanti"ti va na vattabba, "khiyissanti"ti
pana vattabbati. Kim pana tesu akhinesuyevati kilesesu gotrabhunanam kilesakkhayam
arammanam karotiti. Addha evam vutte niruttaro bhavissati.
    Maggananenapi cetam yojetabbam. Maggakkhanepi hi kilesa "khina"ti
va "khiyissanti"ti va na vattabba 1- na ca akhinesuyeva kilesesu kilesakkhayo
arammanam hoti, tasma sampaticchitabbametam yam agamma ragadayo khiyanti, tam
nibbanam tam panetam "rupino dhamma arupino dhamma"tiadisu 2-  dukesu arupino
dhammati sangahitatta na kilesakkhayamattamevati.
                      2. Arahattapanhasuttavannana
    [315] Arahatte panhabyakarane yasma arahattam ragadosamohanam
khinante uppajjati, tasma "ragakkhayo dosakkhayo mohakkhayo"ti vuttam.
@Footnote: 1 Si. maggakkhanepi hi kilesa "khiyanti"ti na vuccati,   2 abhi. san. 34/11/6
                   3-15. Dhammavadipanhasuttadivannana
    [316-328] Te loke sugatati te ragadayo pahaya gatatta sutthu
gatati. Dukkhassa kho avuso parinnatthanti vattadukkhassa parijananattham.
Dukkhatati dukkhasabhavo. Dukkhadukkhatatiadisu dukkhasankhato dukkhasabhavo
dukkhadukkhata. Sesapadadvayepi eseva nayo.
                      16. Dukkarapanhasuttavannana
    [329] Abhiratiti pabbajjaya anukanthanata. Na ciram avusoti avuso
dhammanudhammappatipanno bhikkhu "pato anusittho sayam visesamadhigamissati, sayam
anusittho pato visesamadhigamissati"ti 1- vuttatta ghatento vayamanto na cirassam
lahuyeva araham assa, arahatte patitthaheyyati dasseti. Sesam sabbattha
uttanatthamevati.
                     Jambukhadakasamyuttavannana nitthita.
                          -------------


             The Pali Atthakatha in Roman Book 13 page 149-150.
http://84000.org/tipitaka/atthapali/read_rm.php?B=13&A=3262&modeTY=2
             อรรถกถาบาลีอักษรไทย :-
http://84000.org/tipitaka/atthapali/read_th.php?B=13&A=3262&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=18&i=497
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=18&A=6591
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=18&A=6297
             The Pali Tipitaka in Roman Character :-
http://84000.org/tipitaka/read/roman_read.php?B=18&A=6297
             Contents of The Tipitaka Volume 18
http://84000.org/tipitaka/read/?index_18