AtthaPali Vol.12

9. Palileyyasuttavannana [81] Navame carikam pakkamiti kosambikanam bhikkhunam kalahakale sattha ekadivasam dighitissa kosalaranno vatthum aharitva "na hi verena verani, sammantidha kudacanan"tiadihi ^1- gathahi ovadati. Tamdivasam tesam kalaham karontanamyeva ratti vibhata. Dutiyadivasepi bhagava tameva vatthum kathesi. Tamdivasampi tesam kalaham karontanamyeva ratti vibhata. Tatiyadivasepi bhagava tameva vatthum kathesi. Atha nam annataro bhikkhu evamaha "appossukko bhante bhagava ditthadhammasukhaviharam anuyutto viharatu, mayametena bhandanena kalahena viggahena vivadena pannayissama"ti. Sattha "pariyadinnarupacitta kho ime moghapurisa, na ime sakka sannapetun"ti cintetva "kim mayham imehi, ekacaravasam vasissami"ti so patova @Footnote: ¹ khu.dha. 25/5/16 Sarirajagganam katva kosambiyam pindaya caritva kancipi anamantetva ekova adutiyo carikam pakkami. Yasmim avuso samayeti idam thero yasmassa ajja bhagava ekena bhikkhuna saddhim pakkamissati, ajja dvihi, ajja satena, ajja sahassena, ajja ekakovati sabbo bhagavato caro vidito pakato paccakkho, tasma aha. Anupubbenati gamanigamapatipatiya pindaya caramano ekacaravasam tava vasamanam bhikkhum passitukamo hutva balakalonakaragamam agamasi. Tattha bhagguttherassa sakalapacchabhattanceva tiyamarattinca ekacaravase anisamsam kathetva punadivase tena pacchasamanena pindaya caritva tam tattheva nivattetva "samaggasamvasam ^1- vasamane tayo kulaputte passissami"ti pacinavamsamigadayam agamasi. Tesampi sakalapacchabhattanceva tiyamarattinca ekacaravase anisamsam kathetva te tattheva nivattetva ekakova palileyyanagarabhimukho ^2- pakkamitva anupubbena palileyyanagaram sampatto. Tena vuttam "anupubbena carikam caramano yena palileyyakam, tadavasari"ti. Bhaddasalamuleti palileyyavasino bhagavato danam datva palileyyato avidure rakkhitavanasando nama atthi, tattha bhagavato pannasalam katva "ettha vasatha"ti patinnam karetva vasayimsu. Bhaddasalo pana ^3- tattheko manapo laddako ^4- salarukkho. Bhagava tam nagaram upanissaya tasmim vanasande pannasalasamipe tasmim rukkhamule viharati. Tena vuttam "bhaddasalamule"ti. Evam viharante panettha tathagate annataro hatthinago hatthinihi hatthipotakadihi gocarabhumititthogahanadisu ubbalho yuthe ukkanthito "kim me imehi @Footnote: ¹ cha.Ma. samaggavasam ² Si. parileyYu...,evamuparipi @³ Si. nama ⁴ ka. tattheva koci nago bhaddako Hatthihi"ti yutham pahaya manussapatham gacchanto palileyyakavanasande bhagavantam disva ghatasahassena nibbapitasantapo viya nibbuto hutva satthu santike atthasi. So tato patthaya satthu vattapativattam karonto mukhadhovanam deti, nhanodakam aharati, dantakattham deti, parivenam sammajjati, arannato madhurani phalaphalani aharitva satthuno deti. Sattha paribhogam karoti. Ekadivasam sattha rattibhagasamanantare cankamitva pasanaphalake nisidi. Hatthipi avidure thane atthasi. Sattha pacchato oloketva na kinci addasa, evam purato ca ubhayapassesu ca. Athassa "sukham vataham annatra tehi bhandanakarakehi vasami"ti cittam uppajji. Hatthinopi "maya namitam sakham anne khadanta natthi"tiadini cintetva "sukham vata ekakova vasami, satthu vattam katum labhami"ti cittam uppajji. Sattha attano cittam oloketva "mama tava idisam cittam, kidisam nu kho hatthissa"ti tassapi tadisameva disva "sameti no cittan"ti imam udanam udanesi:- "etam nagassa nagena isadantassa hatthino sameti cittam cittena yadeko ramati vane"ti. ^1- Athakho sambahula bhikkhuti atha evam tathagate tattha viharante pancasata disasu vassam vuttha bhikkhu. Yenayasma anandoti "sattha kira bhikkhusamgham panametva arannam pavittho"ti attano dhammataya satthu santikam gantum asakkonta yenayasma anando, tenupasankamimsu. Anantara asavanam khayoti magganantaram arahattaphalam. Vicayasoti vicayena, tesam tesam dhammanam sabhavavicinanasamatthena nanena paricchinditvati attho. Dhammoti sasanadhammo. Cattaro satipatthanatiadi ye ye kotthase paricchinditva dhammo @Footnote: ¹ vi. maha. 5/467/251 Desito, tesam pakasanatthaya vuttam. Samanupassanati ditthisamanupassana. Sankharo soti ditthisankharo so. Tatojo so sankharoti tato tanhato so sankharo jato. Tanhasampayuttesu cittesupi catusu cittesu esa jayati. Sapi tanhati sa ditthisankharassa paccayabhuta tanha. Sapi vedanati sa tanhaya paccayabhuta vedana. Sopi phassoti so vedanaya paccayo avijjasamphasso. Sapi avijjati sa phassasampayutta avijja. No cassam, no ca me siyati sace aham na bhaveyyam, mama parikkharopi na bhaveyya. Nabhavissam, na me bhavissatiti sace pana ayatimpi aham na bhavissami, evam mama parikkharopi na bhavissati. Ettake thane bhagava tena bhikkhuna gahitagahitaditthim ^1- vissajjapento agato puggalajjhasayenapi desanavilasenapi. Tatojo so sankharoti tanhasampayuttacitte vicikicchava natthi, katham vicikicchasankharo tanhato jayatiti? appahinatta. Yassa hi tanhaya appahinaya so uppajjati, tam sandhayetam vuttam. Ditthiyapi eseva nayo labbhatiyeva. Catusu hi cittuppadesu sampayuttaditthi nama natthi. Yasma pana tanhaya appahinatta sa uppajjati, tasma tam sandhaya tatrapi ayamattho yujjati. Iti imasmim sutte tevisatiya thanesu arahattam papetva vipassana kathita. Navamam.

The Pali Atthakatha in Roman Book 12 page 332-335. http://84000.org/tipitaka/atthapali/read_rm.php?B=12&A=7340&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=12&A=7340&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=16&i=335 เนื้อความพระไตรปิฎกฉบับหลวง :- http://84000.org/tipitaka/read/r.php?B=16&A=3727 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=16&A=3439 The Pali Tipitaka in Roman Character :- http://84000.org/tipitaka/read/roman_read.php?B=16&A=3439 Contents of The Tipitaka Volume 16 http://84000.org/tipitaka/read/?index_16