AtthaPali Vol.11

6. Jaravagga 1. Jarasuttavannana [51] Jaravaggassa pathame sadhuti laddhakam bhaddakam. Silam yava jarati imina idam dasseti:- yatha muttamaniratanavatthadini ^2- abharanani tarunakaleyeva sobhanti, jarajinnakale tani dharento "ayam ajjapi balabhavam pattheti, ummattako manne"ti vattabbatam apajjati, na evam silam. Silam hi niccakalam sobhati. Balakalepi hi silam rakkhanti ^3- "kim imassa silena"ti vattaro natthi, majjhimakalepi mahallakakalepiti. Saddha sadhu patitthitati hatthaalavakacittagahapatiadinam viya maggena agata patitthitasaddha nama sadhu. Panna naranam ratananti ettha cittikatatthadihi ratanam veditabbam. Vuttam hetam:- "yadi cittikatanti ratanam, nanu bhagava cittikato purisasiho, yepi ^4- loke cittikata, tesam cittikato bhagava. Yadi ratikaranti ^5- ratanam, nanu bhagava ratikaro purisasiho, tassa vacanena caranta jhanaratisukhena ratisukhena ^6- abhiramanti. Yadi atulyanti ratanam, nanu bhagava atulyo ^7- purisasiho. Na hi sakka tuletum gunehi gunaparamigato. Yadi dullabhanti ratanam, nanu bhagava dullabho purisasiho. Yadi anomasattaparibhoganti @Footnote: ¹ cha.Ma., i. kusalam anavajjam ² cha.Ma., i. muttamanirattavatthadini @³ cha.Ma., i. rakkhantam ⁴ cha.Ma., i.ye ca ⁵ Si. ratikatanti @⁶ cha.Ma., i. ayam saddo na dissati ⁷ cha.Ma. atulo Ratanam, nanu bhagava anomo silena samadhina pannaya vimuttiya vimuttinanadassanena"ti. Idha pana dullabhapatubhavatthena panna "ratanan"ti vuttam. Punnanti punnacetana, sa hi arupatta pariharitum na sakkati. Pathamam.

The Pali Atthakatha in Roman Book 11 page 89-90. http://84000.org/tipitaka/atthapali/read_rm.php?B=11&A=2343&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=11&A=2343&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=15&i=158 เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=1075 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=936 The Pali Tipitaka in Roman Character :- http://84000.org/tipitaka/read/roman_read.php?B=15&A=936 Contents of The Tipitaka Volume 15 http://84000.org/tipitaka/read/?index_15