|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
5. Sunakkhattasuttavannana
[55] Evamme sutanti sunakkhattasuttam. Tattha annati arahattam.
Byakatati khina jatitiadihi catuhi padehi kathita. Adhimanenati appatte
pattasannino, anadhigate adhigatasannino hutva adhigatam amhehiti manena byakarimsu.
[56] Evancettha sunakkhatta tathagatassa hotiti sunakkhatta ettha
etesam bhikkhunam annam byakarane 3- "idam thanam etesam avibhutam andhakaram, tenime
anadhigate adhigatasannino, handa nesam visodhetva pakatam katva dhammam desemi"ti
evam 4- tathagatassa hoti. Atha ca panidhekacce .pe. Tassapi hoti annathattanti
@Footnote: 1 cha.Ma. gata 2 Ma. mu. 12/492/436
@3 cha.Ma. panhabyakarane 4 cha.Ma. evanca
Bhagava patipannakanam dhammam deseti. Yattha pana icchacare thita ekacce
moghapurisa honti, tatra bhagava passati "ime imam panham uggahetva
ajanitvava jananta viya appatte pattasannino hutva gamanigamadisu
visevamana vicarissanti, tantesam bhavissati digharattam ahitaya dukkhaya"ti,
evamassayam icchacare thitanam karana patipannakanampi atthaya "dhammam desessami"ti
uppannassa cittassa annathabhavo hoti. Tam sandhayetam vuttam.
[58] Lokamisadhimuttoti vattamisakamamisalokamisabhutesu pancasu kamagunesu
adhimutto tanninno taggaruko tappabbharo. Tappatirupiti kamagunasabhavo.
Anenjapatisamyuttayati anenjasamapattipatisamyuttaya. Samseyyati katheyya.
Anenjasamyojanena hi kho visamyuttoti anenjasamapattisamyojanena visamsattho.
Lokamisadhimuttoti evarupo hi lukhacivaradharo mattikapattam adaya attano
sadisehi 1- katipayehi saddhim paccantam janapadam gacchati, gamam pindaya pavitthakale
manussa disva "mahapamsukulika agata"ti yagubhattadini sampadetva sakkaccam
danam denti, bhattakicce nitthite anumodanam sutva "svepi bhante idheva
pindaya pavisatha"ti vadanti. Alam upasaka, ajjapi vo bahunnam dinnanti.
Tenahi bhante antovassam idha vaseyyathati adhivasetva viharamaggam pucchitva
viharam gacchanti. Tattha senasanam gahetva pattacivaram patisamenti. Sayam eko
avasiko te bhikkhu pucchati "kattha pindaya carittha"ti? asukagameti.
Bhikkhasampannati? ama evarupa nama manussanam saddha hoti. "ajjeva nu kho
ete edisa, niccampi edisa"ti? saddha te manussa niccampi edisa, te
nissayeva ayam viharo vaddhatiti. Tato te pamsukulika punappunam tesam vannam
kathenti, divasavasesam kathetva rattimpi kathenti. Ettavata icchacare thitassa
sisam nikkhantam hoti udaram phalitam. 2- Evam lokamisadhimutto veditabbo.
[59] Idani anenjasamapattilabhiadhimanikam dassento thanam kho
panetantiadimaha. Anenjadhimuttassati kilesasincanavirahitasu hetthimasu chasu
@Footnote: 1 Ma. parisehi 2 tika. phalitam
Samapattisu adhimuttassa tanninnassa taggaruno tappabbharassa. Se pavutteti tam
pavuttam. Chasamapattilabhino hi adhimanikassa pancakamagunamisabandhana
patitapandupalaso viya upatthati. Tenetam vuttam.
[60] Idani akincannayatanasamapattilabhino adhimanikassa nighamsam dassetum
thanam kho panatiadimaha. Tattha dvedha bhinnati majjhe bhinna.
Appatisandhikati khuddaka mutthipasanamatta jatuna va silesena va alliyapetva
patisandhatum sakka. Mahantam pana kutagarappamanam sandhayetam vuttam. Se bhinneti
tam bhinnam. Uparisamapattilabhino hi hettha samapatti dvedha bhinna sela viya
hoti, tam samapajjissamiti cittam na uppajjati. Tenetam vuttam.
[61] Idani nevasannanasannayatanalabhino adhimanikassa nighamsam dassento
thanam kho panatiadimaha. Tattha se vanteti tam vantam. Atthasamapattilabhino
hi hettha samapattiyo vantasadisa hutva upatthahanti, puna samapajjissamiti
cittam na uppajjati. Tenetam vuttam.
[62] Idani khinasavassa nighamsam dassento thanam kho panatiadimaha.
Tattha se ucchinneti tam ucchinnam. 1- Uparisamapattilabhino hi hetthasamapatti
mulacchinnatalo viya upatthati, tam samapajjisamiti cittam na uppajjati. Tenetam
vuttam.
[63] Thanam kho panetanti patiyekko anusandhi. Hettha hi samapattilabhino
adhimanikassapi khinasavassapi nighamso kathito, sukkhavipassakassa pana
adhimanikassapi khinasavassapi na kathito. Tesam dvinnampi nighamsam dassetum imam
desanam arabhi. Tam pana patikkhittam. Samapattilabhino hi adhimanikassa nighamse
kathite sukkhavipassakassapi adhimanikassa kathitova hoti, samapattilabhino ca
khinasavassa kathite sukkhavipassakassa khinasavassapi kathitova hoti. Etesam pana
dvinnam bhikkhunam sappayasappayam kathetum imam desanam arabhi.
@Footnote: 1 cha.Ma. se ucchinnamuleti so ucchinnamulo
Tattha siya:- puthujjanassa tava arammanam asappayam hotu, khinasavassa
katham asappayanti. Yadaggena puthujjanassa asappayam, tadaggena khinasavassapi
asappayameva. Visam nama janitva khaditampi ajanitva khaditampi visameva.
Na hi khinasavenapi "aham khinasavo"ti asamvutena bhavitabbam. 1- Khinasavenapi
yuttappatiyutteneva 2- bhavitum vattati.
[64] Tattha samanenati buddhasamanena. Chandaragabyapadenati so
avijjasankhato visadoso chandaragena ca byapadena ca ruppati kuppati.
Asappayaniti avaddhikarani arammanani. Anuddhamseyyati soseyya milapeyya.
Saupadisesanti sagahanasesam, upaditabbam ganhitabbam idha upaditi vuttam. Analam
ca te antarayayati jivitantarayam te katum asamattham. Rajosukanti rajo ca
vihisukadi ca sukam. Asucivisadosoti 3- so ca visadoso. Tadubhayenati ya sa
asappayakiriya yo ca visadoso, tena ubhayena. Puthuttanti mahantabhavam.
Evameva khoti ettha saupadanasalluddharo viya appahino avijjavisadoso
datthabbo, asappayakiriyaya thitabhavo viya chasu dvaresu asamvutakalo, tadubhayena
vane puthuttagate maranam viya sikkham paccakkhaya hinayavattanam, maranamattadukkham viya
annataraya garukaya sankilitthaya apattiya apajjanam datthabbam. Sukkapakkhepi
iminava nayena opammasamsandanam veditabbam.
[65] Satiya etam adhivacananti ettha sati pannagatika. Lokikaya
pannaya lokika hoti, lokuttaraya lokuttaRa. Ariyayetam pannayati parisuddhaya
vipassanapannaya.
Idani khinasavassa balam dassento so vatatiadimaha. Tattha samvutakariti
pihitakari. Iti viditva nirupadhiti evam janitva kilesupadhippahana nirupadhi
hoti, nirupadanoti attho. Upadhisankhaye vimuttoti upadhinam sankhayabhute nibbane
arammanato vimutto. Upadhisminti kamupadhismim. Kayam upasamharissatiti kayam
alliyapessati. Idam vuttam hoti:- tanhakkhaye nibbane arammanato vimutto
@Footnote: 1 Si., ka. caritabbam 2 cha.Ma. yuttapayutteneva 3 cha.Ma. asu ca visadosoti
Khinasavo panca kamagune sevitum, kayam va upasamharissatiti cittam va
uppadessatiti netam thanam vijjati. Sesam sabbattha uttanamevati.
Papancasudaniya majjhimanikayatthakathaya
sunakkhattasuttavannana nitthita.
-------------
The Pali Atthakatha in Roman Book 10 page 34-38.
http://84000.org/tipitaka/atthapali/read_rm.php?B=10&A=869&modeTY=2
อรรถกถาบาลีอักษรไทย :-
http://84000.org/tipitaka/atthapali/read_th.php?B=10&A=869&modeTY=2
อ่านอรรถกถาแปลไทย :-
http://84000.org/tipitaka/attha/attha.php?b=14&i=67
เนื้อความพระไตรปิฎกฉบับหลวง :-
http://84000.org/tipitaka/read/r.php?B=14&A=1185
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=14&A=1197
The Pali Tipitaka in Roman Character :-
http://84000.org/tipitaka/read/roman_read.php?B=14&A=1197
Contents of The Tipitaka Volume 14
http://84000.org/tipitaka/read/?index_14
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]