Atthakatha Book 11 : PALI ROMAN
Saṃ.A. (sārattha.1)

                        6. Yajamānasuttavaṇṇanā
     [262] Chaṭṭhe yajamānānanti yajantānaṃ. Tadā kira aṅgamagadhavāsikā
manussā anusaṃvaccharaṃ sappimadhuphāṇitādīsu aggaṃ gahetvā ekasmiṃ ṭhāne dārūnaṃ
saṭṭhimatte sakaṭabhāre rāsiṃ katvā aggiṃ datvā pajjalitakāle "mahābrahmāno 5-
yajāmā"ti taṃ sabbaṃ pakkhipanti. "ekavāraṃ pakkhittaṃ satasahassaguṇaṃ phalaṃ 6- detī"ti
kira 7- nesaṃ laddhi. Sakko devarājā "sabbepime sabbaaggāni gahetvā
`mahābrahmāno yajāmā'ti aggimhi jhāpenti, aphalaṃ karonti, mayi passante mā
nassantu, yathā buddhassa ceva saṃghassa ca datvā bahuṃ puññaṃ pasavanta,
evaṃ karissāmī"ti dārurāsiṃ jalāpetvā olokentesu manussesu puṇṇamīdivase 8-
@Footnote: 1 cha.Ma., i. voropito       2 cha.Ma., i. vanacetiyāni      3 cha.Ma., i. cetyaṃ
@4 cha.Ma., i....vasena  5 cha.Ma., i. mahābrahmuno, evamuparipi  6 cha.Ma. sahassaguṇaphalaṃ
@7 cha.Ma., i. ayaṃ saddo na dissati      8 cha.Ma. puṇṇamadivase
---------------------------------------------------------------------------------------------
page334.
Brahmattabhāvaṃ māpetvā mahājanassa passantasseva candamaṇḍalaṃ bhinditvā
nikkhanto viya ahosi. Mahājano disvā "imaṃ yaññaṃ paṭiggahetuṃ mahābrahmā
āgacchatī"ti jaṇṇukehi bhūmiyaṃ patiṭṭhāya añjaliṃ paggayha namassamāno aṭṭhāsi.
Brāhmaṇā āhaṃsu "tumhe `mayaṃ takkena kathemā'ti maññatha, idāni passatha,
ayanno 1- brahmā sahatthā yaññaṃ paṭiggahetuṃ āgacchatī"ti. Sakko āgantvā
dārucitakamatthake ākāse ṭhatvā "kassāyaṃ sakkāro"ti pucchi. Tumhākaṃ bhante,
paṭiggaṇhatha no yaññanti. Tenahi āgacchatha, mā tulaṃ 2- chaḍḍetvā hatthena
tulayittha, ayaṃ satthā dhuravihāre vasati, taṃ pucchissāma "kassa dinnaṃ mahapphalaṃ
hotī"ti ubhayaraṭṭhavāsino gahetvā satthu santikaṃ gantvā pucchanto evamāha.
     Tattha puññapekkhānanti puññaṃ icchantānaṃ puññatthikānaṃ. Opadhikaṃ
puññanti upadhivipākaṃ puññaṃ. Saṃghe dinnaṃ mahapphalanti ariyasaṃghe dinnaṃ
vipphāravantaṃ hoti. Desanāvasāne caturāsītipāṇasahassāni amatapānaṃ piviṃsu. Tato
paṭṭhāya manussā sabbāni aggadānāni bhikkhusaṃghassa adaṃsu. Chaṭṭhaṃ.


             The Pali Atthakatha in Roman Book 11 page 333-334.
http://84000.org/tipitaka/atthapali/read_rm.php?B=11&A=8605&pagebreak=1
             อรรถกถาบาลีอักษรไทย :-
http://84000.org/tipitaka/atthapali/read_th.php?B=11&A=8605&pagebreak=1
             อ่านอรรถกถาแปลไทย :-
http://84000.org/tipitaka/attha/attha.php?b=15&i=922
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=15&A=7511
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=15&A=6697
             The Pali Tipitaka in Roman Character :-
http://84000.org/tipitaka/read/roman_read.php?B=15&A=6697
             Contents of The Tipitaka Volume 15
http://84000.org/tipitaka/read/?index_15