บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
14. *- padumapupphasuttavannana [234] Cuddasame ajjhabhasiti tam bhikkhum nale gahetva padumam singhamanam 1- disvava "ayam bhikkhu satthu santike kammatthanam gahetva samanadhammam katum arannam pavittho gandharammanam upanijjhayati, svayam ajja upasinghitva 2- svepi punadivasepi upasinghissati, evamassa sa gandhatanha vaddhitva ditthadhammika- samparayikam attham nasessati, ma mayi passantiya nassatu, codessami nan"ti upasankamitva abhasi. Ekangametam theyyananti thenitabbanam ruparammanadinam pancannam kotthasanam idam ekam angam, ekakotthasoti attho. Na haramiti na gahetva gacchami. Arati dure, nale gahetva nametva dure thito upasinghamiti vadati. Vannenati karanena. Yvayanti yo ayam. Tasmim kira devataya saddhim kathenteyeva eko tapaso otaritva bhisakhananadini katum araddho, tam sandhayevamaha. Akinnakammantoti evam aparisuddhakammanto. Akhinakammantotipi patho, kakkhalakammantoti attho. Na vuccatiti gandhacoroti va pupphacoroti va kasma na vuccati. @Footnote: 1 Si.,i. ghayamanam 2 cha.,i. upasingham, Ma.upasinghi *cha.Ma. gandhatthena... Akinnaluddoti bahupapo galhapapo va, tasma na vuccati 1- dhaticelamva makkhitoti yatha dhatiya nivatthakilitthavattham uccarapassavapamsumasikaddamadihi makkhitam, evameva ragadosadihi makkhito. Arahami vattaveti arahami vattum. Devataya codana kira sugatanusitthisadisa, na tam lamaka hinadhimuttika micchapatipannakapuggala labhanti. Tasmim pana attabhave maggaphalanam bhabbarupa puggala tam labhanti. Tasma evamaha. Sucigavesinoti sucini silasamadhinanani gavesantassa. Abbhamattamvati valahakakutamattam viya. Janasiti suddo ayanti janasi. Vajjasiti vadeyyasi. Neva tam upajivamiti 2- devata kira cintesi "ayam bhikkhu atthi me hitakama devata, sa mam codessati saressatiti pamadampi anuyunjeyya, nassa nassa vacanam sampaticchissami"ti. Tasma evamaha. Tvamevati tvamyeva. Janeyyati janeyyasi. Yenati yena kammena sugatim gaccheyyasi, tam kammam tvamyeva janeyyasiti. Cuddasamam. Iti vanasamyuttavannana nitthita. -------------- @Footnote: 1 i. kasma na vuccati 2 cha.Ma. upajivamatiThe Pali Atthakatha in Roman Book 11 page 282-283. http://84000.org/tipitaka/atthapali/read_rm.php?B=11&A=7294&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=11&A=7294&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=15&i=795 เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=6591 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=5887 The Pali Tipitaka in Roman Character :- http://84000.org/tipitaka/read/roman_read.php?B=15&A=5887 Contents of The Tipitaka Volume 15 http://84000.org/tipitaka/read/?index_15
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]