บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
2. Channovadasuttavannana [389] Evamme sutanti channovadasuttam. Tattha channoti evamnamako thero, na abhinikkhamanam nikkhantatthero. Patisallanati phalasamapattito. Gilanapucchakati gilanupatthanam nama buddhavannitam, tasma evamaha. Satthanti jivitaharakasattham nama. Navakankhamiti na icchami. [390] Anupavajjanti anuppattikam appatisandhikam. [391] Etam manantiadini tanhamanaditthigahavasena vuttani. Nirodham disvati khayavayam natva. Netam mama nesohamasmi na me so samanupassamiti aniccam dukkham anattati samanupassami. [393] Tasmati yasma maranantikavedanam adhivasetum asakkonto sattham aharamiti vadati, tasma. Puthujjano ayasma, tena idampi manasikarohiti dipeti. Niccakappanti niccakalam. Nissitassati tanhaditthihi nissitassa. Calitanti vipphanditam hoti. Passaddhiti kayacittapassaddhi, kilesapassaddhi nama hotiti attho. Natiti tanhanati. Natiya asatiti bhavatthaya alayanikantipariyutthanesu asati. Agatigati na hotiti patisandhivasena agati nama na hoti, cutivasena gamanam nama na hoti. Cutupapatoti cavanavasena cuti, upapajjanavasena upapato. Nevidha na huram na ubhayamantarenati nevidha loke. Na paraloke, na ubhayattha hoti. Esevanto dukkhassati vattadukkhakilesadukkhassa ayameva anto ayam pacchedo parivatumabhavo 1- hoti. Ayameva hi ettha attho. Ye pana "na ubhayamantarena"ti vacanam gahetva antarabhavam icchanti, tesam uttaram hettha vuttameva. [394] Sattham aharesiti jivitaharakasattham ahari, kanthanalim chindi. Athassa tasmim khane maranabhayam okkami, gatinimittam upatthasi. So attano puthujjanabhavam natva samviggo vipassanam patthapetva sankhare parigganhanto arahattam patva samasisi hutva parinibbayi. Sammukhayeva anupavajjata byakatati kincapi idam therassa puthujjanakale byakaranam hoti, etena pana byakaranena anantarayamassa parinibbanam ahosi. Tasma bhagava tameva byakaranam gahetva kathesi. Upavajjakulaniti upasankamitabbakulani. Imina thero "bhante evam upatthakesu ca upatthayikasu ca vijjamanasu so bhikkhu tumhakam sasane parinibbayissati"ti pucchati. Athassa bhagava kulesu samsaggabhavam dipento honti hete sariputtatiadimaha. Imasmim kira thane therassa kulesu asamsatthabhavo pakato ahosi. Sesam sabbattha uttanamevati. Papancasudaniya majjhimanikayatthakathaya channovadasuttavannana nitthita. -----------------The Pali Atthakatha in Roman Book 10 page 237-238. http://84000.org/tipitaka/atthapali/read_rm.php?B=10&A=6037&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=10&A=6037&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=14&i=741 เนื้อความพระไตรปิฎกฉบับหลวง :- http://84000.org/tipitaka/read/r.php?B=14&A=9525 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=14&A=9481 The Pali Tipitaka in Roman Character :- http://84000.org/tipitaka/read/roman_read.php?B=14&A=9481 Contents of The Tipitaka Volume 14 http://84000.org/tipitaka/read/?index_14
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]