AtthaPali Vol.12

11. Mahakappinasuttavannana [245] Ekadasame mahakappinoti evamnamako abhinnabalappatto asitimahasavakanam abbhantaro mahathero. So kira gihikale kukkutavatinagare tiyojanasatikam rajjam karesi. ^3- Pacchimabhavikatta pana tatharupam sasanam sotum ohitasotova ^4- vicarati. Athekadivasam amaccasahassaparivuto uyyanakilikam agamasi. Tada ca majjhimadesato janghavanija tam nagaram gantva bhandam patisametva "rajanam passissama"ti pannakarahattha rajakuladvaram gantva "raja uyyanam gato"ti sutva uyyanam gantva dvare thita patiharassa arocayimsu. Atha ranno nivedite raja pakkosapetva niyyatitapannakare vanditva thite "tata kuto agatattha"ti pucchi. Savatthito devati. Kacci vo rattham subhikkham dhammikorajati. Ama devati. Atthi pana tumhakam dese kinci sasananti. Atthi deva, na pana sakka ucchitthamukhehi kathetunti. Raja suvannabhingarena udakam dapesi. Te mukham vikkhaletva dasabalabhimukha anjalim pagganhitva "deva amhakam dese buddharatanam nama uppannan"ti ahamsu. Ranno "buddho"ti vacane sutamatte @Footnote: ¹ cha.Ma.,i. anagatampi ² cha.Ma. dhammesu @³ cha.Ma.,i akasi ⁴ cha.Ma.,i. ohitasoto Sakalasariram pharamana piti uppajji. Tato "buddhoti tata vadatha"ti aha. Buddhoti deva vadamati. Evam tikkhattum vadapetva "buddhoti padam aparimanam, nassa sakka parimanam katun"ti tasmimyeva pasanno satasahassam datva puna "annam kim sasanan"ti pucchi. Deva dhammaratanam nama uppannanti. Tampi sutva tatheva tikkhattum patinnam gahetva aparampi satasahassam datva puna "annam kim sasanan"ti pucchi, samgharatanam deva uppannanti. Tampi sutva tatheva tikkhattum patinnam gahetva aparampi satasahassam datva dinnabhavam panne likhitva "tata deviya santikam gacchatha"ti pesesi. Tesu gatesu amacce pucchi "tata buddho loke uppanno. Tumhe kim karissatha"ti. Deva tumhe kim kattukamati aham. Pabbajissamiti. Mayampi pabbajisamati. Te sabbepi gharam va kutumbam va anapaloketva ye asse aruyha gata, teheva nikkhamimsu. Vanija ^1- anojadeviya santikam gantva pannam dassesum. Sa vacetva "ranna tumhakam bahu kahapana dinna, kim tumhehi katam tata"ti pucchi. Piyasasanam devi anitanti. Amhepi sakka tata sunapetunti. Sakka devi, ucchitthamukhehi pana vattum na sakkati. Sa suvannabhingarena udakam dapesi. Te mukham vikkhaletva ranno arocitanayeneva arocesum. Sapi sutva uppannapamojja teneva nayena ekekasmim pade tikkhattum patinnam gahetva patinnagananaya tini tini katva ^2- nava satasahassani adasi. Vanija sabbanipi dvadasa satasahassani labhimsu. Atha ne "raja kaham tata"ti pucchi. Pabbajissamiti nikkhanto deviti. "tenahi tata tumhe gacchatha"ti te uyyojetva ranna saddhim gatanam amaccanam matugame pakkosapetva "tumhe attano samikanam gatatthanam janatha amma"ti pucchi. Janama ayye, ranna @Footnote: ¹ i. vanija, evamuparipi ² i. tini tini ca katva Saddhim ayyanakilikam gatati. Ama gata, tattha pana gantva "buddho uppanno, dhammo uppanno, samgho uppanno"ti sutva "dasabalassa santike pabbajissama"ti gata, tumhe kim karissathati. Tumhe pana ayye kim kattukamati. Aham pabbajissami, na tehi vantavamanam jivhagge thapayissamiti. ^1- "yadi evam mayam pabbajissama"ti. Sabba rathe yojapetva nikkhamimsu. Rajapi amaccasahassena saddhim gangaya tiram papuni. Tasmim ca samaye ganga pura hoti. Atha nam disva "ayam ganga pura candamacchakinna, amhehi saddhim agata dasa va manussa va natthi, ye no navam va ulumpam va katva dadeyyum, etassa pana satthu guna nama hettha avicito upari yava bhavagga patthata, sace esa sattha sammasambuddho, imesam assanam khurapitthani ma tementu"ti udakapitthena asse pakkhandapesum. Ekaassassapi khurapitthimattam na temi, rajamaggena gacchanta viya paratiram patva purato annam mahanadim papunimsu. Tattha anna saccakiriya natthi, taya eva saccakiriyaya tampi addhayojanavittharam nadim atikkamimsu. Atha tatiyam candabhagam nama mahanadim patva tampi taya eva saccakiriyaya atikkamimsu. Satthapi tamdivasam paccusasamaye mahakarunasamapattito vutthaya lokam olokento "ajja mahakappino tiyojanatikam rajjam pahaya amaccasahassaparivaro mama santike pabbajitum agacchati"ti disva "ya tesam paccuggamanam katum yuttan"ti patova sarirapatijagganam katva bhikkhusamghaparivaro savatthiyam pindaya caritva pacchabhattam pindapatapatikkanto sayameva pattacivaram gahetva akase uppatitva candabhagaya nadiya tire tesam uttaranatitthassa abhimukhe thane @Footnote: ¹ cha.Ma.,i. thapeyyanti Mahanigrodharukkho atthi, tattha pallankena nisiditva parimukham satim upatthapetva chabbannabuddharamsiyo vissajjesi. Te tena titthena uttaranta ^1- ca chabbannabuddharamsiyo ito cito ca vidhavantiyo olokenta dasabalassa punnacandassa sirikam ^2- mukham disva "yam sattharam uddissa mayam pabbajita, addha so eso"ti dassaneneva nittham gantva ditthanato patthaya onata vandamana agamma sattharam vandimsu. Raja gopphakesu gahetva sattharam vanditva ekamantam nisidi saddhim amaccasahassena. Sattha tesam dhammam kathesi. Desanapariyosane sabbe arahatte patitthaya sattharam pabbajjam yacimsu. Sattha "pubbe ime civaradanassa dinnatta attano civarani gahetvava agata"ti suvannavannam hattham pasaretva "etha bhikkhavo svakkhato dhammo, caratha brahmacariyam sammadukkhassa antakiriyaya"ti aha. Sa ca ^3- tesam ayasmantanam pabbajja ca upasampada ca ahosi, vassasatthikatthera ^4- viya sattharam parivarayimsu. Anojapi devi rathasahassaparivara gangatiram patva ranno atthaya agatam navam va ulumpam va adisva attano byattataya cintesi "raja saccakiriyam katva gato bhavissati so pana sattha na kevalam tesamyeva atthaya nibbatto, sace so sattha sammasambuddho, amhakam ratha ma udake nimmujjimsu"ti udakapitthe rathe pakkhandapesi. Rathanam nemivattimattampi na temi. Dutiyatatiyanadipi teneva saccakarena uttari uttaramanayeva nigrodharukkhamule sattharam addasa. Sattha "imasam attano samike passantinam chandarago uppajjitva maggaphalanam antarayam kareyya, so evam katum na sakkhissati"ti @Footnote: ¹ i. uttarantava ² Si. punnacandasarikkhakam, i. punnacandasarikkham @³ cha.Ma. sava ⁴ Si.,i. vassasatikatthera Yatha annamannam ^1- na passanti, tatha akasi. Ta sabbapi titthato uttaritva dasabalam vanditva nisidimsu. Sattha tasam dhammam kathesi. Desanapariyosane sabbapi sotapattiphale patitthaya annamannam ^1- passimsu. Sattha "uppalavanna agacchatu"ti cintesi. Theri agantva sabba pabbajetva adaya bhikkhuninam upassayam gata. Bhikkhusahassam gahetva akasena jetavanam agamasi. Imam sandhayetam vuttam "mahakappinoti evamnamako abhinnabalappatto asitimahasavakanam abbhantaro mahathero"ti. Janetasminti janite, pajayati attho. Ye gottapatisarinoti ye "mayam vasettha gotama"ti ^2- gottam patisaranti patijananti, tesam khattiyo setthoti attho. Vijjacaranasampannoti atthahi vijjahi ceva pannarasadhammabhedena caranena ca samannagato. Tapatiti virocati. Jhayi tapati brahmanoti khinasavabrahmano duvidhena jhanena jhayamano tapati virocati. Tasmim pana khane kaludayitthero duvidhena jhanena jhayamano avidure nisinno hoti. Buddho tapatiti sabbannubudadho virocati. Sabbamangagatha kiresa. Bhatikaraja kira ekapujam karetva acariyakam ^3- aha "tihi ratanehi amuttam ekam jayamangalam vadatha"ti. So tepitakam buddhavacanam idam mangalagatham ^4- vadanto "diva tapati adicco"ti vatva atthangam gamentassa suriyassa anjalim pagganhi. "rattimabhati candima"ti utthahantassa candassa anjalim pagganhi. "sannaddho khattiyo tapati"ti ranno anjalim pagganhi. "jhayi tapati brahmano"ti bhikkhusamghassa anjalim pagganhi. "jhayi tapati brahmano"ti bhikkhusamghassa anjalim pagganhi. "buddho tapati tejasa"ti vatva pana mahacetiyassa anjalim pagganhi. Atha nam raja "ma hattham otarehi"ti ukkhittasmimyeva hatthe sahassam thapesi. Ekadasamam. @Footnote: ¹ cha.Ma. annamanne ² i. mayam vasittho gotamo @³ Si. bhanakam, i. bhatikam ⁴ cha.Ma. imam gatham

The Pali Atthakatha in Roman Book 12 page 267-271. http://84000.org/tipitaka/atthapali/read_rm.php?B=12&A=5898&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=12&A=5898&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=16&i=722 เนื้อความพระไตรปิฎกฉบับหลวง :- http://84000.org/tipitaka/read/r.php?B=16&A=7475 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=16&A=6649 The Pali Tipitaka in Roman Character :- http://84000.org/tipitaka/read/roman_read.php?B=16&A=6649 Contents of The Tipitaka Volume 16 http://84000.org/tipitaka/read/?index_16