AtthaPali Vol.12

5. Cankamasuttavannana [99] Pancame passatha noti passatha nu. Sabbe kho eteti sariputtatthero bhagavata "etadaggam bhikkhave mama savakanam bhikkhunam mahapannanam yadidam sariputto"ti ^1- mahapannesu etadagge thapito. Iti nam "khandhantaram dhatvantaram ayatanantaram satipatthanabodhipakkhiyadhammantaram tilakkhanahatam gambhirapanham pucchissama"ti mahapannava parivarenti. Sopi tesam pathavim pattharanto viya sinerupadato valikam uddharanto viya cakkavalapabbatam bhindanto viya sinerum ukkhipanto viya akasam vittharento viya candasuriye utthapento viya ca pucchitapucchitam katheti. Tena vuttam "sabbe kho ete bhikkhave bhikkhu mahapanna"ti. Mahamoggallanopi bhagavata "etadaggam bhikkhave mama savakanam bhikkhunam iddhimantanam yadidam mahamoggallano"ti ^2- iddhimantesu etadagge thapito. Iti nam "parikammam anisamsam adhitthanam vikubbanam pucchissama"ti iddhimantova parivarenti. Sopi tesam vuttanayeneva pucchitapucchitam kathesi. ^3- Tena vuttam "sabbe kho ete bhikkhave bhikkhu mahiddhika"ti. Mahakassapopi bhagavata "etadaggam bhikkhave mama savakanam bhikkhanam dhutavadanam ^4- yadidam mahakassapo"ti ^5- dhutavadesu etadagge thapito. Iti nam "dhutangapariharam anisamsam samadanam ^6- adhitthanam bhedam pucchissama"ti dhutavadava ^7- parivarenti. Sopi tesam tatheva pucchitapucchitam byakaroti. Tena vuttam "sabbe kho ete bhikkhave bhikkhu dhutavada"ti. Anuruddhattheropi bhagavata "etadaggam bhikkhave mama savakanam bhikkhunam dibbacakkhukanam yadidam anuruddho"ti ^8- dibbacakkhukesu etadagge thapito. Iti nam "dibbacakkhukassa parikammam anisamsam upakkilesam pucchissama"ti dibbacakkhukava @Footnote: ¹ an.ekaka. 20/189/23 ² an. ekaka. 20/190/23 @³ cha.Ma., i. katheti ⁴ Ma. dhutangadharanam @⁵ an ekaka. 20/191/23 ⁶ cha.Ma. samodhanam @⁷ Si. dhutadharava ⁸ an. ekaka. 20/192/23 Parivarenti. Sopi tesam tatheva pucchitapucchitam katheti. Tena vuttam "sabbe kho ete bhikkhave bhikkhu dibbacakkhuka"ti. Punnattheropi bhagavata "etadaggam bhikkhave mama savakanam bhikkhunam dhammakathikanam yadidam punro mantaniputto"ti ^1- dhammakathikesu etadagge thapito. Iti na "dhammakathaya sankhepavittharagambhiruttanavicitrakathadisu tam tam akaram pucchissama"ti dhammakathikava parivarenti. Sopi tesam "avuso dhammakathikena nama adito parisam vannetum vattati, majjhe sunnatam pakasetum, ante catusaccavasena kutam ganhitun"ti evam tam tam dhammakathanayam acikkhati. Tena vuttam "sabbe kho ete bhikkhave bhikkhu dhammakathika"ti. Upalittheropi bhagavata "etadaggam bhikkhave mama savakanam bhikkhunam vinayadharanam yadidam upali"ti ^2- vinayadharesu etadagge thapito. Iti nam "garukalahukam satekicchaatekiccham apattanapattim pucchissama"ti vinayadharava parivarenti. Sopi tesam pucchitapucchitam tatheva katheti. Tena vuttam "sabbe kho ete bhikkhave bhikkhu vinayadhara"ti. Anandattheropi bhagavata "etadaggam bhikkhave mama savakanam bhikkhunam bahussutanam yadidam anando"ti ^3- bahussutesu etadagge thapito. Iti nam "dasavidham byanjanabuddhim atthuppattim anusandhim pubbaparam pucchissama"ti bahussutava parivarenti. Sopi tesam "idam evam vattabbam, idam evam gahetabban"ti sabbam katheti. Tena vuttam "sabbe kho ete bhikkhave bhikkhu bahussuta"ti. Devadatto pana papiccho icchapakato, tena nam "kulasanganhanapariharam nanappakarakam kohannatam pucchissama"ti papicchava parivarenti. Sopi @Footnote: ¹ an. ekaka. 20/196/23 ² an. ekaka. 20/228/25 @³ an. ekaka. 20/219-223/25 Tesam tam tam niyamam acikkhati. Tena vuttam "sabbe kho ete bhikkhave bhikkhu papiccha"ti. Kasma panete avidure cankamimsuti. "devadatto satthari padutthacitto anatthampi katum upakkameyya"ti arakkhaghanattham. Atha devadatto kasma cankamiti. "akarako ayam, yadi karako bhaveyya, na idha agaccheyya"ti attana katadosapaticchadanattham. Kim pana devadatto bhagavato anattham katum samattho, bhagavato va arakkhakiccam atthiti. Natthi. Tena vuttam "atthanametam ananda anavakaso, yam tathagato parupakkamena parinibbayeyya"ti. ^1- Bhikkhu pana satthari garavena agata. Teneva bhagava evam vatva "vissajjehi ananda bhikkhusamghan"ti vissajjapesi. Pancamam.

The Pali Atthakatha in Roman Book 12 page 157-159. http://84000.org/tipitaka/atthapali/read_rm.php?B=12&A=3507&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=12&A=3507&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=16&i=365 เนื้อความพระไตรปิฎกฉบับหลวง :- http://84000.org/tipitaka/read/r.php?B=16&A=4087 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=16&A=3752 The Pali Tipitaka in Roman Character :- http://84000.org/tipitaka/read/roman_read.php?B=16&A=3752 Contents of The Tipitaka Volume 16 http://84000.org/tipitaka/read/?index_16