AtthaPali Vol.11

3. Sucilomasuttavannana [237] Tatiye gayayanti gayagame, gayaya avidure nivitthagamam upanissayati attho. Tankitamanceti dighamance padamajjhe vijjhitva ataniyo pavesetva katamance. Tassa "idam upari, idam hettha"ti natthi, parivattetva atthatopi tadisova hoti, tam devatthane thapenti. Catunnam pasananam upari pasanam attharitva katageham ^5- "tankitamanco"ti vuccati. Sucilomassati kathinasucisadisalomassa. So kira kassapassa bhagavato sasane pabbajitva duratthanato agato sedamalaggahitena gattena supannattam samghikamancam anadarena apaccattharitva nipajji, tassa parisuddhasilassa tam kammam suddhavatthe kalakam viya ahosi. So tasmim attabhave visesam nibbattetum asakkonto kalam katva gayagamadvare sankaratthane yakkho hutva nibbatti nibbattamattasseva cassa sakalasariram kathinasucihi gavaccitam ^6- viya jatam. Athekadivasam bhagava paccusasamaye lokam volokento tam yakkham pathamavajjanasseva ^7- apatham agatam disva "ayam ekam buddhantaram mahadukkham anubhavi, kinnu khvassa mam agamma sotthikaranam bhaveyya"ti avajjento pathamamaggassa @Footnote: ¹ cha.Ma., i. matuya tirokucchigato ² cha., i. so ³ cha.Ma. marapakkhikayakkho @⁴ cha.Ma. vippamuttassa ⁵ cha.Ma. katagehampi @⁶ Si., i. avijjhitam, cha.Ma. gavicchivijjhitam ⁷ Ma. pathamavajjantasseva Upanissayam addasa. Athassa sangaham katukamo rattadupatam ^1- nivasetva sugatamahacivaram parupitva devavimanakappagandhakutim ^2- pahaya hatthigavassamanussakukkuradi- kunapaduggandham sankaratthanam gantva tattha mahagandhakutiyam viya nisidi. Tam sandhaya vuttam "sucilomassa yakkhassa bhavane"ti. Kharoti sumsumarapitthi viya chadanitthakahi visamacchadanapitthi viya ca kharasariro. So kira kassapasammasambuddhakale silasampanno upasako ekadivasam ^3- vihare cittattharanadihi atthataya bhumiya samghike attharane attano uttarasangam apaccattharitva nipajji. Samghikatelam abhajetva attano hatthehi sariram makkhesiti ^4- vadanti. So tena kammena sagge nibbattitum asakkonto tasseva gamadvare sankarayakkho ^5- hutva nibbatti. Nibbattassa cevassa ^6- sakalasariram vuttappakaram ahosi. Te ubhopi sahaya jata. Iti kharassa kharabhavo veditabbo. Avidure atikkamantiti gocaram pariyesanta samagamatthanam va gacchanta asanne thane gacchanti. Tesu sucilomo sattharam na passati, kharalomo pathamataram disva sucilomam yakkham etadavoca "esa samano"ti, samma esa tava bhavanam pavisitva nisinno eko samanoti. Neso samano, samanako esoti so kira yo mam passitva bhito palayati, tam samanakoti vadati. Yo na bhayati, tam samanoti. Tasma "ayam mam disva bhito palayissati"ti mannamano evamaha. Kayam upanamesiti bheravarupam nimminitva mahamukham vivaritva sakalasarire lomani utthapetva kayam upanamesi. Apanamesiti ratanasatikam suvannagghaniyam ^7- viya thokam apanamesi. Papakoti lamako amanunno. So gutham viya aggi viya kanhasappo viya ca parivajjetabbo, na imina suvannavannena sarirena sampaticchitabbo. Evam vutte pana sucilomo "papako kira me samphasso"ti kuddho panham tam samanatiadimaha. Cittam va te khipissamiti yesanhi amanussa cittam @Footnote: ¹ cha.Ma. surattadupattam ² cha.Ma. devavimanakappam gandhakutim ³ cha.Ma. ekadivase @⁴ cha.Ma. makkhesitipi ⁵ cha.Ma. sankaratthane yakkho @⁶ cha.Ma. nibbattamattassa calsa, i. nibbattamattasseva cassa @⁷ Si. suvannagghikam, cha.Ma. suvannagghanikam Khipitukama honti, tesam setamukham nilodaram surattahatthapadam mahasisam pajjalitanettam bheravam va attabhavam nimminitva dassenti, bheravam saddam saventi, ^1- kathentanamyeva va mukhe hattham pakkhipitva hadayam maddanti, tena te satta ummattaka honti khittacitta. Tam sandhayevamaha. Paragangayati dvisu padesu gahetva tam avijjhitva ^2- yatha na punagacchasi, evam param va te ^3- gangaya khipissamiti vadati. Sadevaketiadi vuttatthameva. Puccha yadakankhasiti yankinci akankhasi, tam sabbam puccha, asesam te byakarissamiti sabbannupavaranam pavareti. Kutonidanati kimnidana, kimpaccayati attho. Kumaraka dhankamivossajjantiti yatha kumaraka kakam gahetva ossajjanti khipanti, evam papavitakka kuto samutthaya cittam ossajjantiti pucchati. Itonidanati ayam attabhavo nidanam etesanti itonidana. Itojati ito attabhavato jata. Ito samutthaya manovitakkati yatha dighasuttakena pade bandham kakam kumaraka tassa suttakapariyantam anguliyam vethetva ossajjanti, so duram gantvapi puna tesam padamuleyeva patati, evameva ito attabhavato samutthaya papavitakka cittam ossajjanti. Snehajati tanhasinehato jata. Attasambhutati attani sambhuta. Nigrodhasseva khandhajati nigrodhakhandhajata paroha viya. Puthuti bahu anekappakara papavitakka tamsampayuttakilesa ca. Visattati satta ^4- lagga laggita. Kamesuti vatthukamesu. Maluvava vitata vaneti yatha vane maluva lata yam rukkham nissaya jayati, tam mulato yava agga, aggato yava mula punappunam samsibbitva ajjhottharitva otthata vitthata ^5- titthati. Evam vatthukamesu puthu kilesakama visatta, puthu va satta tehi kilesakamehi vatthukamesu visatta. Ye nam pajanantiti ye ca ^6- "attasambhuta"ti ettha vuttaattabhavam jananti. @Footnote: ¹ ka. vadenti ² cha.Ma. avinchetva, i. avijajhitva ³ cha.Ma. ayam patho na dissati @⁴ cha.Ma. ayam patho na dissati ⁵ cha.Ma. otatavitata ⁶ Si., i. ye nam Yatonidananti yam nidanamassa attabhavassa, tanca jananti. Te nam vinodentiti te evam attabhavasankhatassa dukkhasaccassa nidanabhutam samudayasaccam maggasaccena vinodenti niharanti. Te duttaranti te samudayasaccam niharanta idam duttaram kilesogham taranti. Atinnapubbanti anamatagge samsare supinantenapi ^1- na tinnapubbam. Apunabbhavayati apunabbhavasankhatassa nirodhasaccatthaya. Iti imaya gathaya cattari ariyasaccani ^2- pakasento arahattanikutena desanam nitthapesi. Desanavasane sucilomo tasmimyeva padese thito desananusarena nanam pesetva sotapattiphale patitthito. Sotapanna ca nama na kilitthattabhave titthantiti saha phalapatilabhenassa sarire petakandupilakasuciyo ^3- sabba patita. So dibbavatthanivattho dibbavaradukuluttarasango dibbavethanavethito dibbabharanagandhamaladharo suvannavanno hutva bhummadevatapariharam patilabhiti. Tatiyam.

The Pali Atthakatha in Roman Book 11 page 286-289. http://84000.org/tipitaka/atthapali/read_rm.php?B=11&A=7384&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=11&A=7384&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=15&i=807 เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=6655 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=5945 The Pali Tipitaka in Roman Character :- http://84000.org/tipitaka/read/roman_read.php?B=15&A=5945 Contents of The Tipitaka Volume 15 http://84000.org/tipitaka/read/?index_15