|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
3. Brahmadevasuttavannana [174] Tatiye ekoti thanadisu iriyapathesu ekako, ekavihariti attho. Vupakatthoti kayena vupakattho nissaggo. 1- Appamattoti satiya avippavase thito. Atapiti viriyatapena samannagato. Pahitattoti pesitatto. Kulaputtati acarakulaputta. Sammadevati na inattha 2- na bhayattha 3- najivikattha 4- hutva, yatha va tatha va pabbajitapi ye anulomapatipadam purenti, te sammadeva agarasma anagariyam pabbajanti nama. Brahmacariyapariyosananti maggabrahmacariyassa pariyosanabhutam ariyaphalam. Dittheva dhammeti imasmimyeva attabhave. Sayam abhinna sacchikatvati samam janitva paccakkham katva. Upasampajjati patilabhitva sampadetva vihasi. Evam viharanto ca khina jati .pe. Abbhannasiti. Etenassa paccavekkhanabhumi dassita. Katama panassa jati khina, kathanca nam abbhannasiti? vuccate, na Tavassa atita jati khina pubbeva khinatta, na anagata tattha vayamabhavato, na paccuppanna vijjamanatta. Maggassa pana abhavitatta ya uppajjeyya ekacatupancavokarabhavesu ekacatupancakkhandhappabheda jati, sa maggassa bhavitatta anuppadadhammatam apajjanena khina, tam so maggabhavanaya pahinakilese paccavekkhitva "kilesabhave vijjamanampi kammam ayatim appatisandhikam hoti"ti jananto janati. Vusitanti vuttham parivuttham, katam caritam nitthapitanti attho. Brahmacariyanti maggabrahmacariyam. Katam karaniyanti catusu saccesu catuhi maggehi parinnapahana- sacchikiriyabhavanavasena solasavidhampi kiccam nitthapitanti attho. Naparam itthattayati idani puna itthabhavaya evam solasakiccabhavaya, kilesakkhayaya va katamaggabhavana natthiti. Athava itthattayati itthabhavato, imasma evampakara idani vattamanakkhandhasantana aparam khandhasantanam natthi, ime pana pancakkhandha @Footnote: 1 cha.Ma., i. nissato 2 cha.Ma., i.inatta 3 cha.Ma., i. bhayatta @4 cha.Ma., i. jivitapakata--------------------------------------------------------------------------------------------- page195.
Parinnata titthanti chinnamulako rukkho viyati abbhannasi. Annataroti eko. Arahatanti arahantanam, bhagavato savakanam arahatam abbhantaro ahosi. Sapadananti sapadanacaram, sampattagharam anokkamma 1- patipatiya caranto. Upasankamiti upasankamanto. Mata panassa puttam disvapi 2- ghara nikkhamma puttam gahetva antonivesanam pavesetva pannattasane nisidapesi. Ahutim niccam pagganhatiti niccakale ahutim pindam pagganhati tamdivasam pana tasmim ghare bhutabalikammam hoti. Sabbam geham haritupalittam vippakinnalajam vanamalaparikkhittam ussitadhajapatakam tattha tattha punnaghare thapetva dandadipakani 3- jaletva gandhacunnamaladihi alankatam, samantato sanchadiyamana dhumakatacchu ahosi. Sapi brahmani kalasseva vutthaya solasahi gandhokaghatehi nhayitva sabbalankarena attabhavam alankari, sa tasmim samaye mahakhinasavam nisidapetva yaguulunkamattampi adatva "mahabrahmam bhojessami"ti suvannacatim 4- payasassa 5- puretva sappimadhusakkharadihi yojetva nivesanassa pacchabhage haritupalittabhagadihi 6- alankata bhutapithika 7- atthi, sa tam catim 8- adaya tattha gantva catusu konesu majjhe ca ekekam payasapindam thapetva ekam pindam hatthena gahetva yava kappuram 9- sappina paggharantena pathaviyam janumandalam patitthapetva "bhunjatu bhavam mahabrahma, sayatu bhavam mahabrahma, tappetu bhavam mahabrahma"ti vadamana brahmanam bhojeti. Etadahositi mahakhinasavassa silagandham cha devaloke ajjhottharitva brahmalokam upagatam ghayamanassa etam ahosi. Samvejeyyanti codeyyam, samma patipattiyam samyojeyyam. Ayam hi evarupam aggadakkhineyyam mahakhinasavam nisidapetva yaguulunkamattampi adatva "mahabrahmam bhojessami"ti tulam pahaya hatthena tulayanti viya, bherim pahaya kucchim vadenti viya, aggim pahaya khajjopanakam dhamamana viya bhutabalim kurumana ahindati, gacchamissa micchadassanam bhinditva apayamaggato @Footnote: 1 cha.Ma., i. anukkamma 2 cha.Ma., i. disvava 3 cha.Ma. dandadipika @4 cha.Ma., i. suvannapatiyam 5 cha.Ma., i. payasam 6 cha.Ma. haritupalittabhavadihi @7 i. alankata pithika 8 cha.Ma., i. patim 9 cha.Ma., i. kappara--------------------------------------------------------------------------------------------- page196.
Uddharitva yatha asitikotidhanam buddhasasane vippakiritva saggamaggam arohati, tatha karomiti vuttam hoti. Dure itoti imamha thana dure brahmaloko. Brahmalokato 1- hi kutagaramatta sila patita ekena ahorattena atthacattalisayojanasahassani khepayamana evam 2- catuhi masehi pathaviyam patitthapeyya, 3- sabbahetthimopi brahmaloko evam dure. Yassahutinti yassa brahmuno ahutim pagganhasi, tassa brahmaloko dureti attho. Brahmapathanti ettha brahmapatho nama cattari kusalajjhanani, vipakajjhanani pana nesam jivitapatho nama, tam brahmapatham ajananti tvam kim jappasi vippalapasi. Brahmano hi sappitikajjhanena yapenti, na etam tinabijani pakkhipitva randham goyusam khadanti, ma akarana kilamasiti. Evam vatva puna so mahabrahma anjalim paggayha avakujjo hutva theram upadassento eso hi te brahmani brahmadevotiadimaha. Tattha nirupadhikoti kilesabhisankharakamagunopadhihi virahito. Atidevapattoti devanam atidevabhavam brahmanam atibrahmabhavam patto. anannapositi thapetva imam attabhavam annassa attabhavassa va puttadarassa va aposanataya anannapositi. Ahuneyyoti ahunapindam pahunapindam patiggahetum yutto. Vedaguti catumaggasankhatehi vedehi dukkhassantam gato. Bhavitattoti attanam bhavetva vaddhetva thito. Anupalittoti tanhaditthilepehi 4- alitto. Ghasesanam iriyatiti aharapariyesanam carati. Na tassa paccha na puratthamatthiti paccha vuccati atitam, purattham vuccati anagatam, iti atitanagatesu khandhesu chandaragavirahitassa paccha va purattham va natthiti vadati. Santotiadisu ragadisantataya santo. Kodhadhumaviggama vidhumo, dukkhabhava anigho, kattaradandadini gahetva vicarantopi vadhakacetanaya abhava nikkhittadando. tasathavaresuti ettha pana puthujjana tasa nama, khinasava thavara @Footnote: 1 cha.Ma. tato 2 cha.Ma. evam-saddo na dissati @3 cha.Ma. patitthaheyya 4 cha.Ma. tanhadihi lepehi--------------------------------------------------------------------------------------------- page197.
Nama. Sattannam sekkhanam 1- tasati vattum na sakka, thavara na honti, bhajapayamana 2- pana thavarapakkhameva bhajanti. So tyahutinti so te ahutim. Visenibhutoti kilesasenaya viseno jato. Anejoti nittanho. Susiloti khinasavasilena susilo. Suvimuttacittoti phalavimuttiya sutthu vimuttacitto. Oghatinnanti cattaro oghe tinnam. Ettakena kathamaggena brahma therassa vannam kathento ayatane brahmanim niyyojesi. Avasanagatha pana sangitikarehi thapita. Patitthapesi dakkhinanti catupaccayadakkhinam patitthapesi. Sukhamayatikanti sukhayatikam ayatim sukhavipakam, sukhavahanti attho. Tatiyam.The Pali Atthakatha in Roman Book 11 page 194-197. http://84000.org/tipitaka/atthapali/read_rm.php?B=11&A=5038&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=11&A=5038&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=15&i=563 เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=4535 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=4005 The Pali Tipitaka in Roman Character :- http://84000.org/tipitaka/read/roman_read.php?B=15&A=4005 Contents of The Tipitaka Volume 15 http://84000.org/tipitaka/read/?index_15
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]