ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 11 : PALI ROMAN Sam.A. (sarattha.1)

                           3. Andhakavindasuttavannana
      [184] Tatiye andhakavindanti evamnamakam gamam. Upasankamiti "sattha
idanipi viriyam karoti padhanamanuyunjati, gacchamissa santike thatva sasananucchavikam
viriyapatisamyuttam gatham vakkhami"ti upasankami.
         Pantaniti janatam atikkamitva manussanam anupacare thitani.
Sannojanavippamokkhati tani ca senasanani sevamano na civaradinam atthaya seveyya,
athakho dasasannojanavippamokkhatthaya careyya. Samghe vaseti tesu senasanesu ratim
alabhanto upatthakadinam cittanurakkhanattham gadrabhapitthe rajam viya uppatanto
aranne avasitva 1- samghamajjhe vaseyya. Rakkhittato satimati tattha ca vasanto
sagavacando gono viya sabrahmacarino avijjhanto aghatento rakkhitatto
satipatthanaparayano hutva vaseyya.
       Idani samghe vasamanassa bhikkhuno bhikkhacaravattam acikkhanto
kulakulantiadimaha. Tattha pindikaya carantoti pindatthaya caramano. Sevetha pantani
sayanasananiti samghamajjham otaritva vasamanopi dhuraparivene talanalikeraadini
ropetva upatthakadisamsattho na vaseyya, cittakallatam pana janetva cittam
hasetva tosetva puna pantasenasaneva vaseyyati arannasseva vannam katheti.
Bhayati vattabhayato. Abhayeti nibbane. Vimuttoti adhimutto hutva vaseyya.
        Yattha bheravati yasmim thane bhayajanaka savinnanaka sihabyagghadayo, avinnanaka
rattibhage khanuvalliadayo bahu atthi. Sirimsapati 2- dighajatikadisirimsapa.
Nisidi tattha bhikkhuti tadise thane bhikkhu nisinno. Imina idam dipeti bhagava:-
yatha tumhe etarahi tatratthakabheravarammanani ceva sirimsape ca vijjuniccharanadini
ca amanasikatva nisinna, evameva padhanamanuyutta bhikkhu nisidantiti.
@Footnote: 1 cha.Ma. acaritva   2 cha.Ma. sarisapati, evamuparipi
        Jatu me ditthanti ekamsena maya dittham. Nayidam itihitihanti  idam
itiha itihati na takkahetu va nayahetu va pitakasampadanena va aham vadami.
Ekasmim brahmacariyasminti ekaya dhammadesanaya. Dhammadesana hi idha
brahmacariyanti adhippeta. Maccuhayinanti maranapariccaginam khinasavanam.
        Dasa ca dasadha dasati ettha dasati daseva, dasadha dasati satam,
anne ca dasuttarasekkhasatam passamiti vadati. Sotam samapannati maggasotam
samapanna. Atiracchanagaminoti desanasisametam, 1- avinipatadhammati attho. Sankhatum
nopi sakkomiti musavadabhayena ettaka nama punnabhagino sattati ganetum na
sakkomiti bahubrahmadesanam sandhaya evamaha. Tatiyam.



             The Pali Atthakatha in Roman Book 11 page 209-210. http://84000.org/tipitaka/atthapali/read_rm.php?B=11&A=5426&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=11&A=5426&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=15&i=611              เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=4976              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=4408              The Pali Tipitaka in Roman Character :- http://84000.org/tipitaka/read/roman_read.php?B=15&A=4408              Contents of The Tipitaka Volume 15 http://84000.org/tipitaka/read/?index_15

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]