AtthaPali Vol.12

5. Vakkalisuttavannana [87] Pancame kumbhakaranivesaneti kumbhakarasalayam. Thero kira vutthavasso pavaretva bhagavantam dassanaya agacchati. Tassa nagaramajjhe mahaabadho uppajji, pada na vahanti. Atha nam mancakasivikaya kumbhakarasalam aharimsu. ^1- Sa ca sala tesam kammasala, na nivasanasala. Tam sandhaya vuttam "kumbhakaranivesane viharati"ti. Balhagilanoti adhimattagilano. Samadhositi samantato adhosi, calanakarena apacitim dassesi. Vattam ^2- kiretam balhagilanenapi vuddhataram disva utthanakarena apaciti dassetabba. Tena pana "ma cali ma cali"ti vattabbo. Santimani asananiti buddhakalasminhi ekassapi bhikkhuno vasanatthane "sace sattha agacchissati, idha nisidissati"ti asanam pannattameva hoti antamaso phalakamattampi pannasantharamattampi. Khamaniyam yapaniyanti kacci dukkham khamitum iriyapatham va yapetum sakkati pucchati. Patikkamantiti nivattanti. Abhikkamantiti adhigacchanti. Patikkamosananti patikkamo etasam. Silato na upavadatiti silam arabbha silabhavena na upavadati. Cirapatikahanti cirapatiko aham, cirato patthaya ahanti attho. Putikayenati attano suvannavannampi kayam bhagava dhuvapaggharanatthena evamaha. Yo kho @Footnote: ¹ ka. atiharimsu ² Si. yuttam, Ma. vuttam Vakkali dhammanti idha bhagava "dhammakayo kho maharaja tathagato"ti vuttam dhammakayatam dasseti. Navavidho hi lokuttaradhammo tathagatassa kayo nama. Idani therassa tiparivattam dhammadesanam arabhanto tam kim mannasitiadimaha. Kalasilati kalasilaviharo. Vimokkhayati maggavimokkhatthaya. Suvimutto vimuccissatiti arahattaphalavimuttiya vimutto hutva vimuccissati. Ta kira devata "yena niharena imina vipassana araddha, anantarayena arahattam papunissati"ti natva evamahamsu. Apapakanti alamakam. Sattham aharesiti thero kira adhimaniko ahosi. So samadhivipassanahi vikkhambhitanam kilesanam samudacaram apassanto "khinasavomhi"ti sanni hutva "kim me imina dukkhena jivitena, sattham aharitva marissami"ti tikhinena satthena kanthanalam chindi. Athassa dukkha vedana uppajji. So tasmim khane attano puthujjanabhavam natva avissatthakammatthanatta sigham mulakammatthanam adaya sammasanto arahattam papunitvava kalamakasi. Paccavekkhana panassa ca katham ahositi? khinasavassa ekunavisati paccavekkhana na sabbava avassam laddhabba, tikhinenapi pana asina sise chijjante ekam dve nanani avassam uppajjanti. Vivattakkhandhanti parivattakkhandham. Semananti sayamanam. Thero kira uttanako nipanno sattham ahari. Tassa sariram yathathitameva ahosi. Sisam pana dakkhinapassena parivattitva atthasi. Ariyasavaka hi yebhuyyena dikkhinapasseneva kalam karonti. Tenassa sariram yathathitamyeva ahosi. Sisam pana dakkhinapassena parivattitva thitam. Tam sandhaya vivattakkhandho nama jatotipi vadanti. Dhumayitattanti dhumayanabhavam. Timirayitattanti timirayanabhavam, dhumavalahakam viya timiravalahakam viya cati attho. Pancamam.

The Pali Atthakatha in Roman Book 12 page 342-343. http://84000.org/tipitaka/atthapali/read_rm.php?B=12&A=7557&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=12&A=7557&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=16&i=346 เนื้อความพระไตรปิฎกฉบับหลวง :- http://84000.org/tipitaka/read/r.php?B=16&A=3826 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=16&A=3521 The Pali Tipitaka in Roman Character :- http://84000.org/tipitaka/read/roman_read.php?B=16&A=3521 Contents of The Tipitaka Volume 16 http://84000.org/tipitaka/read/?index_16