AtthaPali Vol.12

5. Kaccanagottasuttavannana [15] Pancame sammaditthi sammaditthiti yam pandita devamanussa tesu tesu thanesu sammadassanam vadanti, sabbampi tam dvihi padehi sutva ^1- pucchati. @Footnote: ¹ cha.Ma.,i. sankhipitva Dvayanissitoti dve kotthase nissito. Yebhuyyenati imina thapetva ariyapuggale sesamahanam dasseti. Atthitanti sassatam. Natthitanti ucchedam. Lokasamudayanti loko nama sankharaloko, tassa nibbatti. Sammappannaya passatoti sammapanna nama savipassana maggapanna, taya passantassati attho. Ya loke natthitati sankharaloke nibbattesu dhammesu pannayantesveva ^1- ya natthiti udchedaditthi uppajjeyya, sa na hotiti attho. Lokanirodhanti sankharanam bhangam. Ya loke atthitati sankharaloke bhijjamanesu dhammesu pannayantesveva ya atthiti sassataditthi uppajjeyya, sa na hotiti attho. Apica lokasamudayanti anulomam paccayakaram. Lokanirodhanti patilomam. ^2- Paccaye passatopi ^3- hi paccayanam anucchedena ^4- paccayuppannassa anucchedam passato ya natthiti ucchedaditthi uppajjeyya, sa na hoti. Paccayanirodham passantassapi paccayanirodhena paccayuppannanirodham passato ya atthiti sassataditthi uppajjeyya, sa na hotiti ayamettha attho. Upayupadanabhinivesavinibandhoti upayehi ca upadanehi ca abhinivesehi ca vinibandho. Tattha upayati dve upaya tanhupayo ca ditthupayo ca. Upadanadisupi eseva nayo. Tanhaditthiyo hi yasma aham mamantiadihi akarehi tebhumikadhamme upenti upagacchanti, tasma upayati vuccanti. Yasma pana te dhamme upadiyanti ceva abhinivisanti ca, tasma upadanati ca abhinivesati ca vuccanti. Tahi cayam loko vinibandho. Tenaha "upayupadananivesavinibandho"ti. Tancayanti tanca upayupadanam ayam ariyasavako. Cetaso adhitthananti cittassa patitthanabhutam. Abhinivesanusayanti abhinivesabhutanca ^5- anusayabhutanca. @Footnote: ¹ Ma. pannayamanesveva ² cha.Ma.,i. patilomapaccayakaram @ ³ cha.Ma.,i. lokanissaye passantassapi @⁴ Si. anupacchedena ⁵ Si. nivesabhutanca Tanhaditthisu hi akusalacittam patitthati, ta ca tasmim abhinivisanti ceva anusenti ca, tasma tadubhayam cetaso adhitthanam abhinivesanusayanti ca aha. Na upetiti na upagacchati. Na upadiyatiti na ganhati. Nadhitthatiti na adhitthati, kinati? atta meti. Dukkhamevati pancupadanakkhandhamattameva. Na kankhatiti "dukkhameva uppajjati, dukkham nirujjhati, na anno ettha satto nama atthi"ti kankham na karoti. Na vicikicchatiti na vicikiccham uppadeti. Aparappaccayati na parappaccayena, annassa apatissametva ^1- attapaccakkhananamevassa ettha hotiti. Ettavata kho kaccana sammaditthi hotiti evam sattasannaya pahinatta ettakena sammadassanam nama hotiti missakasammaditthim aha. Ayameko antoti esa eko nikutanto lamakanto pathamakam sassatam. Ayam dutiyoti esa dutiyo sabbam natthiti uppajjanakaditthisankhato nikutanto lamakanto dutiyako ucchedoti attho. Sesamettha uttanamevati. Pancamam.

The Pali Atthakatha in Roman Book 12 page 37-39. http://84000.org/tipitaka/atthapali/read_rm.php?B=12&A=830&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=12&A=830&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=16&i=42 เนื้อความพระไตรปิฎกฉบับหลวง :- http://84000.org/tipitaka/read/r.php?B=16&A=385 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=16&A=408 The Pali Tipitaka in Roman Character :- http://84000.org/tipitaka/read/roman_read.php?B=16&A=408 Contents of The Tipitaka Volume 16 http://84000.org/tipitaka/read/?index_16