Atthakatha Book 13 : PALI ROMAN
Sam.A. (sarattha.3)

                         18. 3. Samuddavagga
                       1. Pathamasamuddasuttavannana
    [228] Samuddavaggassa pathame cakkhum bhikkhave purisassa samuddoti yadi
duppuranatthena samuddanatthena yadi va samuddanatthena samuddo, cakkhumeva
samuddo. Tassa hi pathavito yava akanitthabrahmaloka niladiarammanam
samosarantam paripunnabhavam katum na sakkoti, evam duppuranatthenapi samuddo.
Cakkhu ca tesu tesu niladisu arammanesu samuddoti, asamvutam hutva osaranam
---------------------------------------------------------------------------------------------
page58.
Kilesuppattiya karanabhavena sadosagamanena gacchatiti samuddanatthenapi samuddo.
Tassa rupamayo vegoti samuddassa appamano umimayo vego viya tassapi
cakkhusamuddassa samosarantassa niladibhedassa arammanassa vasena appameyyo
rupamayo vego veditabbo. Yo tam rupamayam vegam sahatiti yo tam cakkhusamudde
samosadam rupamayam vegam, manape rupe ragam, amanape dosam, asamapekkhite
mohanti evam ragadikilese anuppadento upekkhakabhavena sahati.
    Saumintiadisu kilesaumiti saumim. Kilesavattehi savattam. Kilesaggahehi
sagaham. Kilesarakkhasehi sarakkhasam. Kodhupayasassa ca vasena saumim. Vuttam hetam
"umibhayanti kho bhikkhave kodhupayasassetam adhivacanan"ti. 1- Kamagunavasena savattam.
Vuttam hetam "avattagga hoti kho bhikkhave pancannetam kamagunanam adhivacanan"ti. 2-
Matugamavasena sagaham sarakkhasam. Vuttam hetam "gaharakkhasoti kho bhikkhave
matugamassetam adhivacanan"ti. 3- Sesavaresupi eseva nayo. Sabhayam duttaram accatariti
umibhayena sabhayam duratikkamam atikkami. Lokantaguti sankharalokassa antam gato.
Param gatoti vuccatiti nibbanam gatoti kathiyyati.


             The Pali Atthakatha in Roman Book 13 page 57-58.
http://84000.org/tipitaka/atthapali/read_rm.php?B=13&A=1233&modeTY=2&pagebreak=1
             อรรถกถาบาลีอักษรไทย :-
http://84000.org/tipitaka/atthapali/read_th.php?B=13&A=1233&modeTY=2&pagebreak=1
             อ่านอรรถกถาแปลไทย :-
http://84000.org/tipitaka/attha/attha.php?b=18&i=285
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=18&A=4381
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=18&A=3962
             The Pali Tipitaka in Roman Character :-
http://84000.org/tipitaka/read/roman_read.php?B=18&A=3962
             Contents of The Tipitaka Volume 18
http://84000.org/tipitaka/read/?index_18