![]() |
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
3. Mahakaccanabhaddekarattasuttavannana [279] Evamme sutanti mahakaccanabhaddekarattasuttam. Tattha tapodarameti tapodassa 2- tattodakassa rahadassa vasena evamladdhaname arame. Vebharapabbatassa kira hettha bhumatthakanaganam pancayojanasatikam nagabhavanam devalokasadisam manimayena talena aramauyyanehi ca samannagatam, tattha naganam @Footnote: 1 cha.Ma. parisuddhehi 2 cha.Ma. tapodassati patho na dissati Kilanatthane mahaudakarahado, tato tapoda nama nadi sandati kuthita unhodaka. Kasma pana sa edisa jata? rajagaham kira parivaretva mahapetaloko, tattha dvinnam mahalohakumbhinirayanam antare ayam tapoda agacchati, tasma sa kuthita sandati. Vuttamapi cetam "yatayam bhikkhave tapoda sandati, so daho acchodako sitodako satodako setodako suppatittho ramaniyo pahutamacchakacchapo, cakkamattani ca padumani pupphanti. Apicayam bhikkhave tapoda dvinnam mahanirayanam antarikaya agacchati, tenayam tapoda kuthita sandati"ti. 1- Imassa pana aramassa abhisammukhatthane tato mahaudakarahado jato, tassa namavasenayam viharo tapodaramoti vuccati. [280] Samiddhiti tassa kira therassa attabhavo samiddho abhirupo pasadiko, tasma samiddhitveva sankham gato. Adibrahmacariyakoti maggabrahmacariyassa adi pubbabhaga patipattibhuto. Idam vatvana sugato utthayasanatiadi madhupindikasutte 2- vuttanayeneva vittharetabbam. [282] Iti me cakkhunti imasmim kira sutte bhagava dvadasayatanavaseneva matikam thapesi. Theropi "bhagavata hettha dvisu, upari catutthe cati imesu tisu suttesu pancakkhandhavasena matika ca vibhango ca kato, idha pana dvadasayatanavaseneva vibhajanattham matika thapita"ti nayam patilabhitva evamaha. Imam pana nayam labhantena therena bhariyam katam, apade padam dassitam, akase padam katam, tena nam bhagava imameva suttam sandhaya "etadaggam bhikkhave mama savakanam bhikkhunam sankhittena bhasitassa vittharena attham vibhajantanam yadidam mahakaccano"ti 2- etadagge thapesi. Ettha pana cakkhuti cakkhupasado. Rupati catusamutthanika rupa. Imina nayena sesayatananipi veditabbani. Vinnananti nikantivinnanam. Tadabhinandatiti tam cakkhunceva rupam ca tanhaditthivasena abhinandati. Anvagametiti tanhaditthihi anugacchati. @Footnote: 1 vi mahavi. 1/231/164 2 Ma. mu. 12/199/168 3 an. ekaka. 20/197/23 Iti me mano ahosi atitamaddhanam iti dhammati ettha pana manoti bhavangacittam. Dhammati tebhumakadhammarammanam. [283] Panidahatiti patthanavasena thapesi. Panidhanapaccayati patthanatthapanakarana. Sesam sabbattha uttanamevati. Papancasudaniya majjhimanikayatthakathaya mahakaccanabhaddekarattasuttavannana nitthita. -----------The Pali Atthakatha in Roman Book 10 page 176-178. http://84000.org/tipitaka/atthapali/read_rm.php?B=10&A=4487&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=10&A=4487&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=14&i=548 เนื้อความพระไตรปิฎกฉบับหลวง :- http://84000.org/tipitaka/read/r.php?B=14&A=7223 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=14&A=7114 The Pali Tipitaka in Roman Character :- http://84000.org/tipitaka/read/roman_read.php?B=14&A=7114 Contents of The Tipitaka Volume 14 http://84000.org/tipitaka/read/?index_14
![]() ![]() ![]() ![]() ![]() ![]() ![]() ![]() ![]() ![]() |
![]() |
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]