AtthaPali Vol.11

5. Sanusuttavannana [239] Pancame yakkhena gahito hotiti so kira tassa upasikaya ekaputtako. Atha nam sa daharakaleyeva pabbajesi. So pabbajitakalato patthaya silava ahosi vattasampanno, acariyupajjhayagantukadinam vattam katameva hoti, masassa atthamidivase pato vutthaya udakamalake udakam upatthapetva @Footnote: ¹ cha.Ma. supinantepi ² cha.Ma. saccani ³ i. sotakandupilakasuciyo Dhammassavanaggam sammajjitva dipam jaletva madhurassarena dhammassavanam ghoseti. Bhikkhu tassa thamam natva "sarabhanam ^1- bhana samanera"ti ajjhesanti. So "mayham dahayam vato rujati, kaso va badhati"ti kinci paccaharam akatva dhammasanam abhiruhitva akasagangam otarento viya sarabhanam ^1- vatva otaranto "mayham matapitunampi imasmim sarabhanne patti"ti vadati. Tassa manussa matapitaro pattiya dinnabhavam na jananti. Anantarattabhave panassa mata yakkhini jata, sa devatahi saddhim agata dhammam sutva "samanerena dinnapattim anumodami tata"ti vadati. Silasampanna ca nama bhikkhu sadevakassa lokassa piya hontiti tasmim samanere devata salajja sagarava mahabrahmam viya aggikkhandham viya ca nam mannanti. Samanere garavena tam yakkhinim garum katva passanti. Dhammassavanayakkhasamagamadisu "sanumata"ti ^2- yakkhiniya aggasanam aggodakam aggapindam denti. Mahesakkhapi yakkha tam disva magga okkamanti, asana vutthahanti. Athakho samanero vuddhimanvaya paripakkindriyo anabhiratipilito anabhiratim vinodetum asakkonto parulhakesanakho atikilitthanivasanaparupano kassaci anarocetva pattacivaramadaya ekakova matu gharadvaram ^3- gato. Upasika puttam disva vanditva aha "tata tvam pubbe acariyupajjhayehi va daharasamanerehi va saddhim idhagacchasi, kasma ekakova ajja agato"ti. So ukkanthitabhavam arocesi. Saddha upasika nanappakarena gharavase adinavam dassetva puttam ovadamanapi tam sannapetum asakkonti "appevanama attano dhammatayapi sallakkhessati"ti anuyojetvava "tittha tata, yava te yagubhattam sampademi, yagum pivitva katabhattakiccassa te manapani vatthani niharitva dassami"ti vatva asanam pannapetva adasi. Nisidi samanero. Upasika muhutteneva yagukhajjakam sampadetva adasi. Tato "bhattam sampadessami"ti avidure nisinna tandule dhovati. Tasmim samaye sa yakkhini "kaham nu kho samanero kanci aharam ^4- labhati, @Footnote: ¹ ka. padabhanam ² cha.Ma. sanumata sanumatati ³ cha.Ma. matu gharam @⁴ cha.Ma., i. bhikkhaharam Udahu no"ti avajjamana tassa vibbhamitukamataya nisinnabhavam natva "ma heva kho me devatanam antare lajjam uppadeyya, gacchamissa vibbhamane antarayam karomi"ti agantva sarire adhimuccitva givam parivattetva bhumiyam patesi. So akkhihi parivattehi ^1- khelena paggharantena bhumiyam vipphandati. Tena vuttam "yakkhena gahito hoti"ti. Abhasiti upasika puttassa tam vippakaram disva vegenagantva ^2- puttam alingitva ^3- urusu nipajjapesi. Sakalagamavasino agantva balikammadini karonti. Upasika paridevamana ima gathayo abhasi. Patihariyapakkhancati manussa "atthamiuposathassa paccuggamananca anuggamananca karissama"ti sattaminavamiyapi ^4- uposathangani samadiyanti, catuddasipannarasinam ^5- paccuggamananuggamanam karonta terasiyapi patipadepi samadiyanti, "vassavasassa anuggamanam karissama"ti dvinnam pavarananam antare addhamasam nibaddhuposathika bhavanti. Idam sandhaya vuttam "patihariyapakkhanca"ti. Atthangasusamagatanti atthahangehi sutthu samagatam, sampayuttanti attho. Brahmacariyanti setthacariyam. Na tehi yakkha kilantiti na te gahetva yakkha kilanti. ^6- Puna catuddasinti imaya gathaya samanerassa kaye adhimutta yakkhini aha. Avi va yadi va rahoti kassaci sammukhe va parammukhe va. Pamutyatthiti pamutti atthi. Uppaccapiti uppatitvapi. Sacepi sakuno viya uppatitva palayasi, tathapi te mokkho natthiti vadati. Evanca pana vatva samaneram munci. Samanero akkhini ummilesi, mata kese pakiriya assasanti passasanti rodati. So "amanussena gahitomhi"ti na janati. Olokento pana "aham pubbe pithe nisinno, mata me avidure nisiditva tandule dhovati, idani panamhi bhumiyam nisinno, matapi me assasanti passasanti rodati, sakalanagaravasinopi sannipatita, kim nu kho etan"ti nipannakova matam va ammati gathamaha. @Footnote: ¹ cha.Ma., i.viparivattehi ² cha.Ma., i. vegena gantva ³ cha.Ma. alingetva @⁴ cha.Ma., i. sattamiyapi navamiyapi ⁵ i. catuddasapannarasinam @⁶ cha.Ma. kilamenti,i.kilamenti Kame cajitvanati duvidhepi kame pahaya. Punaragacchateti vibbhamanavasena agacchati. Puna jivam mato hi soti uppabbajitva puna jivantopi so matakova, tasma tampi rodantiti vadati. Idanissa gharavase adinavam dassenti kukkulatiadimaha. Tattha kukkulati gharavaso kira unhatthena kukkula nama hoti. Kassa ujjhapayamaseti "abhidhavatha, bhaddante hotu"ti evam vatva "yam tvam vibbhamitukamo yakkhena papito, imam vippakaram kassa mayam ujjhapayama nijjhapayama arocayama"ti vadati. Puna dayhitumicchasiti adittagharato nibbhatam bhandam ^1- viya ghara niharitva buddhasasane pabbajitva ^2- puna mahadahasadise gharavase dayhitum icchasiti attho. So matari kathentiya sallakkhetva hirottappam patilabhitva "natthi mayham gihibhavena attho"ti aha. Athassa mata "sadhu tata"ti tuttha panitabhojanam bhojetva "kativassosi tata"ti pucchi. Paripunnavassomhi upasiketi. "tenahi tata upasampadam karohi"ti civarasatake adasi. So ticivaram karetva upasampanno buddhavacanam ugganhanto tipitako ^3- hutva siladini agatatthane tam tam purento nacirasseva arahattam patva mahadhammakathiko hutva visavassasatam thatva sakalajambudipam khobhetva parinibbayi. Pancamam.

The Pali Atthakatha in Roman Book 11 page 289-292. http://84000.org/tipitaka/atthapali/read_rm.php?B=11&A=7472&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=11&A=7472&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=15&i=814 เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=6707 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=5990 The Pali Tipitaka in Roman Character :- http://84000.org/tipitaka/read/roman_read.php?B=15&A=5990 Contents of The Tipitaka Volume 15 http://84000.org/tipitaka/read/?index_15