บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
5. Saṇamānasuttavaṇṇanā [15] Pañcame ṭhite majjhantiketi 4- ṭhitamajjhantike. Sannisinnesūti 5- yathāphāsukaṭṭhānaṃ upagantvā sannisinnesu visamamānesu. Ṭhitamajjhantikālo nāmesa sabbasattānaṃ iriyāpathadubbalyakālo. Idha pana pakkhīnaṃyeva vasena dassito. Saṇatevāti saṇati viya mahāviravaṃ viya muñcati. 6- Saṇamānameva cettha "saṇatevā"ti vuttaṃ. Tappaṭibhāgaṃ nāmetaṃ. Nidāghasamayasmiñhi ṭhitamajjhantikakāle catuppadagaṇesu ceva pakkhīgaṇesu ca sannisinnesu vātapūritānaṃ susirarukkhānañceva chiddaveḷupabbānañca 7- khandhena dhandhaṃ sākhāya sākhaṃ ghaṃsantānaṃ 8- pādapānañca araññamajjhe mahāsaddo uppajjati. Taṃ sandhāyetaṃ vuttaṃ. Taṃ bhayaṃ paṭibhāti manti taṃ evarūpe kāle mahāaraññassa saṇamānaṃ mayhaṃ bhayaṃ hutvā upaṭṭhāti. Dandhapaññā kiresā devatā tasmiṃ khaṇe attano nisajjaphāsukaṃ kathāphāsukaṃ dutiyakaṃ alabhantī evamāha. Yasmā pana tādise kāle piṇḍapātapaṭikkantassa vivitte araññāyatane kammaṭṭhānaṃ gahetvā nisinnassa bhikkhuno anappakaṃ sukhaṃ uppajjati, yaṃ sandhāya vuttaṃ:- "suññāgāraṃ paviṭṭhassa santacittassa bhikkhuno amānusī ratī hoti sammā dhammaṃ vipassato"ti 9- ca, @Footnote: 1 cha.Ma., i. pisaddo na dissati 2 cha.Ma. āsuṇamāno 3 cha.Ma. ovādapaṭikaro @4 cha.Ma. majjhanhike evamuparipi 5 cha.Ma. sannisīvesūti @6 cha.Ma. muccati, i. vuccati. 7 cha.Ma., i. chiddaveṇupabbānañca @8 cha.Ma. saṅghaṭṭayantānaṃ, i. ghaṭṭantānaṃ @9 khu. dhamMa. 25/373/82 sambahulabhikkhuvatthu--------------------------------------------------------------------------------------------- page35.
"purato pacchato vāpi aparo ce na vijjati atīva phāsu bhavati ekassa vasato vane"ti 1- ca. Tasmā bhagavā dutiyagāthamāha. Tattha sā rati paṭibhāti manti yā evarūpe kāle ekekassa 2- nisajjā nāma, sā rati mayhaṃ upaṭṭhātīti attho. Sesaṃ tādisamevāti. Saṇamānasuttavaṇṇanā niṭṭhitā. -------------------The Pali Atthakatha in Roman Book 11 page 34-35. http://84000.org/tipitaka/atthapali/read_rm.php?B=11&A=887&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=11&A=887&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=15&i=32 เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=192 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=169 The Pali Tipitaka in Roman Character :- http://84000.org/tipitaka/read/roman_read.php?B=15&A=169 Contents of The Tipitaka Volume 15 http://84000.org/tipitaka/read/?index_15
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]