|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
6. Avassutapariyayasuttavannana
[243] Chatthe navam santhagaranti adhuna karitam santhagaram, eka
mahasalati attho. Uyyogakaladisu 1- hi rajano tattha thatva "ettaka
purato gacchantu, ettaka paccha, ettaka ubhohi passehi, ettaka hatthi
abhiruhantu, ettaka asse, ettaka rathesu titthantu"ti evam santham 2- karonti,
mariyadam bandhanti, tasma tam thanam santhagaranti vuccati. Uyyogatthanato ca
agantva yava gehesu allagomayaparibhandadini karenti, tava dve tini
divasani te rajano tattha santhambhantitipi santhagaram. Tesam rajunam saha
atthanusasanam agarantipi santhagaram. Ganarajano hi te, tasma uppannam
kiccam ekassa vasena 3- na chijjati, sabbesam chandopi laddhum vattati, tasma
sabbe tattha sannipatitva anusasanti. Tena vuttam "saha atthanusasanam
agarantipi santhagaran"ti. Yasma pana te tattha sannipatitva "imasmim
kale kasitum vattati, imasmim kale vapitun"ti evamadina nayena gharavasakiccani
sammantayanti, tasma chiddavachiddam gharavasam tattha santhagaram. Acirakaritam hotiti
itthakammasudhakammacittakammadivasena susajjitam devavimanam viya adhuna nitthapitam.
Samanena vati ettha yasma gharavatthupariggahakaleyeva devata attano vasanatthanam
ganhanti, tasma "devena va"ti avatva "samanena va brahmanena va
kenaci va manussabhutena"ti vuttam.
@Footnote: 1 Si. uyyodha 2 cha.Ma. santham, pa.su. 3/22/13 3 Ma. vacanena
---------------------------------------------------------------------------------------------
page103.
Yena bhagava tenupasankamimsuti santhagaram nitthitanti sutva "gacchama nam
passissama"ti gantva dvarakotthakato patthaya sabbam oloketva "idam
santhagaram ativiya manoramam sassirikam, kena pathamam paribhuttam amhakam digharattam
hitaya sukhaya assa"ti cintetva "amhakam natisetthassa pathamam diyyamanepi
satthunova anucchavikam, dakkhineyyavasena diyyamanepi satthunova anucchavikam, tasma
sattharam pathamam paribhunjapessama, bhikkhusamghassa ca agamanam karissama, bhikkhusamghe
agate tepitakam buddhavacanam agatameva bhavissati, sattharam tiyamarattim amhakam
dhammakatham kathapessama, iti tihi ratanehi paribhuttam paccha mayam paribhunjissama,
evam no digharattam hitaya sukhaya bhavissati"ti sannitthanam katva upasankamimsu.
Yena navam santhagaram tenupasankamimsuti tamdivasam kira santhagaram kincapi
rajakulanam dassanatthaya devavimanam viya susajjitanam hoti supatijaggitam, buddharaham
pana katva apannattam. Buddha hi nama arannajjhasaya arannarama
antogame vaseyyum va no va, tasma "bhagavato manam janitvava pannapessama"ti
cintetva te bhagavantam upasankamimsu, idani pana manam labhitva pannapetukama
yena santhagaram tenupasankamimsu.
Sabbasantharim santhagaram santharitvati yatha sabbameva santhatam hoti, evam
tam santharapetva. Sabbapathamam tava "gomayam nama sabbamangalesu vattati"ti
sudhaparikammakatampi bhumim allagomayena opunjapetva parisukkhabhavam natva yatha
akkantatthane padam pannayati, evam catujjatiyagandhehi limpapetva upari
nanavannakatasarathe santharitva tesam upari mahapitthikakojave adim katva
hatthattharaassattharasihattharabyagghattharacandattharakasuriyattharakacittattharakadihi 1-
@Footnote: 1 Si. byagghattharakancanattharasuriyattharacittattharakadisu
---------------------------------------------------------------------------------------------
page104.
Nanavannehi attharakehi santharitabbayuttakam sabbokasam santharapesum. Tena vuttam
"sabbasantharim santhagaram santharitva"ti.
Asanani pannapetvati majjhatthane tava mangalathambham nissaya maharaham
buddhasanam pannapetva, tattha tattha yam yam mudukanca manoramanca paccattharanam,
tam tam paccattharitva ubhato lohitakam manunnadassanam upadhanam upadahitva
upari suvannarajatatarakavicittavitanam bandhitva gandhadamapupphadamapattadamadihi
alankaritva samanta dvadasahatthe thane pupphajalam karetva timsahatthamattam thanam
pupphasaniya 1- parikkhipapetva pacchimabhittim nissaya bhikkhusamghassa
pallankapithaapassayapithamundapithani pannapetva upari setapaccattharanehi
paccattharapetvava pacinabhittim nissaya attano attano mahapitthakakojave
pannapetva manoramani hamsalomadipuritani upadhanani thapapesum
"evam akilamamana sabbarattim dhammam sunissama"ti. Idam sandhaya
vuttam "asanani pannapetva"ti.
Udakamanikam patitthapetvati mahakucchikam udakacatim patitthapetva. "evam
bhagava ca bhikkhusamgho ca yatharuciya hatthehi dhovissanti pade va, mukham va
vikkhalessanti"ti tesu tesu thanesu manivannassa udakassa purapetva vasatthaya
nanapupphani ceva udakavasacunnani ca pakkhipitva kaddalipannehi pidahitva
patitthapesum. Idam sandhaya vuttam "udakamanikam patitthapetva"ti.
Telappadipam aropetvati rajatasuvannadimayadandadipikasu yonakarupakiratarupakadinam
hatthe thapitasuvannarajatadimayasu kapallikasu ca telappadipam jalapetvati
attho. Yena bhagava tenupasankamimsuti ettha pana te sakyarajano na
kevalam santhagarameva, athakho yojanavatte kapilavatthusmim nagaravithiyopi
@Footnote: 1 cha. pata.... 2 Ma..... tuliyani
---------------------------------------------------------------------------------------------
page105.
Sammajjapetva dhaje ussapetva gehadvaresu punnaghate ca kadaliyo ca thapapetva
sakalanagaram dipamaladihi vippakinnatarakam viya katva "khirupate darake khiram
payetha, dahare kumare lahum lahum bhojetva sayapetha, uccasaddam ma karittha,
ajja ekarattim sattha antogame vasissati, buddha nama appasaddakama
honti"ti bherim carapetva sayam mandadipika adaya yena bhagava tenupasankamimsu.
Athakho bhagava nivasetva pattacivaramadaya saddhim bhikkhusamghena yena navam
santhagaram tenupasankamiti "yassadani bhante bhagava kalam mannati"ti evam kira
kale arocite bhagava lakharasatintarattakovilarapupphavannarattadupattam 1- kattariya
padumam kantento viya, samvidhaya timandalam paticchadento nivasetva suvannapamangena
padumakalapam parikkhipanto viya, vijjulatasassirikam kayabandhanam bandhitva
rattakambalena dhajakumbham pariyonandhanto viya, ratanasatubbedhe suvannagghike
pavalajalam khipamano viya, suvannacetiye rattakambalakancukam patimuncanto viya,
gacchantam punnacandam rattavannavalahakena paticchadayamano viya, kancanapabbatamatthake
supakkalakharasam parisincanto viya, cittakutapabbatamatthakam vijjulataya
parikkhipanto viya ca sacakkavalasineruyugandharam mahapathavim sancaletva gahitam
nigrodhapallavasamanavannam rattavarapamsukulam parupitva gandhakutidvarato nikkhami
kancanaguhato siho viya udayapabbatakutato punnacando viya ca. Nikkhamitva
pana gandhakutipamukhe atthasi.
Athassa kayato meghamukhehi vijjukalapa viya rasmiyo nikkhamitva
suvannarasadharaparisekapinjarapattapupphalavitape viya aramarukkhe karimsu. Tavadeva
ca attano attano pattacivaramadaya mahabhikkhusamgho bhagavantam parivaresi. Te
@Footnote: 2 Ma. surattadupattam
---------------------------------------------------------------------------------------------
page106.
Pana parivaretva thita bhikkhu evarupa ahesum:- appiccha santuttha pavivitta
asamsattha araddhaviriya vattaro vacanakkhama codaka papagarahino silasampanna
samadhisampanna pannavimuttivimuttinanadassanasampanna. Tehi parivarito bhagava
rattakambalaparikkhitto viya suvannakkhandho, rattapadumasandamajjhagata viya suvannanava,
pavalavedika parikkhitto viya suvannapasado virocittha. Sariputta-
moggallanadayo mahatherapi nam meghavannam pamsukulam parupitva manivammavammika viya
mahanaga parivarayimsu vantaraga bhinnakilesa vijatitajata chinnabandhana kule
va gane va alagga.
Iti bhagava sayam vitarago vitaragehi, vitadoso vitadosehi, vitamoho
vitamohehi, nittanho nittanhehi, nikkileso nikkilesehi, sayam buddho
bahussutabuddhehi parivarito pattaparivaritam viya kesaram, kesaraparivarita viya
kannika, atthanagasahassaparivarito viya chaddanto nagaraja, navutihamsasahassa-
parivarito viya dhatarattho hamsaraja, senangaparivarito viya cakkavattiraja,
maruganaparivarito viya sakko devaraja, brahmaganaparivarito viya haritamahabrahma,
taraganaparivarito viya punnacando asamena buddhavesena aparimanena
buddhavilasena kapilavatthugamimaggam patipajji.
Athassa puratthimakayato suvannavanna rasmi utthahitva asitihatthatthanam
aggahesi, pacchimakayato, dakkhinahatthato, vamahatthato suvannavanna rasmi
utthahitva asitihatthatthanam aggahesi. Uparikesantato patthaya sabbakesavattehi
moragivavanna rasmi utthahitva gagganatale asihatthatthanam aggahesi. Hettha
padatalehi pavalavanna rasmi utthahitva ghanapathavim asitihatthatthanam aggahesi.
Evam samanta asitihatthatthanam chabbanna buddharasmiyo vijotamana
---------------------------------------------------------------------------------------------
page107.
Vipphandamana kancanadandadipikahi niccharitva akasam pakkhandajala viya
catudipikamahameghato nikkhantavijjulata viya vidhavimsu. Sabbadisabhaga
suvannacampakapupphehi vikiriyamana viya, suvannaghatato nikkhantasuvannarasadharahi
sincamana viya, pasaritasuvannapataparikkhitta viya, verambhavatasamutthitakimsuka-
kannikarapupphacunnasamokinna viya vippabhasimsu 1-
bhagavatopi asitianubyanjanappabha dvattimsavaralakkhanasamujjalasariram samuggatatarakam
viya gaganathalam, vikasitasiva padumavanam, sabbaphaliphullo 2- viya yojanasatiko
parichattako, patipatiya thapitanam dvattimsacandanam dvattimsasuriyanam
dvattimsacakkavattinam dvattimsadevarajanam dvattimsamahabrahmanam siriya sirim
abhibhavamanam viya virocittha, yatha tam dasahi paramihi dasahi upaparamihi dasahi
paramatthaparamihi sammadeva puritahi 3- samatimsaparamitahi alankatam. Kappasatasahassadhikani
cattari asankhyeyyani dinnadanam rakkhitasilam katakalyanakammam ekasmim attabhave
osaritva vipakam datum thanam alabhamanam sambadhappattam viya ahosi. Navasahassabhandam
ekam navam aropanakalo viya, sakatasahassabhandam ekam sakatam aropanakalo viya,
pancavisatiya ganganam oghassa sambhijja mukhadvare ekato rasibhutakalo viya
ahosi.
Imaya buddhasiriya obhasamanassapi ca bhagavato purato anekani
dandadipikasahassani ukkhipimsu, tatha pacchato, vamapasse, dakkhine passe.
Jatisumanacampakavanamallika rattuppalaniluppalabakulasindhuvarapupphani ceva
nilapitadivannasugandhagandhacunnani ca catuddipikameghavissattha udakavutthiyo viya
vippakirimsu. Pancangikaturiyanigghosa ceva buddhadhammasamghagunapatisamyutta thutighosa ca
sabbadisa
@Footnote: 1 Ma. vippakirimsu 2 cha. sabbapaliphullo 3 Ma. paripuritahi
---------------------------------------------------------------------------------------------
page108.
Purayimsu. Devamanussanagasupannagandhabbayakkhadinam akkhini amatapanam 1- viya labhimsu.
Imasmim pana thane thatva padasahassena 2- gamanavannam vattum vattati. Tatridam
mukhamattam:-
"evam sabbangasampanno kampayanto vasundharam
ahethayanto panani yati lokavinayako.
Dakkhinam pathamam padam uddharanto narasabho
gacchanto sirisampanno sobhate dipaduttamo. 3-
Gacchato buddhasetthassa hetthapadatalam mudu
samam samphusate bhumim rajasa nupalippati.
Ninnatthanam unnamati gacchante lokanayake
unnatanca samam hoti pathavi ca acetana.
Pasana sakkhara ceva kathala khanukantaka
sabbe magga vivajjanti gacchante lokanayake.
Natidure uddharati naccasanne ca nikkhipam
aghatayanto niyyati ubho janu ca gopphake.
Natisigham pakkamati sampannacarano muni
na capi sanikam 4- yati gacchamano samahito.
Uddham adho tiriyanca disanca vidisam tatha
na pekkhamano so yati yugamattam hi pekkhati.
@Footnote: 1 Ma. amatasaram 2 Si. padasatena padasahassena
@3 cha.Ma. dvipaduttamo 4 na catisanikam, pa.su. 3/22/18
---------------------------------------------------------------------------------------------
page109.
Nagavikkantacaro so gamane sobhate jino
carum gacchati lokaggo hasayanto sadevake.
Ulurajava sobhanto catucariva 1- kesari
tosayanto bahu satte puram settham upagami"ti.
Vannakalo nama kiresa, evamvidhesu kalesu buddhassa sariravanne va
gunavanne va dhammakathikassa thamoyeva pamanam. Cunniyapadehi va gathabandhanena
va yattakam sakkoti, tattakam vattabbam. Dukathitanti na vattabbam. Appamanavanna
hi buddha. Tesam buddhapi anavasesato vannam vattum asamattha, pageva itara
pajati. Iminapi sirivilasena alankatapatiyattam sakyarajapuram pavisitva bhagava
pasannacittena janena gandhadhumavasacunnadihi pujayamano santhagaram pavisi.
Tena vuttam "athakho bhagava nivasetva pattacivaramadaya saddhim bhikkhusamghena yena
navam santhagaram, tenupasankami"ti.
Bhagavantamyeva purakkhatvati bhagavantam purato katva. Tattha bhagava bhikkhunanceva
upasakananca majjhe nisinno gandhodakena nahapetva dukulacumbatakena
vodakam katva jatihingulakena majjitva rattakambalapalivethite pithe
thapitarattasuvannaghanapatima viya ativirocittha. Ayam panettha porananam vannabhananamaggo:-
"gantvana mandalamalam nagavikkantacarano
obhasayanto lokaggo nisidi varamasane.
Tahim nisinno naradammasarathi
devatidevo satapunnalakkhano
buddhasane majjhagato virocati
suvannanekkham viya pandukambale.
@Footnote: 1 Si.,Ma.,ka. catucariva
---------------------------------------------------------------------------------------------
page110.
Nekkham jambonadasseva nikkhittam pandukambale
virocati vitamalo maniverocano yatha.
Mahasalova samphullo sinerurajavalankato
suvannayupasankaso padumo kokanado 1- yatha.
Jalanto diparukkhova pabbatagge yatha sikhi
devanam parichattova sabbaphullo virocati"ti.
Kapilavatthave sakye bahudeva rattim dhammiya kathayati ettha dhammakatha
nama santhagaranumodanapatisamyutta pakinnakakatha veditabba. Tada hi bhagava
akasagangam otarento viya pathavojam akaddhanto viya mahajambum matthake
gahetva calento viya yojanikam madhubhandam cakkayantena piletva madhupanam
payamano 1- viya kapilavatthuvasinam sakyanam hitasukhavaham pakinnakakatham kathesi.
"avasadanam nametam maharaja mahantam, tumhakam avaso maya paribhutto,
bhikkhusamghena ca paribhutto, maya ca bhikkhusamghena ca paribhutto dhammaratanena
paribhuttoyevati tihi ratanehi paribhutto nama hoti. Avasadanasmim hi dinne
sabbadanam dinnameva hoti. Bhummatthakapannasalaya va sakhamandapassa va
anisamso nama paricchinditum na sakka. Avasadananubhavena hi bhave bhave
nibbattassapi sambadhitagabbhavaso 2- na hoti, dvadasahattho ovarako viya
matukucchiasambadhova hoti"ti evam nananayavicittam bahum dhammikatham kathetva:-
"sitam unham patihanti tato valamigani ca
sirisape ca makase sisire capi vutthiyo.
Tato vatatapo ghoro sanjato 3- patihannati
lenatthanca sukhatthanca jhayitunca vipassitum.
@Footnote: 1 Si. kokasako 2 Si. payento
@3 Si.,ka. sampilita.... 4 Ma. vatatape ghore sanjate
---------------------------------------------------------------------------------------------
page111.
Viharadanam samghassa aggam buddhena vannitam
tasma hi pandito poso sampassam atthamattano.
Vihare karaye ramme vasayettha bahussute
tesam annanca pananca vatthasenasanani ca.
Dadeyya ujubhutesu vippasannena cetasa
te tassa dhammam desenti sabbadukkhapanudanam.
Yam so dhammam idhannaya parinibbati anasavo"ti 1-
evam "ayampi avase anisamso, ayampi avase anisamso"ti bahudeva
rattim atirekataram diyaddhayamam avasanisamsakatham kathesi. Tattha ima tava gathaya
sangaham arulha, pakinnakadhammadesana pana sangaham narohati. Sandassetvatiadini
vuttatthaneva.
Abhikkantati atikkanta dve yama gata. Yassa dani kalam mannathati
yassa tumhe gamanassa kalam mannatha, gamanakalo tumhakam, gacchathati vuttam hoti.
Kasma pana bhagava te uyyojesiti? anukampaya. Sukhumala hi te, tiyamarattim
Nisiditva vitinamentanam sarire abadho uppajjeyya, bhikkhusamghopi maha, tassa
thananisajjanam okaso laddhum vattatiti ubhayanukappaya uyyojesi.
Vigatathinamiddhoti tatra kira bhikkhu yamadvayam thitapi nisinnapi acalayim, 2-
pacchimayame pana aharo parinamati, tassa parinatatta bhikkhusamgho vigatathinamiddho
jatoti akaranametam. Buddhanam hi katham sunantassa kayikacetasikadaratha na honti,
kayacittalahutadayo uppajjanti, tena tesam dve yame thitanampi nisinnanampi
@Footnote: 1 vi. cula. 7/295/61 2 Si. alasimsu
---------------------------------------------------------------------------------------------
page112.
Dhammam sunantanam thinamiddham vigatam, pacchimayamepi samapatte tatha vigatameva jatam.
Tenaha "vigatathinamiddho"ti.
Pitthi me agilayatiti kasma agilayati? bhagavato hi chabbassani
Mahapadhanam padahantassa mahantam kayadukkham ahosi, athassa aparabhage mahallakakale
pitthivato 1- uppajjiti akaranam va etam, pahoti hi bhagava uppannam vedanam
vikkhambhetva ekampi dvepi sattahani ekapallankena nisiditum. Santhagarasalam
pana catuhi iriyapathehi paribhunjitukamo ahosi. Tattha padadhovanato 2-
yava dhammasana agamasi, ettake thane gamanam nipphannam. Dhammasanam
sampatto 3- thokam thatva nisidi, ettake thane thanam nipphannam. Dveyamam
dhammasane nisidi `ettake thane nisajja nipphanna. Idani dakkhinena
passena thokam nipanne sayanam nipphajjissatiti evam catuhi iriyapathehi
paribhunjitukamo ahosi. Upadinnakasariranca nama "no agilayati"ti na vattabbam,
tasma ciranisajjaya sanjatam appakampi agilayanam gahetva evamaha.
Sanghatim pannapetvati santhagarassa kira ekapasse te rajano
patasaniyo parikkhipapetva kappiyamancakam pannapetva kappiyapaccattharanena
attharitva upari suvannatarakagandhamaladidamapatimanditam vitanam bandhitva
gandhatelappadipam aropayimsu "appeva nama sattha dhammasanato vutthaya thokam
visamanto idha nipajjeyya, evam no imam santhagaram bhagavata catuhi iriyapathehi
paribhuttam digharattam hitaya sukhaya bhavissati"ti. Satthapi tadeva sandhaya tattha
sanghatim pannapetva nipajji. Utthanasannam manasikaritvati "ettakam kalam
atikkamitva vutthahissami"ti vutthanasannam citte thapetva, tanca kho
aniddayantova therassa dhammakatham sunamano.
@Footnote: 1 Si. pitthirogo 2 Si.,ka. hatthapadadhovanatthanato 3 cha.Ma. patto
---------------------------------------------------------------------------------------------
page113.
Avassutapariyayanti avassutassa pariyayam, avassutassa karananti attho.
Adhimuccatiti kilesadhimuccanena muccati, giddho hoti. Byapajjatiti byapadavasena
puticitto hoti. Cakkhutoti cakkhubhavena. Maroti kilesamaropi devaputtamaropi.
Otaranti vivaram. Arammananti paccayam. Nalagaratinagaram viya hi savisevanani
ayatanani, tinukka viya kilesuppattiraham arammanam, tinukkaya thapitathapitatthane
angarassa pajjalanam 1- viya arammane apathamagate kilesanam uppatti. Tena
vuttam labhetha maro otaranti.
Sukkapakkhe bahalamattikapindavalepanam kutagaram viya nibbisevanani
ayatanani, tinukka viya vuttappakaram arammanam, tinukkaya thapitathapitatthane
nibbapanam viya nibbisevananam ayatananam arammane apathamagate kilesaparilahassa
anuppatti. Tena vuttam neva labhetha maro otaranti.
The Pali Atthakatha in Roman Book 13 page 102-113.
http://84000.org/tipitaka/atthapali/read_rm.php?B=13&A=2219&modeTY=2&pagebreak=1
อรรถกถาบาลีอักษรไทย :-
http://84000.org/tipitaka/atthapali/read_th.php?B=13&A=2219&modeTY=2&pagebreak=1
อ่านอรรถกถาแปลไทย :-
http://84000.org/tipitaka/attha/attha.php?b=18&i=326
เนื้อความพระไตรปิฎกฉบับหลวง :-
http://84000.org/tipitaka/read/r.php?B=18&A=4975
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=18&A=4608
The Pali Tipitaka in Roman Character :-
http://84000.org/tipitaka/read/roman_read.php?B=18&A=4608
Contents of The Tipitaka Volume 18
http://84000.org/tipitaka/read/?index_18
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]