บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
10. Chappanakopamasuttavannana [247] Dasame arugattoti vanasariro. Tesamyeva arunam pakkatta pakkagatto. Saravananti kandavanam. 3- Evameva khoti arugatto puriso viya dussilapuggalo veditabbo. Tassa kusakantakehi viddhassa sarapattehi ca asidharupamehi vilikhitagattassa bhiyyoso mattaya dukkhadomanassam viya tattha tattha sabrahmacarihi "ayam so imesanca imesanca kammanam karako"ti vuccamanassa uppajjanadukkham veditabbam. Labhati vattaranti labhati codakam. Evamkariti evarupanam vejjakammadutakammadinam karako. Evamsamacaroti vidhava gocaradivasena evarupo gocaro. Asucigamakantakoti asuddhatthena asuci, gamavasinam vijjhanatthena kantakoti gamakantako. @Footnote: 1 Si.,ka. yathanusandhi nama suttam 2 Si.,ka. katati 3 Si. kantakavanam Pakkhinti hatthisondikasakunam. Ossajjeyyati vissajjeyya. Avincheyyunti akaddheyyum. Pavekkhamiti pavisissami. Akasam dessamiti akasam uppatissami. Etesu pana ahi "bhogehi mandalam bandhitva supissami"ti vammikam pavisitukamo hoti. Sumsumaro "dure bilam pavisitva nipajjissami"ti udakam pavisitukamo hoti. Pakkhi "ajatakase sukham vicarissami"ti akasam detukamo hoti. Kukkuro "uddhanatthane charikam byuhitva 1- usumam ganhanto nipajjissami"ti gamam pavisitukamo hoti. Singalo "manussamamsam khaditva pitthim pasaretva sayissami"ti amakasusanam pavisitukamo hoti. makkato "ucce rukkhe abhiruhitva disadisam pakkhandissami"ti pavanam pavisitukamo hoti. Anuvidhayeyyunti anugaccheyyum, anuvidhiyeyyuntipi patho, anuvidhanam apajjeyyunti attho. Yattha so yati, tattheva gaccheyyunti vuttam hoti. Evamevati ettha cha panaka viya cha ayatanani datthabbani, dalharajju viya tanha, majjhe ganthi 2- viya avijja. Yasmim yasmim dvare arammanam balavam hoti, tam tam ayatanam tasmim tasmim arammane avinchati. Imam pana upamam bhagava sarikkhakena va ahareyya ayatananam va nanattadassanavasena. Tattha sarikkhakena tava visum appanakiccam natthi, paliyamyeva appita. Ayatananam nanattadassanena pana ayam appana:- ahi namesa bahi sittasammatthe thane nabhiramati, sankaratthanatinapannagahanavammikaniyeva pana pavisitva nipannakale abhiramati, ekaggatam apajjati. Evameva cakkhupetam visamajjhasayam, matthasu suvannabhittiadisu nabhiramati, oloketumpi na icchati, rupacittapupphalatadivicittesuyeva pana abhiramati. Tadisesupi thanesu cakkhumhi appahonte mukhampi vivaritva oloketukamo hoti. @Footnote: 1 Si. viyuhitva 2 Si.,ka. tanti Sumsumaropi bahi nikkhanto gahetabbam na passati, akkhim nimmiletva vicarati. Yada pana byamasatamattam udakam ogahitva bilam pavisitva nipanno hoti, tada tassa cittam ekaggam hoti, sukham supati. Evameva sotampetam vilajjhasayam 1- akasasannissitam, kannachiddakupakeyeva ajjhasayam karoti, kannacchiddakasoyeva tassa saddasavane paccayo hoti. Ajatakasopi vattatiyeva. Antolenasmim hi sajjhaye kayiramane na lenacchadanam bhinditva saddova bahi nikkhamati, dvaravatapanachiddehi pana nikkhamitva dhatuparampara ghattento agantva sotappasadam ghateti. Atha tasmim kale "asukam nama sajjhayati"ti lenapitthe nisinna jananti. Evam sante sampattagocarata hoti, kim panetam sampattagocaranti? ama Sampattagocaram. Yadi evam dure bheriadisu vajjamanesu "dure saddo"ti jananam na bhaveyyati no na bhavati. Sotappasadasmim hi sanghattite "dure saddo, asanne saddo, paratire orimatire"ti tatha tatha jananakaro hoti, dhammata esati. Kim etaya dhammataya, yato yato chiddam, tato tato savanam hoti candimasuriyadinam dassanam viyati asampattagocaramevetam. Pakkhipi rukkhe va bhumiyam va na ramati. Yada pana ekam va dve va lendupate atikkamma ajatakasam pakkhando hoti, tada ekaggacittatam apajjati. Evameva ghanampi akasajjhasayam vatupanissayagandhagocaram. Tathahi gavo navavutthe deve bhumim ghayitva ghayitva akasabhimukha hutva vatam akaddhanti. Angulihi gandhapindam gahetvapi ca upasinghanakale vatam anakaddhento neva tassa gandham janati. Kukkuropi bahi caranto khematthanam na passati, leddudandadihi upadduto hoti. Antogamam pavisitva uddhanatthane charikam byuhitva nipannassa @Footnote: 1 Si. visamajjhasayam Panassa phasu hoti. Evameva jivhapi gamajjhasaya aposannissita rasarammana. Tathahi tiyamarattim samanadhammam katvapi patova pattacivaram adaya gamam pavisitabbam hoti. Sukkhakhadaniyassa ca na sakka khelena atemitassa rasam janitum. Singalo bahi caranto ratim na vindati, amakasusane manussamamsam khaditva nipannasseva panassa phasu hoti. Evameva kayopi upadinnakajjhasayo pathavisannissitaphotthabbarammano. Tathahi annam upadinnakam alabhamana satta attanova hatthatale sisam katva nipajjanti. Ajjhattikabahira cassa pathavi arammanaggahane paccayo hoti. Suatthatassapi 1- hi sayanassa hetthathitanampi va phalakanam 2- na sakka anisidantena va anupilantena va 3- thaddhamudubhavo janitunti ajjhattikabahira pathavi etassa photthabbajanane paccayo hoti. Makkatopi bhumiyam vicaranto nabhiramati, hatthasattubbedham panassa rukkham aruyha vitapapitthe nisiditva disavidisa olokentasseva phasuko hoti. Evameva manopi nanajjhasayo bhavangapaccayo, ditthapubbepi nanarammane ajjhasayam karotiyeva, mulabhavangam panassa paccayo hotiti ayamettha sankhepo, vittharena pana ayatananam nanattam visuddhimagge ayatananiddese vuttameva. Tam cakkhu navinchatiti tanharajakanam ayatanapanakanam kayagatasatithambhe bandhanam nibbisevanabhavam apannatta na akaddhatiti imasmim sutte pubbabhagavipassanava kathita.The Pali Atthakatha in Roman Book 13 page 129-132. http://84000.org/tipitaka/atthapali/read_rm.php?B=13&A=2836&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=13&A=2836&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=18&i=346 เนื้อความพระไตรปิฎกฉบับหลวง :- http://84000.org/tipitaka/read/r.php?B=18&A=5327 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=18&A=5003 The Pali Tipitaka in Roman Character :- http://84000.org/tipitaka/read/roman_read.php?B=18&A=5003 Contents of The Tipitaka Volume 18 http://84000.org/tipitaka/read/?index_18
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]