บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
8. Channasuttavannana [90] Atthame ayasma channoti tathagatena saddhim ekadivase jato mahabhinikkhamanadivasena saddhim nikkhamitva puna aparabhage satthu santike pabbajitva "amhakam buddho amhakam dhammo"ti evam makkhi ceva palasi ca hutva sabrahmacarinam pharusavacaya sanghattanam karonto thero. Apapuranam adayati kuncikam gahetva. Viharena viharam upasankamitvati ekam viharam pavisitva tato annam, tato annanti evam tena tena viharena tam tam viharam upasankamitva. Etadavoca ovadantu manti kasma evam mahantena ussahena tattha tattha gantva etam avocati? uppannasamvegataya. Tassa hi parinibbute satthari dhammasangahakattherehi pesito ayasma anando kosambim gantva brahmadandam adasi. So dinne brahmadande sanjataparilaho visannibhuto patitva puna sannam labhitva vutthaya ekassa bhikkhuno santikam gato. So tena saddhim kinci na kathesi. Annassa santikam agamasi, sopi na kathesiti evam sakalaviharam vicaritva nibbinno pattacivaram adaya baranasim gantva uppannasamvego tattha tattha gantva evam avoca. Sabbe sankhara aniccati sabbe tebhumakasankhara anicca. Sabbe dhamma anattati sabbe catubhumakadhamma anatta. Iti sabbepi te bhikkhu theram ovadanta aniccalakkhanam anattalakkhananti dveva lakkhanani kathetva dukkhalakkhanam--------------------------------------------------------------------------------------------- page347.
Na kathayimsu. Kasma? evam kira nesam ahosi "ayam bhikkhu vadi dukkhalakkhane pannapiyamane rupam dukkham .pe. Vinnanam dukkham, maggo dukkho, phalam dukkhanti `tumhe dukkhappatta bhikkhu nama'ti gahanam ganheyya, yatha gahanam gahetum na sakkoti, evam niddosamevassa katva kathessama"ti dveva lakkhanani kathayimsu. Paritassanaupadanam uppajjatiti paritassana ca upadananca uppajjati. Paccudavattati manasam, atha ko carahi me attati yadi rupadisu ekopi anatta, atha ko nama 1- me attati evam patinivattati "mayham manasan"ti. Ayam kira thero paccaye apariggahetvava vipassanam patthapesi, sassa 2- dubbalavipassana attagaham pariyadatum asakkunanti sankharesu sunnato upatthahantesu "ucchijjissami vinassissami"ti ucchedaditthiya ceva paritassanaya ca 3- paccayo ahosi. So ca attanam papate papatantam viya disva "paritassana upadanam uppajjati, paccudavattati manasam, atha ko carahi me atta"ti aha. Na kho panevam dhammam passato hotiti catusaccadhammam passantassa evam na hoti. Tavatika vissatthiti 4- tattako vissaso. Sammukha metanti thero tassa vacanam sutva "kidisa nu kho imassa dhammadesana sappaya"ti cintento tepitakam buddhavacanam vicinitva kaccayanasuttam 5- addasa "idam aditova ditthivinivethanam katva majjhe buddhabalam dipetva sanham sukhumam paccayakaram pakasayamanam vuttam, 6- idamassa desessami"ti tam dassento "sammukha metan"tiadimaha. Atthamam.The Pali Atthakatha in Roman Book 12 page 346-347. http://84000.org/tipitaka/atthapali/read_rm.php?B=12&A=7643&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=12&A=7643&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=16&i=352 เนื้อความพระไตรปิฎกฉบับหลวง :- http://84000.org/tipitaka/read/r.php?B=16&A=3952 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=16&A=3621 The Pali Tipitaka in Roman Character :- http://84000.org/tipitaka/read/roman_read.php?B=16&A=3621 Contents of The Tipitaka Volume 16 http://84000.org/tipitaka/read/?index_16
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]