AtthaPali Vol.11

7. Dukkarasuttavannana [17] Sattame duttitikkhanti dukkhamam duadhivasanam. ^1- Abyattenati balena. Samannanti samanadhammo. Imina devata idam dasseti:- yam pandita kulaputta dasapi vassani visatimpi ^2- satthimhi ^2- vassani dante abhidantamadayapi ^3- jivhaya talum ahaccapi cetasa cittam abhinigganhitvapi ekasanam ekabhattam patisevamana apanakotikam ^4- brahmacariyam caranta samannam karonti. Tam bhagava balo abyatto katum na sakkotiti. Bahu hi tattha sambadhati tasmim samannasankhate ariyamagge bahu sambadha maggadhigamaya patipannassa pubbabhage bahu parissayati dasseti. Cittam ce na nivarayeti yadi ayoniso uppannam cittam na nivareyya, kati ahani samannam careyya, ekadivasampi na careyya. Cittavasiko hi samanadhammam katum na sakkoti. Pade padeti arammane arammane. Arammanamhi idha padanti adhippetam. Yasmim yasmim hi arammane kileso uppajjati, tattha tattha balo visidati nama. Iriyapathapadampi vattati. Gamanadisu hi yattha yattha kileso uppajjati, tattha tattheva visidati nama. Sankappananti kamasankappadinam. Kummovati kacchapo viya. Anganiti givapancamani angani. Samodahanti samodahanto, samodahitva va. Manovitakketi manamhi uppannavitakke. Ettavata idam dasseti:- yatha kummo sondipancamani angani sake kapale samodahanto singalassa otaram na deti, samodahetvapissa ^5- appasayhatam apajjati, evameva bhikkhu manamhi uppannavitakke sake arammanakapale samodaham marassa otaram na deti, samodahetvapissa appasayhatam apajjatiti. Anissitoti tanhaditthinissayehi anissito hutva. Ahethamanoti ^6- avihimsamano. Parinibbutoti kilesaparinibbanena ^7- parinibbuto. Nupavadeyya kanciti annam kanci ^8- paggalam avacaravipattiadisu yaya @Footnote: ¹ cha.Ma. i. duadhivasiyam ² cha.Ma. visatipi satthipi @³ Si.,i. dantehi dantamadaya, cha.Ma.pisaddo na dissati @⁴ apanakotikanti panakotipariyosanam yavajivanti atthoti tika @⁵ cha.Ma., i. samodahitva cassa ⁶ cha.Ma., i ahethayano @⁷ cha.Ma. kilesanibbanena ⁸ cha.Ma. yam kinci Kayaci mankukattukamo ^1- hutva na vadeyaya, "kalena vakkhami no akalena"tiadayo pana panca dhamme ajjhattam upatthapetva ullumpanasabhavasanthitena cittena karunnatam paticca vadeyyati. Dukkarasuttavannana nitthita. -----------------

The Pali Atthakatha in Roman Book 11 page 36-37. http://84000.org/tipitaka/atthapali/read_rm.php?B=11&A=934&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=11&A=934&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=15&i=36 เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=209 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=183 The Pali Tipitaka in Roman Character :- http://84000.org/tipitaka/read/roman_read.php?B=15&A=183 Contents of The Tipitaka Volume 15 http://84000.org/tipitaka/read/?index_15