AtthaPali Vol.10

7. Mahasalayatanikasuttavannana [428] Evamme sutanti mahasalayatanikasuttam. Tattha mahasalayatanikanti mahantanam channam ayatananam jotakam dhammapariyayam. [429] Ajananti sahavipassanena maggena ajananto. Upacayam gacchantiti vuddhim gacchanti, vasibhavam gacchantiti attho. Kayikati pancadvarikadaratha. Cetasikati manodvarikadaratha. Santapadisupi eseva nayo. [430] Kayikasukhanti pancadvarikasukham. Cetosukhanti manodvarikasukham. Ettha ca pancadvarikajavanena samapajjanam va vutthanam va natthi, uppannamattakameva hoti. Manodvarikena sabbam hoti. Ayanca maggavutthanassa paccayabhuta balavavipassana, sapi manodvarikeneva hoti. [431] Tathabhutassati ^1- kusalacittasampayuttacetosukhasamangibhutassa. Pubbeva kho panassati assa bhikkhuno vacakammantajiva pubbasuddhika nama adito patthaya parisuddhava honti. Ditthisankappavayamasatisamadhisankhatani pana pancangani sabbatthakakarapakangani nama. Evam lokuttaramaggo atthangiko va sattangiko va hoti. Vitandavadi pana "ya tathabhutassa ditthi"ti imameva suttappadesam gahetva "lokuttaramaggo pancangiko nama natthi"ti ^2- vadati. So "evamassayam ariyo atthangiko maggo bhavanaparipurim gacchati"ti imina antaravacaneneva patisedhitabbo. Uttari ca evam sannapetabbo:- so lokuttaramaggo pancangiko nama natthi, imani pana panca sabbatthakakarapakangani maggakkhane virativasena purenti. "ya catuhi vaciduccaritehi arati virati"ti evam vuttaviratisu hi micchavacam pajahati, sammavacam bhaveti, evam sammavacam bhaventassa imani pancangani na vina, saheva viratiya purenti. Sammakammantajivesupi eseva nayo. Iti vacikammadini adito patthaya parisuddhaneva vattanti. Imani @Footnote: ¹ Si. yathabhutassati ² cha.Ma. pancangikoti Pana panca sabbatthakakarapakangani virativasena paripurentiti pancangiko maggo nama natthi. Subhaddasuttepi ^1- cetam vuttam "yasmim kho subhadda dhammavinaye ariyo atthangiko maggo"ti. Annesu ca anekesu suttasatesu atthangikova maggo agatoti. [433] Cattaropi satipatthanati maggasampayuttava cattaro satipatthana. Sammappadhanadisupi eseva nayo. Yuganandhati ^2- ekakkhanikayuganandha. Ete hi annasmim khane samapatti, annasmim vipassanati evam nanakkhanikapi honti, ariyamagge pana ekakkhanika. Vijja ca vimutti cati arahattamaggavijja ca phalavimutti ca. Sesam sabbattha uttanamevati. Papancasudaniya majjhimanikayatthakathaya mahasalayatanikasuttavannana nitthita. -------------------

The Pali Atthakatha in Roman Book 10 page 253-254. http://84000.org/tipitaka/atthapali/read_rm.php?B=10&A=6438&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=10&A=6438&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=14&i=825 เนื้อความพระไตรปิฎกฉบับหลวง :- http://84000.org/tipitaka/read/r.php?B=14&A=10555 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=14&A=10402 The Pali Tipitaka in Roman Character :- http://84000.org/tipitaka/read/roman_read.php?B=14&A=10402 Contents of The Tipitaka Volume 14 http://84000.org/tipitaka/read/?index_14