บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
7. Pavaranasuttavannana [215] Sattame tadahuti tasmim ahu, tasmim divaseti attho. Upavasanti etthati uposatho. Upavasantiti ca silena va anasanena va upeta hutva vasantiti attho. So panesa uposathadivaso atthamicatuddasipannarasibhedena tividho, tasma sesadvayanivaranattham pannaraseti vuttam. Pavaranayati vassam vutthapavaranaya. Visuddhipavaranatipi etissava namam. Nisinno hotiti sayanhasamaye sampattaparisaya kalayuttam dhammam desetva udakakotthake gattani parisincitva nivatthanivasano ekamsam sugatamahacivaram katva majjhimatthambham nissaya pannatte pavarabuddhasane 2- purimadisayam utthahato candamandalassa sirim siriya abhibhavamano nisinno hoti. Tunhibhutanti 3- yato yato anuviloketi, tato tato tunhibhutameva. Tattha hi ekabhikkhussapi hatthakukkuccam va padakukkuccam va natthi, sabbe nirava santena iriyapathena nisidimsu. Anuviloketvati dissamanapancappasadehi nettehi anuviloketva. Handati vossaggatthe nipato. Na ca me kinci garahathati ettha na ca pucchanatthe nakaro. Kim me kinci garahatha, yadi garatha, vadetha, kinciti icchapemi 4- vo vattunti attho. Kayikam va vacasikam vati imina kayavacidvaraneva pavareti, na manodvaram, kasma? apakatatta. Kayavacidvaresu hi doso pakato hoti, na manodvare. Ekamance sayatopi hi "kim cintesi"ti pucchitva cittavaram 5- janati, iti manodvaram apakatatta na pavareti, no @Footnote: 1 cha. Ma., i. teti patho na dissati @2 cha. Ma. pannatte varabuddhasane, i. pannattavarabuddhasane @3 cha. Ma. tunhibhutam tunhibhutanti 4 Ma. icchami 5 cha.Ma., i.cittacaram Aparisuddhatta. Bodhisattabhutassapi hi tassa bhuridattachaddantasankhapaladhammapaladikale manodvaram parisuddham, idanettha vattabbameva natthi. Etadavocati dhammasenapatitthane thitatta bhikkhusamghassa bharam vahanto etam avoca. Na kho mayam bhanteti bhante mayam bhagavato na kinci garahama. Kayikam va vacasikam vati idam catunnam arakkhiyatam sandhaya thero aha. Bhagavato hi cattari arakkhiyani. Yathaha:- "cattarimani bhikkhave tathagatassa arakkhiyani. 1- Katamani cattari parisuddhakayasamacaro bhikkhave tathagato, natthi tathagatassa kayaduccaritam, yam tathagato rakkheyya `ma me idam paro annasi'ti. Parisuddhavacisamacaro bhikkhave tathagato, natthi tathagatassa vaciduccaritam, yam tathagato rakkheyya `ma me idam paro annasi'ti. Parisudadhamanosamacaro bhikkhave tathagato, natthi tathagatassa manoduccaritam, yam tathagato rakkheyya `ma me idam paro annasi'ti parisuddhajivo bhikkhave tathagato, natthi tathagatassa micchajivo, yam tathagato rakkheyya `ma me idam paro annasi'ti". 2- Idani bhagavato yathabhutagune kathento bhagava hi bhantetiadimaha. Tattha anuppannassati kassapasammasambuddhato patthaya annena samanena va brahmanena va anuppaditapubbassa. Asanjatassati idam anuppannavevacanameva. Anakkhatassati annena adesitassa. Paccha samannagatati pathamam gatassa 3- bhagavato paccha samanuagata. Iti thero yasma sabbepi bhagavato siladayo guna arahattamaggameva nissaya agata, tasma arahattamaggameva nissaya gunam kathesi. Tena sabbaguna kathitava hontiti. 4- Ahanca kho bhanteti idam thero sadevake loke aggapuggalassa attano ceva samghassa ca kayikavacasikam pavarento aha. Pitara pavattitanti cakkavattimhi kalakate 5- va pabbajite va sattahaccayena cakkam antaradhayati, tato dasavidham dvadasavidham cakkavattivattam puretva @Footnote: 1 pali. arakkheyyani 2 an. sattaka. 23/55/84 abyakatavagga (sya) @3 cha.Ma., i. pathamagatassa 4 cha.Ma., i. honti 5 cha.Ma. kalankate Nisinnassa puttassa annam patubhavati, tam so pavatteti. Ratanamayatta pana sadisatthena 1- tadeva vattam katva "pitara pavattitan"ti vuttam. Yasma va so "appossukko tvameva 2- hohi, ahamanusasissami"ti aha, tasma pitara pavattitam anacakkam anupavatteti nama. Sammadeva anupattesiti samma nayena hetuna karaneneva anupavattesi. Bhagava hi catusaccadhammam katheti, thero tameva anukatheti, tasma evamaha. Ubhatobhagavimuttati dvihi bhagehi vimutta, arupavacarasamapattiya rupakayato vimutta, aggamaggena namakayatoti. Pannavimuttati pannaya vimutta tevijjadibhavam appatta khinasava. Visuddhiyati visuddhatthaya. Sannojanabandhanacchidati sannojanasankhate ceva bandhanasankhate ca kilese chinditva thita. Vijitasangamanti vijitaragadosamohasangamam. Marabalassa vijitattapi vijitasangamam. Satthavahanti atthangikamaggarathe aropetva veneyyasattham vaheti samsaram 3- uttaretiti bhagava satthavaho, tam satthavaham. Palapoti antotuccho dussilo. Adiccabandhunanti adiccabandhum sattharam dasabalam vandamiti vadati. Sattamam.The Pali Atthakatha in Roman Book 11 page 262-264. http://84000.org/tipitaka/atthapali/read_rm.php?B=11&A=6788&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=11&A=6788&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=15&i=744 เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=6170 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=5478 The Pali Tipitaka in Roman Character :- http://84000.org/tipitaka/read/roman_read.php?B=15&A=5478 Contents of The Tipitaka Volume 15 http://84000.org/tipitaka/read/?index_15
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]