AtthaPali Vol.11

4. Sambahulasuttavannana [224] Catutthe sambahulati bahu suttantika abhidhammika vinayadhara ca. Viharantiti satthu santike kammatthanam gahetva viharanti. Pakkamimsuti te kira tasmim janapade annataram gamam upasankamante disvava manussa pasannacitta asanasalaya kojavattharanadini ^1- pannapetva yagukhajjakam ^2- datva upanisidimsu. Mahathero ekam dhammakathikam "dhammam kathehi"ti aha. So cittadhammakatham kathesi. Manussa pasiditva bhojanavelaya panitabhojanam adamsu. Mahathero manunnam bhattanumodanam akasi. Manussa bhiyyoso mattaya pasanna "idheva bhante temasam vasatha"ti patinnam karetva gamanagamanasampanne thane senasanani karetva catuhi paccayehi upatthahimsu. Mahathero vassupanayikadivase bhikkhu ovadi "avuso tumhehi garukassa satthu santike kammatthanam gahitam, buddhapatubhavo nama dullabho masassa attha divase dhammassavanam katva ganasanganikam pahaya appamatta viharatha"ti. Te tato @Footnote: ¹ i. kojavattharanadini ² cha.Ma. yagukhajjakani, i. yagukhajjakadini Patthaya yunjanti ghatenti. Kadaci sabbarattikam ^1- dhammassavanam karonti, kadaci panham vissajjenti, kadaci padhanam karonti. Tesam dhammassavanadivase dhammam kathentanamyeva arunam ^2- uggacchati. Panhavissajjanadivase byatto bhikkhu panham pucchati, pandito vissajjetiti pucchanavissajjanam karontanamyeva. Padhanadivase suriyatthangamane gandim paharitvava cankamam otaritva padhanam karontanamyeva. Te evam vassam vasitva pavaretva pakkamimsu. Tam sandhayetam vuttam. Paridevamanati "idani tatharupam madhuram dhammassavanapanhakathanam ^3- kuto labhissami"tiadini vatva rodamana. Khayatiti pannayati upatthati. Kometi kaham ime. Vajjibhumiyati vajjiratthabhimukhagata. ^4- Maga ^5- viyati yatha maga tasmim pabbatapade va vanasande va vicaranta "idam amhakam matusantakam pitusantakam paveniagatan"ti agahetva yattheva nesam gocaraphasuta ca hoti paripanthabhavo ca, tattha viharanti. Evam aniketa ageha bhikkhavopi "ayam avuso amhakam acariyupajjhayanam santako paveniagato"ti agahetva yattheva nesam utusappayam bhojanasappayam senasanasappayam puggalasappayam ^6- dhammassavanasappayam ca sulabham hoti, tattha viharanti. Catuttham.

The Pali Atthakatha in Roman Book 11 page 275-276. http://84000.org/tipitaka/atthapali/read_rm.php?B=11&A=7120&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=11&A=7120&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=15&i=768 เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=6443 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=5729 The Pali Tipitaka in Roman Character :- http://84000.org/tipitaka/read/roman_read.php?B=15&A=5729 Contents of The Tipitaka Volume 15 http://84000.org/tipitaka/read/?index_15