ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 12 : PALI ROMAN Sam.A. (sarattha.2)

                         9. Tissasuttavannana
    [243] Navame dummanoti uppannadomanasso. Kasma panayam evam dukkhi
dummano jatoti? khattiyapabbajito hesa, tena nam pabbajetva dupattasatakam
nivasapetva varacivaram parupetva akkhini anjetva manosilatelena sisam
makkhesum. So bhikkhusu rattitthanadivatthanam gatesu "bhikkhuna nama vivittokase
nisiditabban"ti ajananto bhojanasalam gantva mahapitham aruhitva nisidi.
Disavacara agantuka pamsukulika bhikkhu agantva "iminava niharena rajokinnehi
gattehi na sakka dasabalam passitum, bhandakam tava thapessama"ti bhojanasalam
agamamsu. So tesu mahatheresu agacchantesu niccalo nisidiyeva. Anne bhikkhu
"padavattam karoma, talavantena 1- vijama"ti apucchanti. Ayam pana nisinnakova
"kativassattha"ti pucchitva "mayam avassika, tumhe pana kativassattha"ti vutte "mayam
ajja pabbajita"ti aha. Atha nam bhikkhu "avuso adhuna chinnaculosi, ajjapi
te sisamule ukagandho vayatiyeva, tvam nama ettakesu vuddhataresu vattam
apucchantesu nissaddo niccalo nisinno, apacitimattampi te natthi, kassa
sasane pabbajitosi"ti parivaretva tam vacasattihi paharanta "kim tvam inatto
@Footnote: 1 Ma. talapannena
Va bhayatto va jivitum asakkonto pabbajito"ti ahamsu. So ekampi theram
olokesi, "kim mam olokesi mahallaka"ti vutte annam olokesi, tenapi
tatheva vutte athassa "ime mam parivaretva vacasattihi vijjhanti"ti khattiyamano
uppajji. Akkhisu manivannani assuni paggharanti. 1- Tato ne aha "kassa
santikam agatattha"ti. Te "kim pana tvam `mayham santikam agata'ti amhe
mannasi gihibyanjanabhatthaka"ti vatva "sadevake loke aggapuggalassa satthu
santikam agatamha"ti ahamsu. So "mayham bhatu santike agata tumhe,
yadi evam idani vo agatamaggeneva gamanam karissami"ti kujjhitva nikkhanto
antaramagge cintesi "mayi iminava niharena gate sattha ete na
niharapessati"ti dukkhi dummano assuni pavattayamano agamasi. Imina karanena
esa evam jatoti.
    Vacaya sannitodakenati 2- vacanapatodena. Sanjambharim akamsuti sanjambharitam
nirantaraphutam akamsu, upari 3- vijjhimsuti vuttam hoti. Vattati pare yadicchakam
vadatiyeva. No ca vacanakkhamoti paresam vacanam khamitum na sakkoti. Idani tava
tvam imina kopena imina 4- vuttavacasannitodakena viddho, atite pana
ratthato ca pabbajitoti. Evam vutte "katarasmim kale bhagava"ti bhikkhu bhagavantam
yacimsu.
    Sattha aha:- atite baranasiyam baranasiraja rajjam karesi.
Atheko jatima, eko matangoti dve isayo baranasim agamamsu. Tesu jatima
puretaram gantva kumbhakarasalayam nisidi. Matangatapaso paccha gantva tattha
@Footnote: 1 cha.Ma.,i sancarimsu        2 cha.Ma.,i. vacasannitodakenati
@3 Si.,i. upari upari       4 Si. iti tvam imina kopena idha
Okasam yaci kumbhakaro "atthettha pathamataram pavittho pabbajito, tam puccha"ti
aha. So attano parikkharam gahetva salaya dvaramule thatva "amhakampi
acariya ekarattivasaya okasam detha"ti aha. Pavisa bhoti. Pavisitva nisinnam
"bho kim gottosi"ti pacchi. Candalagottomhiti. Na sakka 1- taya saddhim ekatthane
nisiditum, ekamantam gacchati. So ca tattheva tinasantharikam 2- santharitva 3- nipajji.
Jatima dvaram nissaya nipajji. Itaro passavatthaya nikkhamanto tam urasmim
akkami. "ko eso"ti ca vutte "aham acariya"ti aha. Are 4- candala,
kimmannato maggam na passasi, atha me agantva na akkamasiti. Acariya
adisva me akkamantosi khamasi 5- mayhan"ti. So mahapurise bahinikkhante cintesi
"ayam paccha gacchantopi itova agamissi"ti parivattetva nipajji. Mahapurisopi
"acariyo ito sisam katva nipanno, padasamipenassa 6- gamissami"ti pavisanto
urasmimyeva akkami. "ko eso"ti ca vutte "aham acariya"ti aha. "pathamam
tava te ajanantena katam, idani mam ghatentova akasi, suriye te uggacchante
sattadha muddha phalatu"ti sapi. Mahapuriso kinci avatva pure aruneyeva suriyam
ganhi, nassa uggantum adasi. Manussa ca hatthiassadayo ca pabujjhimsu.
    Manussa rajakulam gantva "deva sakalanagare appabuddho nama natthi,
na ca arunuggamanam 7- pannayati, kim nu kho etan"ti. Tenahi nagaram parivimamsathati.
Te parivimamsanta kumbhakarasalayam dve tapase disva "imesam etam kammam
bhavissati"ti antara ranno arocesum. Ranna ca "pucchatha ne"ti vutta
agantva jatimantam pucchimsu "tumhehi andhakaram katan"ti. Na maya katam, esa
@Footnote: 1 katthaci sakkomiti patho dissati
@2 cha.Ma. tinasantharakam        3 cha.Ma.,i. pattharitva
@4 cha.Ma.,i. re           5 Si. akkanto, khamatha
@6 cha.Ma.,i. padasamipena     7 cha.Ma.,i. arunuggam
Pana kutajatilo chavo anantamayo, tam pucchathati. Te gantva mahapurisam
pucchimsu "tumhehi bhante andhakaram katan"ti. Ama ayam acariyo mam abhisapi,
tasma maya katanti. Te gantva 1- ranno arocesum. Rajapi agantva
mahapurisam tumhehi katam bhante"ti pucchi. Ama maharajati. Kasma bhanteti.
Imina abhisapitomhi, sace mam eso khamapessati, suriyam vissajjessamiti. Raja
"khamapetha bhante etan"ti aha. Itaro "madiso jatima kim evarupam candalam
khamapessati, na khamapemi"ti, aha.
    Atha nam manussa "na kim tvam attano ruciya khamapessasi"ti vatva
hatthesu ca padesu ca gahetva padamule nipajjapetva "khamapehi"ti
ahamsu. So nissaddo nipajji. Punapi nam "khamapehi"ti ahamsu. Tato "khama mayham
acariya"ti aha. Mahapuriso "aham tava tuyham khamitva suriyam vissajjessami,
suriye pana uggate tava sisam sattadha phalissati"ti vattha "imassa sisappamanam
mattikapinadam matthake thapetva etam nadiya galappamane udake thapetha"ti
aha. Manussa tatha akamsu. Ettavata saratthakam rajabalam sannipati. Mahapuriso
suriyam munci. Suriyaramsi agantva mattikapindam pahari. So sattadha bhijji.
Tavadeva so nimmujjitva ekena titthena uttaritva palayi. Sattha imam
vatthum aharitva "idani tava tvam bhikkhunam santike paribhasam labhasi, pubbe 2-
panasi 3- imam kodham nissaya ratthato pabbajito"ti anusandhim ghatetva atha nam
ovadanto na kho te tam tissa patirupantiadimaha. Navamam.



             The Pali Atthakatha in Roman Book 12 page 263-266. http://84000.org/tipitaka/atthapali/read_rm.php?B=12&A=5807&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=12&A=5807&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=16&i=713              เนื้อความพระไตรปิฎกฉบับหลวง :- http://84000.org/tipitaka/read/r.php?B=16&A=7413              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=16&A=6593              The Pali Tipitaka in Roman Character :- http://84000.org/tipitaka/read/roman_read.php?B=16&A=6593              Contents of The Tipitaka Volume 16 http://84000.org/tipitaka/read/?index_16

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]