ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 11 : PALI ROMAN Sam.A. (sarattha.1)

                       4. Issatthasuttavannana *-
      [135] Catutthassa atthuppattiko nikkhePo. Bhagavato kira pathamabodhiyam
mahalabhasakkaro udapadi bhikkhusamghassa ca. Titthiya hatalabhasakkara hutva kulesu
evam kathenta vicaranti:- "samano gotamo evamaha `mayhameva danam databbam,
na annesam danam databbam. Mayhameva savakanam danam databbam, na annesam
savakanam danam databbam. Mayhameva dinnam mahapphalam, na annesam dinnam mahapphalam.
Mayhameva savakanam dinnam mahapphalam, na annesam savakanam dinnam mahapphalan'ti,
@Footnote: 1 cha.Ma. rosakoti ghattako  2 cha.Ma., i. cirakalam  3 cha.Ma., i. ayyikamatutthane
@4 cha.Ma., i. satasahassagghanako 5 cha.Ma., i. kariyamanameva  6 cha.Ma., i. katapariyositam
@* cha.Ma. issattasuttavananana
Yuttam nukho sayampi bhikkhacaranissitena paresam bhikkhacaranissitanam catunnam
paccayanam antarayam katum, ayuttam karoti ananucchavikan"ti. Sa katha pattharamana
rajakulam sampatta. Raja sutva cintesi "atthanametam yam tathagato paresam labhantarayam
kareyya, ete tathagatassa alabhaya ayasaya parisakkanti. Sacaham idheva thatva
`ma evam avacuttha, na sattha evam katheti'ti vadeyyam, esa 1- katha nijjhaggim 2-
na gaccheyya, imassa mahajanassa sannipatitakaleyeva nam nijjhapessami"ti 3- ekam
chanadivasam agamento tunhi ahosi.
       Aparena samayena mahachane sampatte "ayam imassa kalo"ti nagare
bherim carapesi:- "saddha va assaddha va sammaditthika va micchaditthika
va geharakkhake darake va matugame va thapetva avasesa ye viharam
nagacchanti, pannasadando"ti. Sayampi patova nhatva katapataraso
sabbabharanapatimandito mahata balakayena saddhim viharam agamasi. Gacchanto ca
cintesi:- "bhagava tumhehi 4- kira 5- mayhameva danam databbam .pe. Na annesam
savakanam dinnam mahapphalan'ti evam pucchitum ayuttam, panhameva pucchissami, panham
kathento ca 6- me bhagava avasane titthiyanam vadam bhajjissati"ti. 7- So panham
pucchanto kattha nukho bhante danam databbanti aha. Yatthati yasmim puggale
cittam pasidati, tasmim databbam, tassa va databbanti attho.
        Evam vutte raja yehi manussehi titthiyanam vacanam arocitam, tepi
olokesi. Te ranna olokitamattava mankubhuta adhomukha padangutthakena bhumim
khanamana 8- atthamsu. Raja "ekapadeneva bhante hata titthiya"ti mahajanam savento
mahasaddena abhasi. Evam vacanam 9- bhasitva "bhagava cittam nama
niganthacelakaparibbajakadisu yattha katthaci pasidati, kattha pana dinnam mahapphalan"ti
pucchi. Annam kho etanti "maharaja annam taya pathamam pucchitam, annam paccha,
@Footnote: 1 cha.Ma., i. evam sa                2 cha.Ma. nijjhattim, Si., i. niruddham
@3 Si., i. nirujjhapessami, Ma. nijjhattim labhissami   4 cha.Ma., i. tumhe
@5 cha.Ma. kira evam vadatha  6 Si., i. kathentova  7 cha.Ma. bhanjissati, i. bhijjissati
@8 cha.Ma., i. lekhamana      9 cha.Ma., i. evanca pana
Sallakkhehi etam, panhakathanampi 1- mayham bharo"ti vatva silavato khotiadimaha.
Tattha idha tyassati idha te assa. Samupabyulhoti rasibhuto. Asikkhitoti
dhanusippe asikkhito. Akatahatthoti mutthibandhadivasena asampaditahattho. Akatayoggoti
tinapunjamattikapunjadisu akataparicayo. Akatupasanoti rajarajamahamattanam
adassitasarakkhePo. Chambhiti pavedhitakayo.
       Kamacchando pahinotiadisu arahattamaggena kamacchando pahino hoti,
anagamimaggena byapado, arahattamaggeneva thinamiddham, tatha uddhaccam dutiyena,
tatiyeneva kukkuccam, pathamamaggena vicikiccha pahina hoti. Asekkhena silakkhandhenati
asekkhassa silakkhandho asekkho silakkhandho nama. Esa nayo sabbattha. Ettha
ca purimehi catuhi padehi lokiyalokuttara silasamadhipannavimuttiyo kathita.
Vimuttinanadassanam paccavekkhanananam hoti, tam lokiyameva.
       Issatthanti 2- ususippam. Balaviriyanti ettha balam nama vayodhatu, viriyam
kayikacetasikaviriyameva. Bhareti bhareyya. Nasuram jatipaccayati "ayam jatisampanno"ti
evam jatikarana asuram na bhareyya.
       Khantisoraccanti ettha khantiti adhivasanakhanti, soraccanti arahattam.
Dhammati ete dve dhamma. Assameti avasathe. Vivaneti arannatthane, nirudake
aranne caturassapokkharaniadini karayeti attho. Duggeti visamatthane. Sankamananiti
pannasahatthasatthihatthani samokinnaparisudadhavalukani sankamanani kareyya.
       Idani etesu arannasenasanesu vasantanam bhikkhunam bhikkhacaravattam
acikkhanto annapanantiadimaha. Tattha senasananiti mancapithadini.
Vippasannenati khinasavassa dentopi sakankhena kilesamalinena cittena adatva
vippasanneneva 3- dadeyya. Thanayanti gajjento. Satakkuthuti 4- satasikharo, anekakutota
attho. Abhisankhaccati abhisankharitva samodhanetva rasim katva.
@Footnote: 1 cha.Ma., i. panhakathanam pana            2 cha.Ma. issattanti, Ma. issatthanti
@3 cha.Ma. vippasanneneva cittena         4 cha.Ma., i. satakkakuti
     Anumodamanoti tutthamanaso hutva. Pakiretiti danagge vicarati,
pakiranto viya va danam deti. Punnadharati anekadanacetanamaya punnadhaRa.
Dataram abhivassatiti yatha akase samutthitameghato nikkhanta udakadhara pathavim
sinehayanti kalinnayanti abhivassanti, 1- evameva ayampi dayakassa abbhantare
uppanna punnadhara tameva dataram anto sineheti pureti abhisandeti. Tena
vuttam "dataram abhivassati"ti. Catuttham.



             The Pali Atthakatha in Roman Book 11 page 156-159. http://84000.org/tipitaka/atthapali/read_rm.php?B=11&A=4085&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=11&A=4085&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=15&i=405              เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=3146              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=2773              The Pali Tipitaka in Roman Character :- http://84000.org/tipitaka/read/roman_read.php?B=15&A=2773              Contents of The Tipitaka Volume 15 http://84000.org/tipitaka/read/?index_15

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]