ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 12 : PALI ROMAN Sam.A. (sarattha.2)

                     8-10. Mahaditthisuttadivannana
    [213-215] Akatati akata. Akatavidhati akatavidhana, "evam karohi"ti kenaci
karikapi na hontiti attho. Animmitati iddhiyapi na nimmita. Animmatati
animmapita. "animmitabba"tipi patho, na nimmitabbati attho. Vajjhati
vanjhapamsuvajjhati taladayo viya aphala kassaci ajanaka. Pabbatakutam viya thitati
kutattha. Esikatthayino viya hutva thitati esikatthayitthita, yatha sunikhato
esikatthambho niccalo titthati, evam thitati attho. Na injantiti esikatthambho
viya thitatta na calanti. Na viparinamantiti pakatim na vijahanti. Na annamannam
byabadhentiti annamannam na upahananti. Nalanti na samattha. Pathavikayotiadisu
pathaviyeva 1- pathavikayo, pathavisamuho va. Sattannantveva kayananti yatha
muggarasiyadisu pahatasattham muggarasiadinam antareneva pavisati, evam sattannam
kayanam antarena chiddena vivarena sattham pavisati. Tattha "aham imam jivita
voropemi"ti kevalam sannamattameva hotiti dasseti. 2-
@Footnote: 1 Si. pathavidhatuyeva       2 cha.Ma. dassenti
    Yonipamukhasatasahassaniti pamukhayoninam uttamayoninam cuddasasatasahassani
annani ca satthisatani annani ca chasatani. Panca ca kammuno sataniti
pancakammasatani cati kevalam takkamattakena niratthakam dittham dipenti. Panca ca
kammani tini ca kammanitiadisupi eseva nayo. Keci panahu "panca kammaniti
pancindriyavasena bhananti, tiniti kayakammadivasena"ti. Kamme ca addhakamme
cati ettha panassa kayakammam vacikammanca kammanti laddhi, manokammam upaddhakammanti.
Dvatthipatipadati dvasatthi patipadati vadanti. Dvatthantarakappati ekasmim kappe
catusatthi antarakappa nama honti, ayam pana anne dve ajananto evamaha.
    Chalabhijatiyoti kanhabhijati nilabhijati lohitabhijati haliddabhijati
sukkabhijati paramasukkabhijatiti ima cha abhijatiyo vadanti. Tattha orabbhika
sukarika sakunika magavika ludda macchaghataka cora coraghataka bandhanagarika,
ye va panannepi keci kururakammanta, ayam kanhabhijatiti vadanti. Bhikkhu
nilabhijatiti vadanti. Te kira catusu paccayesu kantake pakkhipitva khadanti,
"bhikkhu ca kandakavuttika"ti 1- ayam hissa pali eva. Athava kandakavuttika
eva nama eke 2- pabbajitati. Vadanti. Lohitabhijati nama nigantha ekasatakati
vadanti. Ime kira purimehi dvihi pandarataRa. Gihi odatavasana acelakasavaka
haliddabhijatiti vadanti. Evam attano paccayadayake niganthehipi jetthakatare
karonti. Ajivaka ajiviyo ayam sukkabhijatiti vadanti. Te kira purimehi catuhi
pandarataRa. Nando vaccho, kiso sankicco, 3- makkhaligosalo paramasukkabhijatiti
vadanti. Te kira sabbehi pandarataRa.
@Footnote: 1 pali. kanhadhimuttika, an. chakka. 22/328/429 (sya)
@2 ka. evamnamika           3 Ma. sankiccho
    Attha purisabhumayoti mandabhumi khiddabhumi vimamsakabhumi ujugatabhumi sekhabhumi sanamabhumi
jananabhumi pannabhumiti ima attha purisabhumiyoti vadanti. Tattha jatadivasato
patthaya satta divase sambadhatthanato nikkhantatta satta manda honti
momuha, ayam mandabhumiti vadanti. Ye pana duggatito agata honti, te
abhinham rodanti ceva viravanti ca, 1- sugatito agata tam anussaritva anussaritva
hasanti, ayam khiddabhumi nama. Matapitunam hattham va padam va mancam va pitham va
gahetva bhumiyam padanikkhipanam vimamsakabhumi nama. Padasa gantum samatthakalo
ujugatabhumi nama. Sippani sikkhanakalo sekhabhumi nama. Ghara nikkhamma pabbajjanakalo
samanabhumi nama. Acariyam sevitva sevitva jananakalo jananabhumi nama.
"bhikkhu ca pannako jino 2- na kinci aha"ti evam alabhim samanam pannabhumiti
vadanti.
    Ekunapannasa ajivakasateti ekunapannasa ajivavuttisatani.
Paribbajakasateti paribbajakapabbajjasatani. Nagavasasateti nagamandalasatani.
Vise indriyasateti visa indriyasatani. Timse nirayasateti timsa nirayasatani.
Rajodhatuyoti rajaokiranatthanani. Hatthapitthipadapitthadini sandhaya vadati. Satta
sannigabbhati otthagonagadrabhaajapasumigamahimse sandhaya vadati. Satta asannigabbhati
saliyavagodhumamuggakanguvarakakudrusake sandhaya vadati. Niganthigabbhati ganthimhi
jatagabbha, ucchuvelunaladayo sandhaya vadati. Satta devati bahu deva, so pana sattati
vadati. Manussapi ananta, so sattati vadati. Satta pesacati pisaca mahantamahanta,
sattati vadati. Sarati mahasaRa. Kannamundarathakaraanotattasihappapatamandakini-
muccalindakunaladahe 3- gahetva vadati.
@Footnote: 1 Ma. paridevanti ca          2 Si. jinno
@3 cha.Ma.....sihappapatachaddantamuccalindakunaladahe, su.vi. 1/170/184
    Pavutati ganthika. Papatati mahapapata. Papatasataniti khuddakapapatasatani.
Supinati mahasupina. Supinasataniti khuddakasupinasatani. Mahakappinoti
mahakappanam. Ettha ekamha mahasara vassasate vassasate kusaggena ekam
udakabindum niharitva sattakkhattum tamhi sare nirudake kate eko mahakappoti
vadati. Evarupanam mahakappanam caturasiti satasahassani khepetva bale ca
pandite ca dukkhassantam karontiti ayamassa laddhi. Panditopi kira antara
visujjhitum na sakkoti, balopi tato uddham na gacchati.
    Silena vati acelakasilena va annena va yena kenaci. Vatenati
tadiseneva vatena. Tapenati tapokammena. Aparipakkam paripaceti nama yo "aham
pandito"ti antara visujjhati. Paripakkam phussa phussa byantikaroti nama yo
"aham balo"ti vuttaparimanam kalam atikkamitva yati. Hevam natthiti evam natthi.
Tam hi ubhayampi na sakka katunti dipeti. Donamiteti donena mitam viya.
Sukhadukkheti sukhadukkham. Pariyantakateti vuttaparimanena kalena katapariyanto. Natthi
hayanavaddhaneti natthi hayanavaddhanani, na samsaro panditassa hayati, na
balassa vaddhatiti attho. Ukkamsavakamseti ukkamsavakamsa hayanavaddhananamevetam
vevacanam. Idani tamattham upamaya sadhento 1- seyyathapi namatiadimaha. Tattha
suttaguleti vethetva katasuttagule. Nibbethiyamanameva paletiti pabbate va rukkhagge
va thatva khittam suttappamanena nibbethiyamanameva gacchati, sutte khine tattheva
titthati, na gacchati, evameva bala ca pandita ca kalavasena nibbethayamanava
sukhadukkham palenti yathavuttena kalena atikkamantiti dasseti.
@Footnote: 1 Si.,i. dassento



             The Pali Atthakatha in Roman Book 12 page 373-376. http://84000.org/tipitaka/atthapali/read_rm.php?B=12&A=8213&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=12&A=8213&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=16&i=655              เนื้อความพระไตรปิฎกฉบับหลวง :- http://84000.org/tipitaka/read/r.php?B=16&A=6887              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=16&A=6099              The Pali Tipitaka in Roman Character :- http://84000.org/tipitaka/read/roman_read.php?B=16&A=6099              Contents of The Tipitaka Volume 16 http://84000.org/tipitaka/read/?index_16

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]