AtthaPali Vol.11

5. Maradhitusuttavannana [161] Pancame abhasitvati ettha akaro nipatamattam, bhasitvati attho. Abhasayitvatipi patho. Upasankamimsuti "gopaladarakam viya dandakena bhumiyam vilekhantam ^1- disva ativiya dummano hutva nisinno, `kinnu kho karanan'ti pucchitva janissama"ti upasankamimsu. Socasiti cintesi. Arannamiva kunjaranti yatha arannato pesitaganikarahatthiniyo ^2- arannikam ^3- kunjaram itthikuttadassanena palobhetva bandhitva anayanti, evam anayissama. Maradheyyanti tebhumikavattam. ^4- Upasankamimsuti "tumhe thokam adhivasetha, mayam tam anessama"ti pitaram samassasetva upasankamimsu. Uccavacati nanavidha. Ekasatam ekasatanti ekekam satam satam katva. Kumarivannasatanti imina nayena kumariattabhavanam satam. Atthassa pattim dahayassa santinti dvihipi padehi arahattameva katheti. ^5- Senanti kilesasenam. Sa hi piyarupasatarupa nama. Ekaham jhayanti eko aham jhayanto. Sukhamanubodhayanti ^6- arahattasukham anubujjhim idam vuttam hoti:- piyarupasatarupasenam jinitva aham eko jhayanto "atthassa pattim hadayassa santin"ti sankhagatam arahatte sukham anubujjhim, tasma janena mittasanthavam na karomi, teneva ca me karanena kenaci saddhim sakkhi na sampajjatiti. Katham viharibahuloti katamena viharena bahulam viharanto. Aladdhati alabhitva. Yoti nipatamattam. Idam vuttam hoti:- katamena jhanena bahulajjhayantam tam puggalam kamasanna alabhitvava aparikkhara ^7- hontiti. Passaddhakayoti catutthajjhanena assasapassasakayassa passaddhatta passaddhakayo. Suvimuttacittoti arahattaphalavimuttiya sutthu vimuttacitto. Asankharanoti tayo kammabhisankhare anabhisankharonto. Anokoti analayo. Annaya dhammanti @Footnote: ¹ cha.Ma. bhumim lekham ² Si., i. arannam tosetva pesita ganikahatthiniyo @³ cha.Ma. arannakam ⁴ cha.Ma., i. tebhumakavattam ⁵ cha.Ma. kathesi @⁶ cha.Ma. sukhamanubodhim ⁷ cha.Ma. paribahira Catusaccadhammam janitva. Avitakkajhayiti avitakkena catutthajjhanena jhayanto. Na kuppatitiadisu dosena na kuppati, ragena na sarati, mohena na thino. Imesu tisu mulakilesesu gahitesu diyaddhakilesasahassam gahitameva hoti. Pathamapadena va byapadanivaranam gahitam, dutiyena kamacchandanivaranam, tatiyena thinam adim katva sesanivaranani. Iti imina nivaranappahanenapi khinasavam dasseti. Pancoghatinnoti pancadvarikam kilesogham tinno. Chatthanti manodvarikampi chattham kilesogham atari. Pancoghaggahanena va pancorambhagiyani samyojanani, chatthaggahanena pancuddhambhagiyani veditabbani. Ganasamghacariti ^1- gane ca samghe ca caratiti sattha ganasamghacari nama. Addha carissantiti annepi saddha bahu jana ekamsena carissanti. Ayanti ayam sattha. Anokoti analayo. Ajchejja nessatiti acchinditva nayissati, naccurajassa hatthato acchinditva nibbanaparam nayissatiti vuttam hoti. Nayamanananti nayamanesu. Selamva sirasi ohacca, ^2- patale gadhamesathati mahantam kutagarappamanam silam sise thapetva patale patitthagavesanam viya. Khanumva urasasajjati urasi khanum paharitva viya. Apethati apagacchatha. Imasmim thane sangitikara "idamavoca"ti desanam nitthapetva daddallamanati gatham ahamsu. Tattha daddallamanati ativiya jalamana sobhamana. Aganchunti agata. Panuditi nihari tulam bhatthamva malutoti yatha phalato bhattham simbalitulam va potakitulam va vato panudati niharati, evam panudati ^3-. Pancamam. Tatiyo vaggo. Iti marasamyuttavannana nitthita. --------------- @Footnote: ¹ ganasamghavaritipi patho ² cha.Ma. sirasuhacca ³ cha.Ma., i. panuditi

The Pali Atthakatha in Roman Book 11 page 178-179. http://84000.org/tipitaka/atthapali/read_rm.php?B=11&A=4637&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=11&A=4637&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=15&i=505 เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=4010 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=3530 The Pali Tipitaka in Roman Character :- http://84000.org/tipitaka/read/roman_read.php?B=15&A=3530 Contents of The Tipitaka Volume 15 http://84000.org/tipitaka/read/?index_15