AtthaPali Vol.12

2. Dutiyavagga 1. Sattadhatusuttavannana [95] Dutayavaggassa pathame abhadhatuti alokadhatu. Alokassapi alokakasine parikammam katva uppannassapiti saharammanassa jhanassa etannamam. Subhadhatuti subhakasine uppannajjhanavasena saharammanajjhanameva. Akasanan cayatanameva akasanancayatanadhatu. Sannavedayitanirodhova sannavedayitanirodhadhatu. Iti bhagava anusandhikusalassa bhikkhuno tattha nisiditva panham pucchitukamassa okasam dento desanam nitthapesi. Andhakaram paticcati andhakaro hi alokena paricchinno, alokopi andhakarena. Andhakarena hi so pakato hoti, tasma "andhakaram paticca @Footnote: ¹ cha.Ma. sanipakarehi Pannayati"ti aha. Asubham paticcati etthapi eseva nayo. Asubham hi subhena subhanca asubhena paricchinnam, asubhe sati subham pannayati, tasma evamaha. Rupam paticcati rupavacarasamapattim paticca. Rupavacarasamapattiya hi sati akasanancayatanasamapatti nama hoti rupasamatikkamo va, tasma evamaha. Vinnanancayatanadhatuadisupi eseva nayo. Nirodham paticcati catunnam khandhanam patisankhaappavattim paticca. Khandhanirodham hi paticca nirodhasamapatti nama pannayati, na khandhapavattim, tasma evamaha. Ettha ca catunnam khandhanam nirodhova nirodhasamapattiti veditabbo. Katham samapatti pattabbati katham samapattiyo kidisa samapattiyo nama hutva pattabba. ^1- Sannasamapatti pattabbati sannaya atthibhavena sannasamapattiyo sannasamapattiyo nama hutva pattabba. Sankharavasesasamapatti pattabbati sukhumasankharanam avasitthataya sankharavasesasamapatti nama hutva pattabba. Nirodhasamapatti pattabbati nirodhova nirodhasamapatti nirodhasamapatti nama hutva pattabbati attho. Pathamam.

The Pali Atthakatha in Roman Book 12 page 151-152. http://84000.org/tipitaka/atthapali/read_rm.php?B=12&A=3384&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=12&A=3384&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=16&i=352 เนื้อความพระไตรปิฎกฉบับหลวง :- http://84000.org/tipitaka/read/r.php?B=16&A=3952 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=16&A=3621 The Pali Tipitaka in Roman Character :- http://84000.org/tipitaka/read/roman_read.php?B=16&A=3621 Contents of The Tipitaka Volume 16 http://84000.org/tipitaka/read/?index_16