Atthakatha Book 11 : PALI ROMAN
Saṃ.A. (sārattha.1)

                       4. Paṭhamasaṅgāmasuttavaṇṇanā
      [125] Catutthe vedehiputtoti vedehīti paṇḍitādhivacanametaṃ, paṇḍitatitthiyā
puttoti attho. Caturaṅgininti hatthiassarathapattisaṅkhātehi catūhi aṅgehi
samannāgataṃ. Sannayhitvāti cammapaṭimuñcanādīhi sannāhaṃ kāretvā. Saṅgāmesunti
yujjhiṃsu. Kena kāraṇena? mahākosalaraññā kira bimbisārassa dhītaraṃ dentena dvinnaṃ
rajjānaṃ antare satasahassuṭṭhāno kāsigāmo nāma dhītu dinno. Ajātasattunā ca
pitari mārite mātāpissa rañño viyogasokena nacirasseva matā. Tato rājā
@Footnote: 1 cha.Ma., i. imaṃ gāthaṃ naṭo viya pattapattaṭṭhāne    2 cha.Ma., i. paṭhamapiṇḍādīsupi
@3 cha.Ma., i. pātiṃ  4 cha.Ma., i. pātarāse ca 5 cha.Ma., i. bhagavato  6 cha.Ma. pātiyaṃyeva
@7 cha.Ma., i. gaṇetvā tadupiyaṃ byañjanaṃ ñatvā     8 cha.Ma., i. saṇṭhāsi
---------------------------------------------------------------------------------------------
page147.
Pasenadikosalo "ajātasattunā mātāpitaro māritā, mayhaṃ pitu santako gāmo"ti
tassatthāya aṭṭaṃ karoti. Ajātasattupi "mayhaṃ mātu santako"ti iti 1- tassa
gāmassatthāya dvepi mātulabhāgineyyā yujjhiṃsu.
       Pāpā devadattādayo mittā assāti pāpamitto. Tevassa 2- sahāyāti
pāpasahāyo. Tesvevassa cittaṃ ninnaṃ sampavaṅkanti pāpasampavaṅko. Pasenadikosalassa 3-
sāriputtattherādīnaṃ vasena kalyāṇamittāditā veditabbā. Dukkhaṃ
sessatīti 4- jitāni hatthiādīni anusocanto dukkhaṃ sayissati. 5- Idaṃ bhagavā
puna tassa jayakāraṇaṃ disvā āha. Jayaṃ veraṃ pasavatīti jinanto veraṃ pasavati,
veripuggale 6-  labhati. Catutthaṃ.


             The Pali Atthakatha in Roman Book 11 page 146-147.
http://84000.org/tipitaka/atthapali/read_rm.php?B=11&A=3824&pagebreak=1
             อรรถกถาบาลีอักษรไทย :-
http://84000.org/tipitaka/atthapali/read_th.php?B=11&A=3824&pagebreak=1
             อ่านอรรถกถาแปลไทย :-
http://84000.org/tipitaka/attha/attha.php?b=15&i=368
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=15&A=2657
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=15&A=2308
             The Pali Tipitaka in Roman Character :-
http://84000.org/tipitaka/read/roman_read.php?B=15&A=2308
             Contents of The Tipitaka Volume 15
http://84000.org/tipitaka/read/?index_15