ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 11 : PALI ROMAN Sam.A. (sarattha.1)

                     4. Sattavassanubandhasuttavannana
      [160] Catutthe satta vassaniti pure bodhiyam chabbassani, bodhito
paccha ekam vassam. Otarapekkhoti "sace samanassa gotamassa kayadvaradisu
kincideva ananucchavikam passami, codessami nan"ti evam vivaram apekkhamano.
Alabhamanoti rajarenumattampi 7- avakkhalinam apassanto. Tenaha:-
         "satta vassani bhagavantam       anubandhim padapadam
          otaram nadhigacchissam        sambuddhassa sirimato"ti. 8-
@Footnote: 1 Ma. paccavekkhana,  2 Si. parivattakkhandham  3 cha.Ma. semananti, Si. soppamananti
@4 cha.Ma., i. sayitam hoti  5 cha.Ma., i. beluvapanduvinanti beluvapakkam viya
@panduvannam  6 cha.Ma. khuddakadarakavanni   7 cha.Ma. ratharenumattampi
@8 cha.Ma. satimato..., khu. sutta. 25/449/417 padhanasutta
Upasankamiti "ajja samanam gotamam abhivadetva agamissami"ti 1- upasankami.
        Jhayasiti jhayanto avajjhayanto 2- nisinnositi vadati. Vittam nu jinoti
satam va sahassam va jitosi nu. Agunnu gamasminti kinnu antogame
pamanatikkantam papakammam akasi, yena annesam mukham oloketum avisahanto
apajjhayanto nisinno 3- aranne vicarasi. Sakkhinti mittabhavam.
         Palikhayati khanitva. Bhavalobhajappanti bhavalobhasankhatam tanham. Anasavo
jhayamiti nittanho hutva dvihi jhanehi jhayami. Pamattabandhuti maram alapati.
So hi ye keci loke pamatta, tesam bandhu.
         Sace maggam anubuddhanti yadi taya 4- maggo anubuddho. Apehiti apayahi.
Amaccudheyyanti maccuno anokasabhutam nibbanam. Paragaminoti yepi param gata,
tepi paragamino. Yepi param gantukama, tepi paragamino.
         Visukayikaniti 5- maravisukani. Visevitaniti viruddhasevitani, "appamayu
manussanam, accayanti ahoratta"ti vutte "dighamayumanussanam, naccayanti
ahoratta"tiadini patilomakaranani. Vipphanditaniti 6- tamhi tamhi kale
hatthirajavannasappavannadidassanani. Nibbejaniyati ukkandaniya.
          Anupariyagatiadisu kincapi atitavacanam katam, attho pana vikappavasena
veditabbo. Idam vuttam hoti:- yatha medavannam pasanam vayaso disva
"apettha 7- mudum vindeyyama, api assado siya"ti anuparigaccheyya, atha so
tattha assadam alabhitvava vayaso eto apakkame, 8- tato pasana apagaccheyya,
evam mayampi so kako viya selam gotamam asajja assadam va santhavam va
alabhanta gotamam 9- nibbinditva apagacchama. Catuttham.
@Footnote: 1 Si. atigahetva agamissamiti, cha.Ma. atigahetva gamissamiti
@2 Si., i. apajjhayanto  3 cha.Ma., i. apajjhayanto nisinnoti patha na dissanti
@4 i. tassa  5 ka. visukayitaniti   6 Si.,Ma. vipphanditani kanici kaniciti
@7 cha.Ma.api namettha  8 cha.Ma. apakkameyya   9 cha.Ma. gotama



             The Pali Atthakatha in Roman Book 11 page 176-177. http://84000.org/tipitaka/atthapali/read_rm.php?B=11&A=4601&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=11&A=4601&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=15&i=496              เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=3952              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=3480              The Pali Tipitaka in Roman Character :- http://84000.org/tipitaka/read/roman_read.php?B=15&A=3480              Contents of The Tipitaka Volume 15 http://84000.org/tipitaka/read/?index_15

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]