บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
7. 2. Migajalavagga 1. Pathamamigajalasuttavannana [63] Migajalavaggassa pathame cakkhuvinneyyati cakkhuvinnanena passitabba. Sotavinneyyadisupi eseva nayo. Itthati pariyittha va hontu ma va ittharammanabhutati attho. Kantati kamaniya. Manapati manavaddhanaka. Piyarupati @Footnote: 1 ka. anekattatthena Piyajatika. Kamupasanhitati arammanam katva uppajjamanena kamena upasanhita. Rajaniyati ranjaniya, raguppattikaranabhutati attho. Nanditi tanhanandi. Sannogoti sannojanam. Nandisannojanasamyuttoti nandibandhanena baddho. Arannavanapatthaniti arannani ca vanapatthani ca. Tattha kincapi abhidhamme nippariyayena "nikkhamitva bahi indakhila sabbametam arannan"ti 1- vuttam, tathapi yantam "pancadhanusatikam pacchiman"ti 2- arannakanganipphadakam senasanam vuttam. Tadeva adhippetanti veditabbam. Vanapatthanti gamantam atikkamitva manussanam anupacaratthanam, yattha na kasiyati na vapiyati. Vuttampi cetam:- "vanapatthanti duranametam senasananam adhivacanam. Vanapatthanti vanasanthanametam, vanapatthanti bhimsanakanametam, vanapatthanti salomahamsanametam, vanapatthanti pariyantanametam, vanapatthanti amanussupacaranam senasananametam adhivacanan"ti. 3- Ettha pariyantananti imam ekam pariyayam thapetva sesapariyayehi vanapatthanani veditabbani. Pantaniti pariyantani atidurani. Appasaddaniti udukkhalamusaladarakasaddadinam 4- abhavena appasaddani. Appanigghosaniti tesam tesam ninnadamahanigghosassa abhavena appanigghosani. Vijanavataniti sancaranajanassa sariravatavirahitani. Manussarahaseyyakaniti manussanam raho kammassa anucchavikani. Patisallanasaruppaniti niliyanasaruppani.The Pali Atthakatha in Roman Book 13 page 14-15. http://84000.org/tipitaka/atthapali/read_rm.php?B=13&A=303&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=13&A=303&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=18&i=66 เนื้อความพระไตรปิฎกฉบับหลวง :- http://84000.org/tipitaka/read/r.php?B=18&A=771 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=18&A=821 The Pali Tipitaka in Roman Character :- http://84000.org/tipitaka/read/roman_read.php?B=18&A=821 Contents of The Tipitaka Volume 18 http://84000.org/tipitaka/read/?index_18
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]