|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
9. Balapanditasuttavannana
[19] Navame avijjanivaranassati avijjaya nivaritassa. Evamayam kayo
samudagatoti evam avijjaya nivaritatta tanhaya ca sampayuttattayeva ayam
kayo nibbatto. Ayanceva kayoti ayancassa attano savinnanako kayo.
Bahiddha ca namarupanti bahiddha ca paresam savinnanako kayo. Attano ca
parassa ca pancahi khandhehi chahi ayatanehi capi ayam attho dipetabbo.
Itthetam dvayanti evametam dvayam. Dvayam paticca phassoti annattha cakkhurupadini
dvayani paticca cakkhusamphassadayo vutta, idha pana cha ajjhattikabahirani
ayatanani. Mahadvayannama kiretam. Salevayatananiti saleva phassayatanani
phassakaranani. Yehi phutthoti yehi karanabhutehi ayatanehi uppannena phassena phuttho.
Annatarenati ettha paripunnaparipunnavasena 3- annatarata veditabba. Tatrati
tasmim balapanditanam kayanibbattanadimhi. Ko adhippayasoti ko adhikapayogo.
@Footnote: 1 Si. sayam 2 cha.Ma. ayam saddo na dissati 3 cha.Ma. paripunnavasena
---------------------------------------------------------------------------------------------
page45.
Bhagavammulakati bhagava mulam etesanti bhagavammulaka. Idam vuttam hoti:- ime
bhante amhakam dhamma pubbe kassapasammasambuddhena uppadita, tasmim
parinibbute ekam buddhantaram anno samano va brahmano va ime dhamme
uppadetum samattho nama nahosi, bhagavata pana no ime dhamma uppadita.
Bhagavantam hi nissaya mayam ime dhamme ajanama pativijjhamati evam bhagavammulaka
no bhante dhammati. Bhagavamnettikati bhagava hi dhammanam neta vineta anuneta,
yathasabhavato patiyekkam patiyekkam namam gahetva dassetati dhamma bhagavamnettika
nama honti. Bhagavampatisaranati catubhumikadhamma sabbannutananassa apatham
agacchamana bhagavati patisaranti namati bhagavampatisarana. Patisarantiti samosaranti.
Apica mahabodhimande nisinnassa bhagavato pativedhavasena phasso agacchati "aham
bhagava kinnamo"ti. Tvam phusanatthena phasso nama. Vedana, sanna, sankhara,
vinnanam agacchati "aham bhagava kinnaman"ti, tvam vijananatthena vinnanam
namati evam catubhumikadhammanam yathasabhavato patiyekkam patiyekkam namam ganhanto
bhagava dhamme patisaratitipi bhagavampatisarana. Bhagavantamyeva patibhatuti bhagavatova
etassa bhasitassa attho upatthatu, tumheyeva no kathetva desethati 1- attho.
Sa ceva avijjati ettha kincapi sa avijja ca tanha ca kammam
javapetva patisandhim akaddhitva niruddha, yatha pana ajjapi yam hiyyo
bhesajjam pitam, tadeva bhojanam bhunjati sarikkhakatthena 2- tadevati vuccati,
evamidhapi sa ceva avijja sa ca tanhati idam sarikkhakatthena vuttam.
Brahmacariyanti maggabrahmacariyam. Dukkhakkhayayati vattadukkhassa khayatthaya. Kayupago
hotiti annam patisandhikayam upagantva hoti. Yadidam brahmacariyavasoti
yo ayam maggabrahmacariyavaso, ayam balato panditassa visesoti dasseti. Iti
@Footnote: 1 cha.Ma., i. dethati 2 cha.Ma., i. sarikkhakattena
---------------------------------------------------------------------------------------------
page46.
Imasmim sutte sabbopi sappatisandhiko puthujjano "balo"ti, appatisandhiko
khinasavo "pandito"ti vutto. Sotapannasakadagamianagamino pana "pandita"ti
va "bala"ti va na vattabba, bhajamana pana panditapakkham bhajanti. Navamam.
The Pali Atthakatha in Roman Book 12 page 44-46.
http://84000.org/tipitaka/atthapali/read_rm.php?B=12&A=978&modeTY=2&pagebreak=1
อรรถกถาบาลีอักษรไทย :-
http://84000.org/tipitaka/atthapali/read_th.php?B=12&A=978&modeTY=2&pagebreak=1
อ่านอรรถกถาแปลไทย :-
http://84000.org/tipitaka/attha/attha.php?b=16&i=57
เนื้อความพระไตรปิฎกฉบับหลวง :-
http://84000.org/tipitaka/read/r.php?B=16&A=557
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=16&A=575
The Pali Tipitaka in Roman Character :-
http://84000.org/tipitaka/read/roman_read.php?B=16&A=575
Contents of The Tipitaka Volume 16
http://84000.org/tipitaka/read/?index_16
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]