ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 12 : PALI ROMAN Sam.A. (sarattha.2)

                        4. Kalarakhattiyavannana
                          1. Bhutasuttavannana
    [31] Kalarakhattiyavaggassa pathame ajitapanheti ajitamanavena pucchitapanhe.
Sankhatadhammaseti sankhatadhamma vuccanti natadhamma tulitadhamma tiritadhamma.
Sekkhati satta sekkha. Puthuti teyeva satta jane sandhaya puthuti vuttam. Idhati
imasmim sasane. Nipakoti nepakkam vuccati panna, taya samannagato 1- nipako,
tvam pandito pabruhiti yacati. Iriyanti vuttim acaram gocaram viharam patipattim.
Marisati bhagavantam alapati. Sekkhananca sankhatadhammananca khinasavananca
patipattim maya pucchito pandita marisa mayham kathehiti  ayamettha
sankhepattho.
    Tunhi ahositi kasma yavatatiyam puttho tunhi ahosi, kim panhe kankhati,
udahu ajjhasayeti. Ajjhasaye kankhati, no panhe. Evam kirassa ahosi
"sattha mam sekkhasekkhanam agamaniyapatipadam kathapetukamo, sa ca khandhavasena
dhatuvasena ayatanavasena paccayakaravasenati bahuhi karanehi sakka kathetum,
katham kathento nu kho satthu ajjhasayam gahetva kathetum sakkhissami"ti. Atha sattha
cintesi "thapetva mam anno pattam adaya caranto savako nama pannaya
sariputtasamo natthi, ayampi maya panham puttho yavatatiyam tunhi eva, panhe
nu kho kankhati, udahu ajjhasaye"ti. Atha "ajjhasaye"ti natva panhakathanatthaya
nayam dadamano bhutamidanti sariputta passasiti aha.
    Tattha bhutanti jatam nibbattam, khandhapancakassetam namam. Iti sattha
"pancakkhandhavasena sariputta imam panham kathehi"ti therassa nayam deti. Saha
nayadanena pana therassa tire thitapurisassa vivato ekangano mahasamuddo viya
nayasatena nayasahassena panhabyakaranam upatthasi. Atha nam byakaronto
bhutamidanti bhantetiadimaha. Tattha bhutamidanti idam nibbattam khandhapancakam.
Sammappannaya passatiti 2- saha vipassanaya maggapannaya samma passati. Patipanno
@Footnote: 1 Ma. samannagatam tathagatam, cha.,i. samannagatatta   2 i. passato
Hotiti silato patthaya yava arahattamagga nibbidadinam atthaya patipanno hoti.
Tadaharasambhavanti idam kasma arabhi? etam khandhapancakam aharam paticca
Thitam, tasma tam aharasabhavam namam katva dassetum idam arabhi. Iti iminapi
pariyayena sekkhapatipada kathita hoti. Tadaharanirodhati tesam aharanam nirodhena.
Idam kasma arabhi? tam hi khandhapancakam aharanirodha nirujjhati, tasma tam
Aharanirodhasabhavam nama katva dassetum idam arabhi. Iti iminapi pariyayena
sekkhasseva patipada kathita. Nibbidatiadini sabbani karanavacananiti veditabbani.
Anupada vimuttoti catuhi upadanehi kanci dhammam agahetva vimutto. Sadhu
sadhuti imina therassa byakaranam sampahamsetva sayampi tatheva byakaronto puna
"bhutamidan"tiadimaha. Pathamam.



             The Pali Atthakatha in Roman Book 12 page 68-70. http://84000.org/tipitaka/atthapali/read_rm.php?B=12&A=1525&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=12&A=1525&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=16&i=98              เนื้อความพระไตรปิฎกฉบับหลวง :- http://84000.org/tipitaka/read/r.php?B=16&A=1179              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=16&A=1143              The Pali Tipitaka in Roman Character :- http://84000.org/tipitaka/read/roman_read.php?B=16&A=1143              Contents of The Tipitaka Volume 16 http://84000.org/tipitaka/read/?index_16

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]