AtthaPali Vol.11

10. Arannasuttavannana [10] Dasame santananti santakilesanam, panditanam va. "santo have sabbhi pavedayanti, ^1- dure santo pakasenti"tiadisu ^2- hi panditapi santoti vutta. Brahmacarinanti setthacarinam maggabrahmacariyavasam vasantanam. Kena vanno pasidatiti kena karanena chavivanno pasidatiti pucchati. Kasma panesa evam pucchati? esa kira vanasandavasika bhummadevata arannike bhikkhu pacchabhattam pindapatapatikkante arannam pavisitva rattitthanadivatthanesu lakkhanakammatthanam ^3- gahetva nisinne passati. Tesanca evam nisinnanam balavacittekaggata uppajjati. Tato visabhagasantati vupasammati, sabhagasantati okkamati, cittam pasidati. Citte pasanne lohitam pasidati, cittasamutthanani upadarupani parisuddhani honti, vanta pamuttatalaphalassa viya mukhassa vanno hoti. Tam disva devata cintesi "sariravanno namayam panitani rasasampannani bhojanani sukhasamphassani nivasana- papuranasayanani utusukhe tebhumikadibhede ca pasade malagandhavilepanadini ca labhantanam pasidati, ime pana bhikkhu pindaya caritva missakabhattam bhunjanti, vidalamancake ^4- va phalake va silaya va sayanani kappenti, rukkhamuladisu va abbhokase va vasanti, kena nu kho karanena etesam vanno pasidati"ti. Tasma pucchi. Athassa bhagava karanam kathento dutiyam gathamaha. Tattha atitanti atite asuko nama raja dhammiko ahosi, so amhakam panite panite paccaye adasi. Acariyupajjhaya labhino ahesum. Atha mayam evarupani bhojanani bhunjimha, @Footnote: ¹ khu. ja. asiti. 28/363/143 mahasuttasomajataka @² khu. dhamMa. 25/304/69 culasubhaddavatthu ³ cha.Ma., i. mulakammatthanam @⁴ Ma. biralamancake, Si. bidalamancake, cha.Ma. viralamancake Civarani parupimhati evam ekacce paccayabahullika viya ime bhikkhu atitam nanusocanti. Nappajappanti nagatanti anagate dhammiko raja bhavissati, phita janapada bhavissanti, bahuni sappinavanitadini uppajjissanti, "khadatha bhunjatha"ti tattha tattha vattaro bhavissanti, tada mayam evarupani bhojanani bhunjissama, civarani parupissamati evam anagatam na patthenti. Paccuppannenati yena kenaci tamkhane laddhena yapenti. Tenati tena tividhenapi karanena. Evam vannasampattim dassetva idani tasseva vannassa vinasam dassento anantaragathamaha. Tattha anagatappajappayati anagatassa patthanaya. Etenati etena karanadvayena. Nalova harito lutoti yatha harito nalo layitva unhapasane pakkhito sussati, evam sussantiti. Arannasuttavannana nitthita. Nalavaggo pathamo. -------------

The Pali Atthakatha in Roman Book 11 page 27-28. http://84000.org/tipitaka/atthapali/read_rm.php?B=11&A=698&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=11&A=698&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=15&i=21 เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=121 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=107 The Pali Tipitaka in Roman Character :- http://84000.org/tipitaka/read/roman_read.php?B=15&A=107 Contents of The Tipitaka Volume 15 http://84000.org/tipitaka/read/?index_15