AtthaPali Vol.12

5. Gahapativagga 1. Pancaverabhayasuttavannana [41] Gahapativaggassa pathame yatoti yada. Bhayani veraniti bhayaveracetanayo. Sotapattiyangehiti duvidham sotapattiya ca angam, yam pubbabhage sotapattipatilabhaya samvattati, "sappurisasamsevo saddhammassavanam yonisomanasikaro @Footnote: ¹ cha.Ma.,i. agatimhi Dhammanudhammapatipatti"ti ^1- evam agatam, patiladdhagunassa ca sotapattim patva thitassa angam, yam sotapannassa angantipi vuccati, buddhe aveccappasadadinam etam adhivacanam. Idamidha adhippetam. Ariyoti niddoso niruparambho. Nayoti paticcasamuppadam ^2- natva thitananampi paticcasamuppadopi. Yathaha "nayo vuccati paticcasamuppado, ariyopi atthangiko maggo nayo"ti. Pannayati aparaparam uppannaya vipassanapannaya. Sudittho hotiti aparaparam uppajjitva dassanavasena sutthu dittho. Khinanirayotiadisu ayatim tattha anuppajjanataya khino nirayo mayhanti so aham khinanirayo. Esa nayo sabbattha. Sotapannoti maggasotam apanno. Avinipatadhammoti na vinipatasabhavo. Niyatoti pathamamaggasankhatena sammattaniyamena niyato. Sambodhiparayanoti uttarimaggattayasankhata sambodhi param ayanam mayhanti soham sambodhiparayano, tam sambodhim avassam abhisambujjhanakoti attho. Panatipatapaccayati panatipatakammakarana. Bhayam veranti atthato ekam. Veranca nametam duvidham hoti bahiram ajjhattikanti. Ekena hi ekassa pita marito hoti, so cintesi "etena kira me pita marito, ahampi tamyeva maressami"ti nissitam sattham adaya carati. Ya tassa abbhantare uppanna veracetana, idam bahiraveram nama. Ya pana itarassa "ayam kira mam maressamiti carati, ahameva na pathamataram maressami"ti cetana uppajjati, idam ajjhattikaveram nama. Idam tava ubhayampi ditthadhammikameva. Ya pana tam niraye uppannam disva "etam paharissami"ti jalitam ayamuggaram ganhato nirayapalassa cetana uppajjati, idamassa samparayikam bahiraveram. Ya tassa "ayam niddosam mam paharissamiti @Footnote: ¹ di.pa. 11/311/202 ² cha.Ma.,i. paticcasamuppannam Agacchati, ahameva nam pathamataram paharissami"ti cetana uppajjati, idamassa samparayikam ajjhattaveram. Yam panetam bahiraveram, tam atthakathaya "puggalaveran"ti vuttam. Dukkham domanassanti atthato ekameva. Yatha cettha, evam sesapadesupi "imina mama bhandam hatam, mayham daresu carittam apannam, musa vatva attho bhaggo, suramadamattena idam nama katan"tiadina nayena veruppatti veditabba. Aveccappasadenati adhigatena ^1- acalappasadena. Ariyakantehiti pancahi silehi. Tani hi ariyanam kantani piyani, bhavantaragatapi ariya tani na vijahanti, tasma "ariyakantani"ti vuccanti. Sesamettha yam vattabbam siya, tam sabbam

The Pali Atthakatha in Roman Book 12 page 82-84. http://84000.org/tipitaka/atthapali/read_rm.php?B=12&A=1841&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=12&A=1841&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=16&i=151 เนื้อความพระไตรปิฎกฉบับหลวง :- http://84000.org/tipitaka/read/r.php?B=16&A=1812 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=16&A=1661 The Pali Tipitaka in Roman Character :- http://84000.org/tipitaka/read/roman_read.php?B=16&A=1661 Contents of The Tipitaka Volume 16 http://84000.org/tipitaka/read/?index_16