AtthaPali Vol.12

5-6. Anandasuttadivannana [37-38] Pancame thitassa annathattam pannayatiti dharamanassa jivamanassa jara pannayati. Thititi hi jivitindriyasankhataya anupalanaya namam. Annathattanti jaraya. Tenahu porana:- @Footnote: ¹ ka. khadirasalapiyaladi

--------------------------------------------------------------------------------------------- page293.

"uppado jati akkhato bhango vutto vayoti ca annathattam jara vutta thiti ca anupalana"ti. Evam ekekassa khandhassa uppadajarabhangasankhatani tini lakkhanani honti. Yani sandhaya vuttam "tinimani bhikkhave sankhatassa sankhatalakkhanani"ti. ^1- Tattha sankhatam nama paccayanibbatto yo koci sankharo. Sankharo ca na lakkhanam, lakkhanam na sankharo, na ca sankharena vina lakkhanam pannapetum sakka, napi lakkhanam vina sankharo, lakkhanena pana sankharo pakato hotiti. Yatha hi na ca bhaviyeva lakkhanam, lakkhanameva gavi, napi gavam muncitva lakkhanam pannapetum sakka, napi lakkhanam muncitva gavim, lakkhanena pana gavi pakato hoti, evam sampadamidam veditabbam. Tattha sankharanam uppadakkhane sankharopi uppadalakkhanampi kalasankhato tassa khanopi pannayati. "uppadopi"ti vutte sankharopi jaralakkhanampi kalasankhato tassa khanopi pannayati. Bhangalakkhane sankharopi tamlakkhanampi kalasankhato tassa khanopi pannayati. Apare pana vadanti "arupadhammanam jarajinno nama na sakka pannapetum, sammasambuddho ca `vedanaya uppado pannayati, vayo pannayati, thitaya annathattam pannayati'ti vadanto arupadhammanampi tinilakkhanani pannapeti, tani atthi khanam upadaya labbhanti"ti vatva:- "atthita sabbadhammanam thiti nama pavuccati tasseva bhedo maranam sabbada sabbapaninan"ti imaya acariyagathaya tamattham sadhenti. Athava santativasena thanam thititi veditabbanti ca vadanti. Yasma pana sutte ayam viseso natthi, tasma acariyamatiya @Footnote: ¹ an.tika. 20/47/146

--------------------------------------------------------------------------------------------- page294.

Suttam appatibahetva suttameva pamanam kattabbam. Chattham uttanatthameva. Pancamachatthani.

The Pali Atthakatha in Roman Book 12 page 292-294. http://84000.org/tipitaka/atthapali/read_rm.php?B=12&A=6442&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=12&A=6442&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=16&i=151 เนื้อความพระไตรปิฎกฉบับหลวง :- http://84000.org/tipitaka/read/r.php?B=16&A=1812 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=16&A=1661 The Pali Tipitaka in Roman Character :- http://84000.org/tipitaka/read/roman_read.php?B=16&A=1661 Contents of The Tipitaka Volume 16 http://84000.org/tipitaka/read/?index_16