ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 11 : PALI ROMAN Sam.A. (sarattha.1)

                       5. Parinibbanasuttavannana
        [186] Pancame upavattane mallanam salavaneti yatheva hi kadambanaditirato
rajamatuviharadvarena thuparamam gantabbam hoti, evam hirannavatikaya nama
nadiya parimatirato salavanam uyyanam. Yatha anuradhapurassa thuparamo, evantam
kusinaraya hoti. Yatha thuparamato dakkhinadvarena nagaram pavisanamaggo pacinamukho
gantva uttarena nivattati, evam uyyanato salapanti pacinamukha gantva
uttarena nivatta. Tasma tam "upavattanan"ti vuccati. Tasmim upavattane mallanam
salavane. Antarena yamakasalananti mulakhandhavitapapattehi annamannam samsibbitva
thitasalanam antarikaya. Appamadena sampadethati satiavippavasena sabbakiccani 4-
sampadayatha. Iti bhagava yatha nama maranamance nipanno mahaddhano kutumbiko
puttanam dhanasaram acikkheyya, evameva parinibbanamance nipanno
pancacattalisavassani dinnam ovadam sabbam ekasmim appamadapadeyeva pakkhipitva
adasi. 5- Ayam tathagatassa pacchima vacati idam pana sangitikaranam vacanam.
@Footnote: 1 cha.Ma. arambhathati    2 cha.Ma., i. obhasam         3 cha.Ma., i. dassesi
@4 cha.Ma. kattabbakiccani          5 cha.Ma. abhasi
     Ito param yam parinibbanaparikammam katva bhagava parinibbuto, tam dassetum
athakho  bhagava pathamajjhanantiadi vuttam. Tattha sannavedayitanirodhasamapanne
bhagavati assasapassasanam    appavattim disva "parinibbuto sattha"ti sannaya
devamanussa ekappaharena viravimsu, anandattheropi "parinibbuto nu kho bhante
anuruddha bhagava"ti theram pucchi. Thero "na kho avuso ananda tathagato
parinibbuto, apica sannavedayitanirodham samapanno"ti aha. Katham paneso 1-
annasi? thero kira satthara saddhimyeva tam tam samapattim samapajjanto yava
nevasannanasannayatanavutthanam, tava gantva "idani bhagava nirodham samapanno
antonirodhe ca kalakiriya nama natthi"ti annasi.
         Athakho bhagava sannavedayitanirodhasamapattiya 2- vutthahitva
nevasannanasannayatanam samapajji .pe. Tatiyajjhana vutthahitva catutthajjhanam
samapajjiti ettha pana bhagava catuvisatiya thanesu pathamajjhanam samapajji,
terasasu thanesu dutiyajjhanam, tatha tatiyam, pannarasasu thanesu catutthajjhanam
samapajji. Katham? dasasu asubhesu dvattimsakare atthasu kasinesu mettakaruna-
muditasu anapane paricchedakaseti imesu tava catuvisatiya thanesu pathamajjhanam
samapajji. Thapetva pana dvattimsakaram ca dasa ca asubhani sesesu terasasu
dutiyajjhanangesuyeva. 3- Tesuyeva tatiyajjhanam samapajji. Atthasu pana kasinesu
upekkhabrahmavihare anapane paricchedakase catusu arupesuti imesu pannarasasu
thanesu catutthajjhanam samapajji. Ayampi ca sankhepakathava. Nibbanapuram pavisanto
pana bhagava dhammasami sabbapi catuvisatikotisatasahassasankhata 4- samapattiyo
pavisitva videsam gacchanto  natijanam alingitva 5- viya sabbasamapattisukham
anubhavitvava pavittho.
        Catutthajjhana vutthahitva samanantaram bhagava parinibbayiti ettha
jhanasamanantaram paccavekkhanasamanantaranti dve samanantarani. Catutthajjhana vutthaya
@Footnote: 1 cha.Ma. pana so           2 cha.Ma., i....samapattito     3 cha.Ma. dutiyam jhanam
@4 cha.Ma....sahassasankha       5 cha.Ma. alingetva
Bhavangam otinnassa tattheva parinibbanam jhanasamanantaram nama, catutthajjhana
vutthahitva puna jhanangani paccavekkhitva bhavangam otinnassa tattheva parinibbanam
paccavekkhanasamanantaram nama, imani dvepi samanantaraneva. Bhagava pana jhanam
samapajjitva jhana vutthaya jhanangani paccavekkhitva bhavangacittena abyakatena
dukkhasaccena parinibbayi. Ye keci 1- buddha va paccekabuddha va ariyasavaka va
antamaso kunthakipillikam upadaya sabbe bhavangacitteneva abyakatena dukkhasaccena
kalam karonti.
          Bhutati  satta. Appatipuggaloti patibhagapuggalavirahito. Balappattoti
dasavidhananabalappatto. Uppadavayadhamminoti uppadavayasabhava. 2- Tesam vupasamo
sukhoti tesam sankharanam vupasamasankhatam nibbanameva sukhanti attho. 2- Tadasiti
"saha parinibbana mahabhumicalo ahosi"ti evam mahaparinibbane 3- vuttabhumicalam
sandhayaha. So hi lomahamsanako ca bhimsanako ca asi. Sabbakaravarupeteti
sabbavarakaranupete 4- nahu assasapassasoti na jato assasapassaso.
Anejoti tanhasankhataya ejaya abhavena anejo. Santimarabbhati anupadisesam
nibbanam paticca sandhaya. Cakkhumati pancahi cakkhuhi cakkhuma. Parinibbutoti
khandhaparinibbanena parinibbuto. Asallinenati alinena 5- asankutitena *-
suvikasiteneva cittena. Vedanam ajjhavasayiti vedanam adhivasesi, na vedananuvatti
hutva ito cito ca samparivatti. Vimokkhoti kenaci dhammena anavaranavimokkho
sabbaso apannattibhavupagamo pajjotanibbanasadiso jatoti. Pancamam.
                           Dutiyo vaggo.
                           -----------
@Footnote: 1 cha.Ma., i. ye hi keci
@2-2 cha.Ma., i. tesam vupasamoti tesam sankharanam vupasamo. sukhoti asankhatam nibbanameva
@sukhanti attho  3 di. maha. 10/220/136 mahaparinibbanasutata
@4 cha.Ma. sabbakaravaragunupeta, su.vi. A. 2/223/203 parinibbutakathavannana
@5 cha.Ma., i. analalinena          * Si. asamkucitena



             The Pali Atthakatha in Roman Book 11 page 211-213. http://84000.org/tipitaka/atthapali/read_rm.php?B=11&A=5485&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=11&A=5485&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=15&i=620              เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=5084              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=4516              The Pali Tipitaka in Roman Character :- http://84000.org/tipitaka/read/roman_read.php?B=15&A=4516              Contents of The Tipitaka Volume 15 http://84000.org/tipitaka/read/?index_15

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]