AtthaPali Vol.12

4-6. Gomayapindasuttadivannana [96-98] Catutthe sassatisamanti sinerumahapathavicandimasuriyadihi sassatihi samam. Parittam gomayapindanti appamattakam madhukapupphappamanam gomayakhandam. Kuto panetam laddhanti. Paribhandakaranatthaya abhatato gahitanti eke. Atthassa pana vinnapanattham iddhiya abhisankharitva hattharulham katanti veditabbanti. Attabhavapatilabhoti patiladdhaattabhavo. Nayidam brahmacariyavaso pannayethati ayam maggabrahmacariyavaso nama na pannayeyya. Maggo hi tebhumakasankhare vivattento uppajjati. Yadi ca ettakopi ^1- attabhavo nicco bhaveyya, maggo uppajjitvapi sankharavattam vivattetum na sakkuneyyati brahmacariyavaso na pannayetha. Idani sace koci sankharo nicco bhaveyya, maya mahasudassanarajakale anubhuta sampatti nicca bhaveyya, sapi ca aniccati tam dassetum bhutapubbaham bhikkhu raja ahosintiadimaha. Tattha kusavatirajadhanippamukhaniti kusavatirajadhani tesam nagaranam pamukha, sabbasetthati attho. Saramayaniti rattacandanasaramayani. @Footnote: ¹ cha.Ma. pi-saddo na dissati Upadhanam pana sabbesam suttamayameva. Gonakatthataniti caturanguladhikalomena kalakojavena atthatani, yam mahapitthiyakojavoti vadanti. Patikatthataniti ubhatolomena unnamayena setakambalena atthatani. Patalikatthataniti ghanapupphena unnamayaattharanena atthatani. Kadalimigapavarapaccattharananiti kadalimigacammamayena uttamapaccattharanena atthatani. Tam kira paccattharanam setavatthassa uparikadalimigacammam attharitva sibbetva karonti. Sauttaracchadaniti saha uttaracchadena. Upari baddhena rattavitanena saddhinti attho. Ubhatolohitathupadhaniti sisupadhananca padupadhanancati pallankanam ubhatolohitakupadhanani. Vejayantarathappamukhaniti ettha vejayanto nama tassa ranno ratho, yassa cakkanam indanilamanimaya nabhi, sattaratanamaya ara, pavalamaya nemi, rajatamayo akkho, indanilamanimayam upakkharam, rajatamayam kubbaram, so tesam rathanam pamukho aggo. Dukulasandananiti dukulasantharani. Kamsupadharananiti rajatamayadohabhajanani. Vatthakotisahassaniti yatharucitam paribhunjissatiti nhatva thitakale upanitavatthaneva sandhayetam vuttam. Bhattabhiharoti abhiharitabbabhattam. Yamaham tena samayena ajjhavasamiti yattha vasami, tam ekamyeva nagaram hoti, avasesesu puttadhitadayo ceva dasamanussa ca vasimsu. Pasadakutagaradisupi eseva nayo. Pallankadisu ekamyeva sayam paribhunjati, sesa puttadinam paribhoga honti. Itthisu ekava paccupatthati, sesa parivaramatta honti. Velamikati khattiyassa va barahmaniya, brahmanassa va khattiyaniya kucchismim jata. Paridahamiti ekamyeva dussayugam nivasemi, sesani parivaretva vicarantanam asitisahassadhikanam solasannam purisasatasahassanam hontiti dasseti. Bhunjamiti paramappamanena nalikodanamattam Bhunjami, sesam parivaretva vicarantanam cattalisasahassadhikanam atthannam purisasatasahassanam hotiti dasseti. Ekathalipako hi dasannam jananam pahoti. Iti imam mahasudassanakale sampattim dassetva idani tassa aniccatam dassento iti kho bhikkhutiadimaha. Tattha viparinatati pakatijahanena nibbutapadipo viya apannattikabhavam gata. Evam anicca kho bhikkhu sankharati evam hutva abhavatthena anicca. Ettavata bhagava yatha nama puriso satahatthubbedhe campakarukkhe nissenim bandhitva abhiruhitva campakapuppham adaya nissenim muncanto otareyya, evameva nissenim bandhanto viya anekavassakotisatasahassubbedham mahasudassanasampattim aruyha sampattimatthake thitam aniccalakkhanam adaya nissenim muncanto viya otinno. Evam addhuvati evam udakapubbuladayo viya dhuvabhavarahita. Evam anassasikati evam supinake pitapaniyam viya anulittacandanam viya ca assasavirahita. Iti imasmim sutte aniccalakkhanam kathitam. Pancame sabbam vuttanayameva. Chattham tatha bujjhanakassa ajjhasayena vuttam. Catutthadini.

The Pali Atthakatha in Roman Book 12 page 353-355. http://84000.org/tipitaka/atthapali/read_rm.php?B=12&A=7805&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=12&A=7805&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=16&i=373 เนื้อความพระไตรปิฎกฉบับหลวง :- http://84000.org/tipitaka/read/r.php?B=16&A=4181 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=16&A=3840 The Pali Tipitaka in Roman Character :- http://84000.org/tipitaka/read/roman_read.php?B=16&A=3840 Contents of The Tipitaka Volume 16 http://84000.org/tipitaka/read/?index_16