ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pageno pageNumbernext pagelast page chage to ROMAN letter  
Atthakatha Book 12 : PALI ROMAN Sam.A. (sarattha.2)

page40.

7. Acelakassapasuttavannana [17] Sattame acelo kassapoti lingena acelo niccelo, namena kassaPo. Duratovati mahata bhikkhusamghena parivutam agacchantam durato eva addasa. Kincideva desanti kincideva karanam. Okasanti panhabyakaranassa khanam kalam. Antaragharanti "na pallatthikaya antaraghare nisidissami"ti ettha antonivesanam antaragharam. "okkhittacakkhu antaraghare gamissami"ti ettha indakhilato patthaya antogamo. Idhapi ayameva adhippeto. Yadakankhasiti yam icchasi. Kasma pana bhagava kathetukamo yavatatiyam patikkhipiti. Garavajananattham. Ditthigatika hi khippam kathiyamane garavam na karonti, "samanam gotamam upasankamitumpi pucchitumpi sukaram, pucchitamatteyeva katheti"ti vacanampi na saddahanti. Dve tayo vare patikkhitte pana garavam karonti, "samanam gotamam upasankamitumpi panham pucchitumpi dukkaran"ti yavatatiyam yacite kathiyamanam sussusanti saddahanti. Iti bhagava "ayampi sussusissati saddahissati"ti yavatatiyam yacapetvava kathesi. Apica yathabhisakko telam va phanitam va pacanto mudupakakharapakanam pakakalam agamayamano pakakalam anatikkamitvava otareti, evam bhagava sattanam nanaparipakam agamayamano "ettakena kalena imassa nanam paripakam gamissati"ti natvapi yavatatiyam yacapeti. 1- Ma hevam kassapati kassapa ma evam bhani. "sayamkatam dukkhan"ti hi vattum na vattati, atta nama koci dukkhassa karako natthiti dipeti. Paratopi eseva nayo. Adhiccasamuppannanti akaranena yadicchaya uppannam. Iti puttho samanoti kasma evamaha? evam kirassa ahosi ayam `sayamkatam dukkhan'tiadina puttho `ma hevan'ti vadati, `natthi'ti puttho `atthi'ti vadati, `bhavam gotamo

--------------------------------------------------------------------------------------------- page41.

Dukkham na `janati na passati'ti puttho `janami khvahan'ti vadati, kinci nu kho maya virujjhitva pucchitan"ti mulato patthaya attana 1- pucchameva sodhento evamaha. Acikkhatu ca me bhante bhagavati idha satthari sanjatagaravo "bhavan"ti avatva "bhagava"ti vadati. So karotitiadi "sayamkatam dukkhan"ti laddhiya patisedhanattham vuttam. Ettha ca satoti idam bhummatthe samivacanam, tasma evamattho datthabbo:- so karoti so patisamvedayatiti kho kassapa adimhiyeva evam sati paccha sayamkatam dukkhanti ayam laddhi hoti. Ettha ca dukkhanti vattadukkham adhippetam. Iti vadanti etassa purimena adisaddena anantarena ca sassatasaddena sambandho hoti, "dipeti ganhati"ti ayam panettha pathaseso. Idam hi vuttam hoti:- iti evam vadanto aditova sassatam dipeti, sassatam ganhati, kasma? tassa hi tam dassanam etam pareti, karakanca vedakanca ekameva ganhantam etam sassatam upagacchatiti attho. Anno karotitiadi pana "paramkatam dukkhan"ti laddhiya patisedhanattham vuttam. "adito sato"ti idam pana idhapi aharitabbam. Ayam hettha attho:- anno karoti anno patisamvedayatiti kho pana kassapa adimhiyeva evam sati paccha "karako idheva ucchijjati, tena katam anno patisamvedayati"ti evam uppannaya ucchedaditthiya saddhim sampayuttaya vedanaya abhitunnassa viddhassa sato "paramkatam dukkhan"ti ayam laddhi hoti. Iti vadantiadivuttanayeneva yojetabbam. Tatrayam yojana:- evanca vadanto aditova ucchedam dipeti, ucchedam ganhati. Kasma? tassa hi tam dassanam etam pareti, etam ucchedam upagacchatiti attho. @Footnote: 1 cha.Ma., i. attano

--------------------------------------------------------------------------------------------- page42.

Ete teti te sassatucchedasankhate ubho ante anupagamma tathagato dhammam deseti, ete te kassapa ubho ante anupagamma pahaya analliyitva majjhena tathagato dhammam deseti, majjhimaya patipadaya thito desetiti attho. Kataram dhammanti ce? yadidam avijjapaccaya sankharati. Ettha hi karanato Phalam, karananirodhena cassa nirodho dipito, na koci karako va vedako va niddittho. Ettavata sesapanha patisedhita honti. Ubho ante anupagammati imina hi tatiyapanho patikkhitto. Avijjapaccaya sankharati imina adhicca samuppannata ceva ajanananca patikkhittanti veditabbam. Labheyyanti idam so bhagavato santike bhikkhubhavam patthayamano aha. Atha bhagava yonena 1- khandhake 2- titthiyaparivaso pannatto, yam annatitthiyapubbo samanerabhumiyam thito "aham bhante itthannamo annatitthiyapubbo imasmim dhammavinaye akankhami upasampadam, svaham bhante samgham cattaro mase parivasam yacami"tiadina nayena samadiyitva parivasati, tam sandhaya yo kho kassapa annatitthiyapubbotiadimaha. Tattha pabbajjanti vacanasilitthatavasena vuttam. Aparivasitvayeva hi pabbajjam labhati. Upasampadatthikena pana natikalena gamappavesanadini attha vattani purentena parivasitabbam. Araddhacittati atthavattapuranena tutthacitta. Ayamettha sankhepo, vittharato panesa titthiyaparivaso samantapasadikaya vinayatthakathaya pabbajjakhandhakavannanayam 3- vuttanayena veditabbo. Apica mayati ayamettha patho, annattha pana "apica mettha"ti. Puggalavemattataviditati puggalananattam viditam. "ayam puggalo parivasaraho, ayam na parivasaraho"ti idam mayham pakatanti dassesi. Tato kassapo cintesi "aho acchariyam @Footnote: 1 Si.,Ma. yena 2 vinaYu. 4/86/102 @3 samanta. 3/57 mahakhandhakavannana (sya)

--------------------------------------------------------------------------------------------- page43.

Yattha evam ghamsetva kottetva yuttameva ganhanti, ayuttam chaddenti"ti. Tato sutthutaram pabbajjaya sanjatussaho sace bhantetiadimaha. Atha bhagava tassa tibbacchandatam viditva "na kassapo parivasam arahati"ti annataram bhikkhum amantesi "gaccha bhikkhu kassapam nhapetva pabbajetva anehi"ti. So tatha katva tam pabbajetva bhagavato santikam agamasi. Bhagava gane nisiditva upasampadesi. Tena vuttam alattha kho acelo kassapo bhagavato santike pabbajjam, alattha upasampadanti. Acirupasampannotiadi sesam brahmanasamyutte 1- vuttamevati. Sattamam.


             The Pali Atthakatha in Roman Book 12 page 40-43. http://84000.org/tipitaka/atthapali/read_rm.php?B=12&A=881&modeTY=2&pagebreak=1              อรรถกถาบาลีอักษรไทย :- http://84000.org/tipitaka/atthapali/read_th.php?B=12&A=881&modeTY=2&pagebreak=1              อ่านอรรถกถาแปลไทย :- http://84000.org/tipitaka/attha/attha.php?b=16&i=47              เนื้อความพระไตรปิฎกฉบับหลวง :- http://84000.org/tipitaka/read/r.php?B=16&A=431              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=16&A=452              The Pali Tipitaka in Roman Character :- http://84000.org/tipitaka/read/roman_read.php?B=16&A=452              Contents of The Tipitaka Volume 16 http://84000.org/tipitaka/read/?index_16

first pageprevious pageno pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]